Македонската фолк пејачка Сања Цинцева, попозната како Сања- Барбика во последно време се повеќе е барана надвор отколку дома. Австрија, Турција, Германија… гостувања и настапи по клубовите и локалите каде доаѓаат да се забавуваат иселеници од целиот регион.
Очигледно атрактивната Барби научи како треба и со микрофонот и со имиџот и со маркетингот. Однеодамна таа реши да ја смени бојата на косата па по теркот на Карлеуша, од русокоса најпрвин ја бојадиса во розово, за потоа да стана црнка. Оттогаш Сања престана да биде барбика, или поточно остана да биде „Барбика“, ама само во прекарот.
Но, ако некој помисли дека со тоа згодната фолкерка изгуби на имиџот – се излажал. Напротив, уште пожестока, поатрактивна, попожелна и уште попровокативна, Сања тргна да го освојува регионот. Прва дестиницаја – онаа вистинската, на изворот на турбофолкот во соседна Србија! Белград и „Гранд продукција“ се вистинската дестинација за успех! Ако успееш таму, си успеал секаде. Нормално, Барби знае дека успехот има своја цена, ама колку чини ќе се плати… или одработи! За продукцијата, се разбира!
Потоа е полесно! ДМ САТ и нејзините врати во студиото ширум отворени за нашата „Барбика“. А, таа и тоа како се потруди да не разочара. Ниту со стас, ниту со глас.
Стегната во бело мини костимче, со длабоко деколте што мами погледи, во клечечка поза што буди воздишки… Се’ се наѕира, а ништо не се гледа… Не барем до крај!
Барби знае колку треба да покаже, а колку да остави фантазијата да ви ја поттикне волшебната игра на сетилата! Можеби веќе не е барбика, ама затоа сега е жестока бомба… Секс бомба!
