Сузана Турунџиева овој период има убави моменти за славење и радост. Имено, нејзината ќерка Лора Турунџиева неодамна се породи и на свет го донесе синот Јаков, а Сузана за првпат стана баба.
Радосните вести за приновата тие ги споделија на социјалните мрежи.
View this post on Instagram
Седете мирни, ноќеска ми се случи човекот на мојот живот! Радост невиденааа, да ни е здрав и среќен?
Меѓутоа, освен приновата во семејството, Турунџиева имаше уште еден повод за славење, односно нејзиниот јубилејен роденден.
Водителката деновиве наполни 50 години, па по тој повод се огласи на социјалните мрежи.
Полувреме е… Ми беа потребни 50 години за да сфатам некои работи… Дека животот е вистинско чудо… Дека ниедно утре и задутре не ни е ветено… Дека си (не)среќен онолку колку што ќе одлучиш да бидеш (не)среќен… Дека сите не се грижат за тебе толку колку што ти се грижиш за нив… Дека да си сама не е трагедија, туку е предност… Дека оној што ти суди не може да те љуби… Дека без оглед на многу препреки, разлики или километри, вистинските љубови не умираат, ниту атрофираат… Дека ако нешто силно сакаш не постои пречка која може да те спречи… Дека темнината и несреќите се минлива состојба… И дека главната улога во мојот живот ми е доверена мене…
Полувреме е… И конечно светлото е вклучено! Јаков е светлоносецот. Второто полувреме може да почне- напиша Турунџиева.
Веруваме дека Сузе имала прекрасен ден, а по нејзиниот роденден и раѓањето на внукот секој ден ќе и биде исполнет со љубов и радост.