Каја Гербер, ќерката на популарната Синди Крафорд, учествуваше на ревјата на Сен Лоран на модната недела во Париз, но сите ги шокираше со изгледот поради што претрпе многу негативни критики.
Каја има само 17 години, а досега чекореше на ревиите на познати дизајнери.
Иако во последнте години во модата се преферира нормален женски изглед, изгледа светските модни брендови и понатаму вработуваат исклучиво слаби модели, иако наводно требаше да има строги казни за преслабите манекенки и модните куќи кои според тежината на моделите пропагираат анорексија.
Обожавателите на Каја досега многупати ја критикувале поради преслабата градба, тврдејќи дека дури ниту нејзината мајка Синди, која беше една од најпопуларните супермодели на сите времиња, никогаш не била толку слаба.
