DJ Tennis – Манфреди Романо e основач и А&R на дискографската куќа Life and Death. Во најраните почетоци се занимавал со менаџирање панк бендови и организирање музички настани низ цела Италија, a познат е и како основач на DAZE – првата букинг агенција целосно посветена на електронска музика.
Како изведувач, DJ Tennis покажува неверојатна способност да создаде атмосфера на интимост дури и на најмасовните настани.Како истакнат продуцент, тој постојано ѝ се навраќа на својата поврзаност со состави како Godspeed You! Black Emperor, Tortoise и Fugazi. DJ Tennis неколку пати има настапувано на легендарниот фестивал Burning Man.
Минатото лето, тој бил првиот гостин на резидентските забави на DJ Solomun во клубот Pacha на Ибица – Solomun+1. Освен на бројните музички фестивали, присутен е и на клупската сцена во Париз (Concrete), Мајами (Space), Берлин (Berghain | Panorama Bar), Сан Франциско (August Hall), делејќи го пултот со Ben Klock, Maceo Plex, Tale of Us, Mind Against, Warren, Rebolledo, DJ’s Harvey, Tobias Freund.
Ние ќе имаме можност да го слушнеме DJ Tennis на уште една PopUp Music журка, овој пат во Станица 26, на 22 февруари!
