ТВ гледачите го паметат Марјан Трајчев од штипското село Пухче, кога пред неколку години стана ведета јавноста откако се јави во утринската програма на “Канал 5” за да побара помош за својот љубовен живот.
Не штедеше ниту зборови ниту пари на неговата идна избраничка да ѝ купи се што ќе посака. Вети дека нема ништо да и недостасува, само има еден, единствен услов: таа да биде домаќинка! Се пофали дека тој чувал 300 овци и е многу вреден човек, па таква сака да биде и неговата идна животна сопатничка.
Минаа неколку години, но Марјан и понатаму остана ерген, иако е упорен и не се откажува, па неговата потрага по жената на неговиот живот не е завршена. Во меѓувреме домаќинот од Пухче ги откри социјалните мрежи, па овој пат преку „Фејсбук“ реши да и предложи брак, никому друг туку на онаа од која бараше љубовна помош – на водителката на „Канал 5“ , Јелена Спенџарска, која своевремено му правеше интервју.
„Јелена имам некој јак осет дека ‘ваа година свадба ќе правеш сигурно, а кој ќе биде срекнико нека биде, ама ваа година е твојта година,време ти е Јеленче, не ти мислам лошо озбилно. Сестра ти помала од тебе ожени се, и ти ќе се оженес хахаха… Ќе биде по мое куќа ќе гледаш, деца ќе чуваш, доста ти е шетање, ќе бидам среќен дека сум те исправил по правио пат да бидеш домакинка. Милена е помала од тебе ама како се ожени коку и е поубав живото. Годините брзо поминуват не е шала, децата се најубавото нешто во живото, со нив животот е 100 пати поубав. А, што убаво се бевме договориле 4 комада да имаме, две машки и две момички. Момишките мој да бидат, а машките твој, да ја чуват мама никој да не ја чепка. Е, Јеленче, Јеленце што е пишано тоа ќе биде. Јас сакам да имаш живот од соништата како принцеза да бидеш, срничка, лавица, едвај да чекаш да дојде наредниот ден живот исполнет со секојдневни изненадувана и неверојатни доживувана, како свет од бајките да имаш, а не секојдневна борба“ – пишува домаќинот во својот ФБ статус и продолжува:
„Сите велат ти си крив, дома ти била пуштил си ја?! Е шо бе јас животно ли сум, па ајде дојдела срничката изеди ја? Ако си вистински лав пушти ја мож’ пак ке дојде?! Жени се Јеленче додека си мелемче и имаш црвени обравчиња како лубеничка. Не сум се откаал, сакам со тебе да го воскреснеме истоко. Мртов исток, мртва економија мртва држава. ЗАЕДНО МОЖЕМЕ ПОВЕЌЕ ЗА ПОДОБРО УТРО НА ИДНИТЕ ГЕНЕРАЦИИ ДА СЕ БИДЕ ГОРДОСТ ДА СЕ ЖИВЕЕ ВО МАКЕДОНИЈА, НАШАТА МАЈКА НАЈМИЛА“ – пишува Марјан во својата Фејсбук брачна понуда до Спенџарска!
И човекот не дека не е во право. Си тера тој по онаа старата – невестата да ги исполнува трите услови. Светото „брачно тројство“. Дека е домаќинка во кујна – видел на телевизија…
…Дека е дама на улица – видел на Фејсбук, а и Сергеј го гледал кога ја пофали дека ги прифатила неговите модни критики…
…А, она третото, за спалната? Е тој услов домаќинот од Пухче ќе мора сам да го провери и да се увери.
Као што го проверил сето останато, па дури и тоа како и стои венчаница, на неговата „виртуелна“ животна избраничка.
