Последната фотографија на пејачката Анка Поп, која во понеделникот беше пронајдена мртва во Дунав, одново ја шокираше јавноста. Таа ја покажува истата река во која е пронајдено нејзиното тело во автомобил.
Фотографијата, со која фановите од Анка се простуваат со денови, делува морничаво, особено ако се запази еден, судбоносен детал.
Имено, пејачката минатиот месец објавила фотографија на Инстаграм, на која се гледа како таа боса седи покрај Дунав во Романија.
„Дунав“ – напишала покрај фотографијата на која е свртена со грб кон камерата, а е снимена како гледа кон местото каде што ќе биде пронајдена мртва, еден месец подоцна.
Полицијата во вторникот објави истрага, но сè уште нема вести за тоа како се случил трагичниот настан.
Пејачката е родена на 22 октомври 1984 година. Анка Поп избегала во 1987 година од комунистичка Романија на режимот на Шаушеску. Со своето семејство го преминала Дунав и преку поранешна Југославија, каде што била бегалец неколку месеци, подоцна се населиле како емигранти во Канада.
По распадот на комунизмот, таа се врати во Романија во 1993 година. Оваа година таа ги разбранува духовите на јавноста кога откри дека е во врска со припадничка на истиот пол, во едно општество кое може да биде нетолерантно кон хомосексуалноста.
Во јули 2017 година го објави големиот хит на Горан Бреговиќ, обработувајќи го познатиот “Ѓурѓевдан”, наречен “Едерлези”.
