Годината ги брои последните денови… Новогодишната еуфорија полека почнува да ги зафаќа луѓето, а меѓу нив секако и познатите лица.
Лани, Викторија Лоба задоцни со китењето на елката… Седеше и црпеше инспирација од Интернет, како да ја декорира. Во свилени розови пижами, тогаш подарок од спонзорот кој го рекламираше – познат македонски бренд за ноќници, пижами, долна облека, костими за капење, хулахопки…
Тогаш, Новата 2017 година дојде, а русокосата Македонка со руска душа, им ја честиташе на своите блиски, пријатели, соработници, фанови, на сите инстаграмџии… во истите тие пижами со розови пруги!
Годината дојде и помина, спонзорот си замина, а Лоба и покрај прекинатата соработка остана со само со една мисла и една желба… во нејзините розови пижами: „Никого не осудувајте. Сите сакајте ги, на сите простувајте им!“ Христијански, нема што.
И така уште една годината полека се истркала и додека на истата и се гледа крајот, Викторија Лоба овој пат реши на време да си ја заврши работата. Си зеде за обврска за разлика од лани, уште првиот викенд од декември да ја накити својата новогодишна елка.
Речено – сторено, па русокосата убавица откако ја декорираше, елката ја постави да стои среде соба високо, а таа уживајќи склопи око, откако претходно легната покрај неа… во истите оние свилени, розови пижами на пруги… Во нив и во ниту едни други!
Годината полека поминуваа, спонзорот оддамна си замина, само таа, Викторија Лоба остана да биде… пижама дама. И додека сонува со својата убавина да мами, во своите свилени, розови пижами!
