Се сеќавате ли на пејачот кој пред повеќе од 20 години ја отпеа „Марионка“ на „Златно славејче“? Уште тогаш тој освои многу срца на детската публика.
Васил Гарванлиев заедно со неговото семејство во 2002 години се пресели во САД каде што беше дел од најголемите светски сцени, изгради над 40 главни улоги. Исто така, пејачот бил и бек вокал на неколку концерти меѓу кои и на „Њу кидс он д болк“ и Енрике, а снимал и неколку реклами.
Во интервју за Женски магазин, Васил прозборе за тешкиот период, за времето кога ги депортирале од САД и кога ги изгубил најблиските членови на семејството.
„По Македонија, заминавме за Америка. Во јуни во 2003 година, мене, мајка ми, татко ми брат ми не депортираа и имавме само четири дена да заминеме. Имав 10 години забрана од САД, ја загубив стипендијата во Њујорк, најдрагата од Буш за уметност- поради тоа што не бев Американец. Тогаш требаше да играм главна улога во мјузикл. Ми дозволија да останеме две недели да завршам средно училиште и да ја играм улогата. Тоа беше почетокот или првиот залак на лекцииите од дедо Боже, вели Васил и прозборе за трагедијата кога во сообраќајна несреќа го загуби својот татко.
„ Следните години, загубив голем дел од фамилијата. Прво, семејството ми се распадна. Сите заминавме на различни страни. Јас во Милано, татко ми во Торонто, мајка ми се врати во Македонија, а брат ми во Бугарија. Се немав видено со моите родители и со брат ми повеќе од една година. Татко ми потоа дојде во Милано, сакаше да продолжи да работи од Италија, тој имаше своја фирма, возеше камион. Се видовме само еден час, и потоа јас се преслив во Торонто, решен да ја градам музичката кариера од таму. Една година потоа, татко ми загина во сообраќајка, возејќи камион. Беше страшно, никој од нас немаше италијанска виза, мојата беше истечена, не можевме да го идентификуваме телото на татко ми. Тоа се случи на почетокот на август, а посмртните останки ги донесоа во Македонија дури на крајот на август. Следната 2005 година, почина и баба ми во Струмица, и таа настрада во сообраќајна несреќа. Брзо по неа, почина и дедо ми. За една година, загубив многу драги линости. Во Торонто, останав 10 години, бев и во Чикаго 8 години, една година во Лондон, и сега по 20 години, конечно сум дома, вели Гаврнлиев за Женски магазин.
Инаку, деновиве Васил е познат по својата нова песна „Ѓердан“ со која се враќа на музичката сцена.
