Сплит минатата вечер се прости од великанот на музичката сцена Оливер Драгојевиќ кој почина во неделата на 71 година.
По обредот во кругот на семејството, пријателите и соработниците, на пристаништето Фрањо Туѓман се собраа близу 10 илјади луѓе кои со молитва и песна за последен пат го испратија Оливер.
Ковчегот на Оливер Драгојевиќ го возеа на количка, а на секои триесет метри се менуваа луѓето кои одеа крај телото на починатиот. Меѓу другите беа и Џибони, Петар Грашо, Тончи Хулиќ, Тони Цетински, Горан Каран, Стјепан Хаусер, Дорис Драговиќ и членовите на групата Делфи.
Целиот пат ѕвонеа црковните ѕвона, а додека тажната поворка минуваше се слушаа и песните на Оливер кои ги пееја хорови. Во придружба на катамаранот за Корчула беа и од Хрватската воена морнарица, бродови на МУП, како и стотина бродчиња кои му оддадоа чест на легендарниот пејач.
Another amazing aerial shot of countless boats following the ship carrying his casket away from Split to his birthplace of Vela Luka on the island of Korčula. Full photo set can be seen here; kudos to the man taking it: https://t.co/xtWRlURmUs pic.twitter.com/BRTxwNpwl7
— Juraj Vrdoljak (@JurajVrdoljak) July 31, 2018
Оливер Грагојевиќ беше еден од најпопуларните пејачи во Хрватска, но и на подрачјето на цела Југославија.
Почина во неделата во сплитската болница откако ја изгуби битката со тешката болест. Погребот е закажан за среда во 18 часот во кругот на семејството.