Мајката на Новак Ѓоковиќ се присети на тежок период од животот на нејзиниот син кој пред неколку години мораше да ја оперира раката, а деталите за се’ што му се случи ги опиша во едно од ретките телевизиски настапи на Марина Рајевиќ- Савиќ во емисијата „Додека спијат ангелите“.
Она што тогаш го кажа Дијана Ѓоковиќ најдобро ја опишува силата на карактерот на најдобриот тенисер.
– Новак постојано бара нови знаења. Нешто што не ни е достапно, што би се реколо за нас смртниците, не ни блиску. Заинтересиран е за исхрана, терапии, алтернативни методи. Тој не е приврзаник на класичната медицина, што е веќе познато, но имаше една епизода кога мораше да се оперира – ја започна својата исповед мајката на Новак Ѓоковиќ и истакна дека Ноле се обидел да ја избегне операција додека тоа не станало неизбежно.
-Кога се разбуди од анестезијата ми кажа дека се изневерил. Му објаснив дека го направил тоа што треба да го направи и дека ако сака да продолжи да игра, тоа е неопходно. Се обиде со алтернативни методи, се’ што му беше достапно, но ништо не делуваше. Новак едноставно е против тоа, не сака лекови, не сака да внесува ништо во телото. Љубопитен е, чита се’ што ќе му падне при рака, се образува… А таа диета, не знам дали би ме задоволила мене или на некој друг, но нему му одговара. И не можам да кажам ништо, бидејќи ми ја затвори устата со неговите резултати. Тоа што сме навикнати на месо и дека веруваме дека тоа е единствен извор на протеини, тој докажа дека не е – изјави мајката на Новак Ѓоковиќ.
Најдобариот тенисер денеска е во полна снага и го очекуваат мастерс турнирите во Париз, а потоа и во Торино.
фото: Guliver Getty Images/Profimedia