Пејачката Наташа Беквалац во искрена исповед во емисијата „На терапија со Славица Ѓукиќ Дејановиќ“ која се емитува на ТВ Блиц, се наврати на трите пропаднати брака што ги има зад себе. , барајќи ја сржта на нефлексибилноста во машко-женските односи во моделот што го донесе од дома.
– Разбирливо е еднаш да згрешите, но јас три пати влегов во идентичниот модел. Мојот избор на мажи беше сличен на онаа енергија на татко ми затоа што претпоставувам дека се враќав во зоната на удобност поврзана со врска со машка фигура. Никогаш не би можела да живеам како мајка ми и затоа се разведов. Да останев во некој од тие три брака, сите ќе личеа на бракот на моите родители. Не кажувам ништо лошо за нивната врска, но тоа едноставно не е моја шолја чај. Тие формираа врска која им одговара, но тоа е врска во која не можам да се замислам. Точно е дека влегов во такви врски, но тоа беше само затоа што се мажев во наплив на љубов и слепило, а по кратка врска стапив во бракови – раскажала Наташа во еден здив.
Беквалац се присети и на една од најголемите грешки во животот, која, како што и самата признава, ја направила од револт кон родителите.
– Склона сум на бурни реакции и грешки токму поради тој авторитет. Најголемата грешка ја направив на крајот од четврто одделение кога побегнав од дома, но не од љубов кон тоа момче, како што зборуваа луѓето и пишуваа медиумите, туку од желба да покажам дека можам да бидам моја личност и сама одлучувам за мојот живот. Тоа беше мојот начин да одговорам на притисокот од моите родители. Бев преплашена, немав план и не знаев што правам. Само сакав да побегнам. Она што го сретнав во тие три месеци, кога бев отсутна од дома, остави траен белег на мене како женско суштество. Се вратив сменета од Белград назад во Нови Сад, но продолжив да живеам сама – додала пејачката едвај задржувајќи ги солзите.
– Не сакав да им предизвикувам болка на родителите, но уживав во една работа. Имено, тие многу се грижеа за угледот, а мене страшно ме нервираше што понекогаш беше поважно како ќе биде прикажано нашето семејство отколку како навистина живееме. Уживав да го валкам угледот на моето семејство. Јас се казнував себеси, не нив, но тоа беше мојот начин во тој момент – заклучила Наташа, а обземена од емоции ја прекинала емисијата бидејќи се гушела во солзи.
фото: Блиц ТВ/Принтскрин
