Откако се разведе од пејачката Ана Николиќ, Стефан Ѓуриќ вешто ги криеше емотивните партнерки. Не сакаше да зборува за приватниот живот, но љубовта дефинитивно не може да се сокрие. Имено, како што пишуваат тамошните медиуми, девојката на Раста повеќе не е тајна и заљубениот пар моментално живее во Хрватска на море.
Раста вчера објави „Инстаграм стори“ од тераса на стан на приморје. Во преден план се неговите стапала, но и женска личност со сино обоени нокти.
Според „Курир.рс“, популарниот рапер е во врска со 12 години помладата„тиктокерката“ и актерка Марија Балабан, која на оваа социјална мрежа ја следат дури 82.000 луѓе.
Марија и Раста врската ја започнале додека тој бил во домашен притвор, каде редовно го посетувала. Нивното познанство прерасна во сериозна врска и тие двајца се уште се заедно.
– Раста не е од оние кои се фалат со настани од приватниот живот, па и сега само на најблиските пријатели им кажа дека е во врска. Марија пред две недели наполни 21 година, а во ноември тој ќе го прослави 33-от роденден – рекол соговорникот и открил дека е чудно што никој досега не сфатил дека се заедно, бидејќи раперот често ги коментира фотографиите на својата девојка.
– Сега се на море во Хрватска, заминаа на одмор за да поминат што повеќе време заедно бидејќи Раста е доста ангажиран со настапи во текот на летото. Навистина добро се сложуваат, големата разлика во години не им е проблем. Раста ја поддржува Марија во се што прави, а таа е со него – рекол изворот.
фото:Инстаграм принтскрин
