Главната улога на долгоочекуваниот филм „Blonde“, снимен според романот на Џојс Керол Оутс, за животот на Мерилин Монро, ќе ја има Ана де Армас, кубанско-шпанска актерка, која привлече големо медиумско внимание со својата страсна врска со Бен Афлек.
View this post on Instagram
Во актерската екипа се појавува и Адријан Броди, како драматургот Артур Милер, сопругот на Мерлин Монро.
Книгата, напишана од Џојс Керол Отус, е добитник на 5 Пулицерови награди, е опишана како смело измислена приватна приказна за Мерилин, како најпознат секс симбол на светот. Филмот е измислен портрет на моделот, актерката и пејачката. Дејствието е сместено во текот на 50-тите и 60-тите години.
Во интервјуто за„ The Sunday Times“, Ана откри дека се обидела да го долови акцентот на Мерилин најдобро што може:
„Ми требаа 9 месеци обука и вежбање на дијалектот и неколку сесии. Беше навистина досадно и толку исцрпувачко. Мозокот ми беше испржен.“
И покрај напорната работа, актерката изјави дека има голема почит кон Мерилин:
„Многу размислував како жена во оваа индустрија, но и воопшто, за тоа како некои работи од 1930-тите, 1940-тите и 1950-тите се толку поврзани со денешницата. И како, ако немаш силна поддршка, да речеме со семејството и пошироко, навистина е тешко да успееш. Навистина тешко.“
Фото: Инстаграм//ana_d_armas/Јутјуб
