Пејачката Ана Николиќ доживеала непријатна ситуација на настап кога и пришол агресивен маж и на секој начин се обидел да и го привлече вниманието.
Имено, млад човек кој бил под дејство на алкохол се обидел да го предизвика вниманието на пејачката со постојано гледање во неа, дофрлајќи, а бидејќи видел дека Ана не реагира, во еден момент се фатил за паричникот и извадил банкнота од 50 евра. .
Младиот човек почнал да мафта со парите и се обидел да и ги стави в рака, но Николиќ вешто го избегнала и продолжила да пее цело време без пауза.
Откако по извесно време сфатил дека Ана не го регистрира, се обидел да и го привлече вниманието преку членовите на нејзиниот бенд. Но, и тие на убав начин ги одбиле парите објаснувајќи му дека не примаат бакшиш.
По ова Ана во еден момент му го свртела грбот вртејќи се кон другите музичари, што само дополнително го изиритирало пијаниот гостин, па во еден момент, видно изнервиран, силно извикал обраќајќи и се на Ана Николиќ со зборовите:
„Можам да те имам за 50 евра! Што се правиш овде“ – извикал пијаниот гостин, но судејќи по тоа што реакцијата на Ана изостанала, таа по се изгледа не го и слушнала ова. После тоа почнал да им довикува на членовите на бендот.
Ниту пејачката ниту нејзините музичари не обрнале внимание на оваа провокација, туку продолжија да свират.
„Буквално сите на сцената го игнорираа, беше очигледно дека момчето е навистина многу пијано. Но, гостите кои седеле пред бината во тој момент повикале неколкумина од обезбедувањето, кои веднаш реагирале и му пришле на алкохолизираниот гостин. Љубезно го замолиле да ги стави парите во џеб и веднаш да замине. Тој првично протестирал, но потоа обезбедувачите го однеле. Повеќе не го видов, можно е да го избркаа поради ваквото однесување, а Ана продолжи да пее како вистински професионалец“ – ја раскажал случката еден очевидец.
