Веќе некое време се шпекулира дека популарната женска вокална група „Хурикејн“ се распаѓа и дека е само прашање на време кога секоја од нив ќе продолжи по својот пат. Како што се дознава, оваа тројка се договорила да функционираат заедно до септември, кога секоја од нив ќе започне соло кариера.
Од снимањето на хитот „Фаворито“ пред две години, Ксенија Кнежевиќ, Сања Вучиќ и Ивана Николиќ станаа омилени пејачки во регионот и јавноста го следи секој нивни потег. Набрзо следеше Евровизија, на која се здобија со симпатии на цела Европа, а секоја наредна песна стануваше хит. И покрај тоа што се’ уште се многу популарни, неодамна почнаа да кружат шпекулациите дека девојките повеќе не можат да соработуваат, и дека сакаат да ја продолжат својата музичка кариера, но секоја соло.
Според извор близок до трите пејачки, тие се договориле на 1 мај летово да направат проштална летна турнеја и закажале настапи кои ќе ги имаат во наредниот период, по што ќе се разделат. Тоа значи дека веќе во септември секоја од нив ќе тргне по својот пат.
Многумина ќе ги растажи оваа информација бидејќи девојките се многу популарни, особено кај помладата публика. Сепак, има и такви кои сметаат дека е подобро да продолжат сами. Со месеци на социјалните мрежи се коментира дека меѓу пејачките владее нетрпеливост, и дека забележале дека Ивана е разделена од Ксенија и Сања. Тие не сакаа да ги коментираат овие наводи, но сомнежите ги подгреа Николиќ, која неодамна го прослави роденденот без колешките, што е само уште една индикација дека… „Ураганките“ се распаѓаат!
