Девојките од групата “Хурикејн“, Ксенија Кнежевиќ, Сања Вучиќ и Ивана Николиќ деновиве пред публиката претставија две нови песни. Една домашна песна „Ајде бре“ и една странска „Set the world on fire”. Ова е континуитет на нивното снимање песни и на англиски и на српски јазик.
Облечени во бели предимензионирани костуми и со впечатливо поинаков стајлинг од порано, девојките зборуваа за Новата година, желбите, претстојните настапи, меѓу кои е и оној во Скопје, ден пред Нова Година, на 30-ти декември ( четврток) на големата претпразнична „афтерворк“ журка од 17.00 часот во локалот „Дежа Ву – Ист Гејт“.
На прашањето дали се суеверни и дали ќе ја почитуваат традицијата за Нова Година, Ксенија Кнежевиќ одговори – делумно.
„Секогаш ги почитувам тие суеверни обичаи. Во Новата година влегувам со црвени гаќички“, низ смеа рекла Ксенија, а Ивана додала дека во Новата година влегува со црвена коса.
Посочија и дека нема да подготвуваат храна за новогодишните празници. Како што велат, не готват, зашто настапуваат, а во предвид доаѓа само алкохол.
„Ќе купам многу алкохол, тоа е тоа. Работиме за Нова Година и за нејзината патерица. Нема ништо од нашето готвење, иако сите три сакаме да јадеме“, рекле девојките низ смеа, чиј настап со нетрпение се очекува овој четврток и во„Дежа Ву – Ист Гејт“ во Скопје.
View this post on Instagram
фото: Инстаграм принтскрин/hurricane_official
