По повод сомнежите дека е крив за кражбата која се случи во музејот на покојната Есма Реџепова, со демант за српскиот Курир се огласи нејзиниот син, Сименон Атанасов. Редакцијата на Курир.рс се обратила преку мејл, а во продолжение ви ја пренесуваме неговата објава:
-Стево и Есма не ме посвоија легално, како и сите останати деца, но од првиот ден се грижеа за мене како родено дете. Кога во 1997 година Стево беше на смртна постела не повика сите нас кои во таа генерација бевме присутни, беше присутна и покојната Есма, кажа дека ми ја остава својата позната хармоника и јас да го водам бендот, пишува во својот демант Симеон Атанасов.
-Мојот син се вика Стево, а мојата ќерка Есма поради почитувањето кое го имав на нив, кои ме беа како вистински родители. Автор сум на повеќе од 100 песни и затоа Есма од почит кон мене и моето семејство одлучи сите авторски права да ми ги остави мене. Не ми е потребна куќата, ниту било што од неа, вели тој и додава:
-Јас сум наследник на авторските права и тоа ми е доволно. Сакам да ги зачувам добрите спомени на Есма и благодарен сум за се што ми помогна во животот, ми даде доволно на сите и затоа ги негирам гласините дека сум направил било каква кражба, никогаш не сум земал ништо бесправно, завршува Атанасов.
Потсетуваме, како што пренесоа рагионалните медиуми, тој наводно неколку часа поминал во полиција на разговор, по што го поврзаа со кражбата во која исчезнаа од накит, гардероба, обувки, мебел…
извор:kurir.rs
foto:promomedia
