Македонската пејачка Елена Ристеска оддамна нема нова песна… Таа својата музичка кариера ја стави во втор план и сега потполно е посветена на својот нов бизнис откако ја лансираше своја козметичка линија „ERA Cosmetics“ односно парфемот со ова име, а од неодамна и гелот за туширање.
Но, со неодамнешнатото појавување на манифестацијата „Rumeli Best of festival“ во Турција, каде Елена ја доби наградата за најдобар претставник на македонската култура, пејачката како да го најавува својот камбек на музичката сцена.
Евидентно е дека и покрај успешниот козметички бизнис на Елена музиката и недостасува, па затоа веројатно наскоро јавноста може да очекува нешто ново од неа. Но дека нејзе и нејзиниот вокал не и недостасува само на домашната публика, туку и на оние што оддамна ја почуваствувале сцената, доказ е споделениот пост или поточно размената на постови помеѓу една голема српска ѕвезда и макдонската пејачка. До душа тој не пејач туку познат актер, кој патем одлично пее, па затоа и Милан Васиќ посака дует со Елена Ристеска.
Него го паметиме од познатите српски серии и филмови, но и од култната музичка претстава „Певај Брате“ во која со Милан Калиниќ и Андрија Милошевиќ десттина пати гостуваше и во Македонија.
Милан кој има потекло од Косово и Метохија (Косовска Каменица, 31 јануари 1979 г.) не само што е добар актер, туку и одличен пејач.
Тој тоа го докажал многу пати, дури и професионално покажувајќи го својот неспорен вокален потенцикјал и талент.
View this post on Instagram
Тој пак овој пат со онлајн изведбата на „Калино моме“ напиша дека ги обожува македонските песни, па ја посака или поточно повика Елена да снимат дует.
Елена пак, на која дуетите со изведувачите од регионот не и се непознаница ( со Хари Мата Хари во 2017 година ја сними „Још ме плашиш“, а со српската пејачка Данијела Кариќ во 2019-тата песната со наслов „Срца се погреше“), веднаш реагираше и му одговори на актерот, со широко раширени раце прифаќајќи го предизвикот или поточно поканата.
„Обавезно дует… Дојди ни во Македонија Миланееее“ – му порача Елена, а тој гордо потврди деке ете… „Договоривме и дует“!
Епа… „Пеј брате и ти Елено ќерко“… Дилемата е само македонско или српско, забавно или народно или можеби ќе бидеме сведоци на еден вид „мешана култура“?
Фото: Фејсбук и Инстаграм принтскрин/milanvasic_official/elenaristeska_era
