Познатиот текстописен Марина Туцаковиќ беше погребена во среда (29.09.2021) откако ја изгуби битката со опасната болест.
По желба на семејството, на погребот присуствуваа само блиските членови на семејството и неколку пријатели, соработници на Туцаковиќ меѓу кои и Јелена Карлеуша, Цеца, Дејан Матиќ, Милан Калениќ, Мина Костиќ.
Деновиве, српските медиуми пишуваат дека наводно на погребот се случил скандал, односно дека синот на Марина, Милан Радуловиќ Лаќа им забранил на Цеца, Калениќ и на Дејан Матиќ да се приближуваат до гробот.
„Вие тројца не се приближувајте, останатите може“, наводно рекол тој.
По тој повод за „Новости“ се огласи и Цеца која испратила порака: „Немам коментар“.
Сега се огласи и пејачката Мина Костиќ која беше присутна на погребот и ги демантираше овие пишувања.
„Бев присутна и апсолутно не е вистина дека Лача кажа нешто на некој. Ни на Цеца, ни на Сале, на никој не упати лоши зборови. Јас навистина не знам од каде толку лаги. Дојдовме да ја испратиме жената и навистина е глупо да се коментира. Не можам да верувам дека некој може да измисли такво нешто“, изјави Мина.
Инаку, и менаџерот на Јелена Карлеуша на Твитер демантираше дека се случил таков скандал.
Некој корисник праша дали навистина тоа се случило, а тој одговори „не“.
фото: александар јовановиќ циле/рас србија/инстаграм
