Војводата и војвотката од Сасекс не ја прашаа кралицата за нејзиното мислење пред да ја именуваат својата ќерка по нејзиниот прекар Лилибет, изјави извор близок до палатата за Би-Би-Си.
Од друга страна, портпарол на Сасекс тврди дека парот побарал дозвола од кралицата, па во изјава за „Дејли телеграф“, тој го обвини Би-Би-Си за ставање „лаги“ против Сасекс и рече дека Би-Би-Си ќе биде тужен за клевета.
Принцот Хари му се закани на Би-Би-Си со тужба и поради оваа ситуација започна „војна“ меѓу Сасекс, палатата и Би-Би-Си.
Откако во Би-Би-Си се појавија натписи дека парот не побарал дозвола од кралицата за името, принцот се огласи во рок од 90 минути и повторно истакна дека од кралицата побарал дозвола.
Известувањето за можна правна постапка против Би-Би-Си беше придружено со внимателно формулирана изјава што покрена повеќе прашања отколку одговори дали кралицата дала дозвола или парот едноставно ја известил за своите намери.
Во соопштението се вели дека извештајот на Би-Би-Си е целосно погрешен и пишува:
„Војводата разговараше со своето семејство пред објавата, всушност неговата баба беше првата личност на која и се јави. За време на разговорот, тој истакна дека се надева оти ќе можат да ја повикаат својата ќерка во нејзина чест. „Да не го поддржуваше тоа, немаше да го употребат името“, пишува „Дејли меил“.
На почетокот на оваа година, додека парот очекуваше ќерка, тие го критикуваа кралското семејство и обвинија за расизам во ексклузивното интервју со Опра Винфри.
За време на викендот, двојката објави дека Лилибет ‘Лили’ Дијана Маунтбатен-Виндзор е родена во болница во Санта Барбара, Калифорнија.
По раѓањето на Лилибет, се претпоставуваше дека Хари и Меган прво разговарале со кралицата за избор на име.
Подоцна се појавија приказни во медиумите според кои наводните пријатели на парот сугерилале дека Хари побарал дозвола од неговата баба да ја именува својата ќерка Лилибет. „Тајмс“ исто така објави дека Хари ја известил кралицата за името, пренесува „Јутарњи лист“.
