Преставничката на Украина, Катерина Павленко (32) воодушеви со својот настап на 65-то издание на Евровизија кое се одржа во Ротердам.
Таа со групата „Go – A“ настапи со песната „Shum“. Меѓутоа, малкумина ја знаат нејзината тажна приказна. Имено, таа го изгубила нејзиниот татко и станала бездомник.
Павленко е родена во Нижин. Пораснала без татко. Таткото на нејзината мајка ја заменил татковската улога, но откако тој починал, Катерина и нејзината мајка станале бездомнички, а тогаш имала шест години.
Тие се сноаѓале како знаат, а во еден период живееле на градилиште.
„Се сомневаа дека нешто не е во ред, но никој не сфати колку тоа е лошо. Сфатив колку ми беше тешко бидејќи не сакав никој да дознае. Се плашев дека ќе ми се смеат, дека луѓето ќе ме мразат. Потоа сфатив дека ми е жал. Сожалувањето беше последна работа која сакав да ја разбудам кај луѓето“, истакна неодамна Катерина.
Таа од мали нозе имала желба за музика, но животот во тешки услови влијаел на нејзиното здравје.
Прво се појавила болка во пределот на градите, а подоцна Катерина се соочила со тумор на белите дробови.
Имала две операции и бил изваден дел од белите дробови.
„Мојот звук не се формира во белите дробови, нема простор за тоа. Тоа вибрира во мене, не знам од каде. Цело време ме слушате како дишам. Има тука шарм бидејќи ме слушате како земам воздух и тоа не ми прави проблем во пеењето. Можам да ја „фатам“ нотата и долго да ја задржам, а не знам како тоа функционира“, објасни евровизиската претставничка на Украина.
