Пејачката Славица Чуктераш откако се разведе од сопругот Владо ужива во својата слобода.
Славица е активна на „Инстаграм“ каде што редовно објавува видеа од Тик Ток, но за нејзиниот приватен живот не сака многу да зборува.
Екипата на Ало.рс ја фотографиле пејачката со згоден маж во ресторан, а како што тврди извор за спомнатиот портал Славица во друштво на овој маж секогаш била насмеана.
„Често ја гледаме во друштво на непознат маж. Секогаш се добро расположени и насмеани. Не сум сигурна дека е нејзино момче, но во негово друштво Славица секогаш е насмеана“, вели изворот и додава:
„Во една прилика, со нив беше и ќерката на Славица, а овој згоден фраер се играше со неа“, вели изворот.
По тој повод се огласи и Чуктераш.
„Аман бре луѓе, сама сум година ипол.Не размислувам за мажи, имам попаметна работа. Сигурна сум дека сте ме фотографирале со некој од моите пријатели со кои често излегувам, се шегувам, фотографирам, се смеам, гушкам….Што е чудно ако имам машко за пријател? Немам момче, сама сум“, изјави Славица.
Потсетување, Славица пет години беше во брак со фудбалерот Владо Аврамов со кој ја доби ќерката Викторија.
