Среќна Нова Година… Многу здравје, среќе, љубов, успеси… Со желби и пораки за многу поубава година од претходната, влеговме сите во Новата 2021-ва, а влегоа и тие – познатите и популарни македонски личности. А кога е почетокот на годината во прашање, ако новата „принудно“ ја дочекаа во домашен амбиент, веќе првите денови се потрудија истиот да го заменат со малку поинаков конфор.
Некои останаа во Скопје или родниот град, други заминаа надвор од македонската престолнина, во друг град, на некое туристичко место или планина, чисто онака – за да сменат средина и да ја избегнат монотонијата. Дома или некаде надвор, речиси сите беа во друштво на најмилите или некои други, ним драги луѓе, со кои малку се дружеа, разменуваа мудри мисли и позитивна енергија, но и се разубавуваа или ги полнеа батериите… Која како и каде стигнал, и секако кој со кого…
Македонската „џепна венера“, Ноне Неделковска е веќе подолго во родниот Велес. Ковид 19 го запре светот, а со тоа и нејзината работа на крузер патувањата. Иако сега можеби нема со кого толку многу да ја разменува, Ноне сепак секогаш знае како да шири позитивна енергија. Зашто ја има…
А тоа не се учи, туку или го носиш во себе или не! „Не може да се научи ширењето на позитивна енергија – не може од човек да излезе она што го нема“ – тврди некогашната поп ѕвезда, чие срце без оглед на околностие, секогаш е радосно.
Госпоѓица Розмантична во 2021 влезе повеќе прагматична, отколку романтична…
На Емилија Розман за романтика не и се поклопија коцките во 2020, па откако набрзина сфати дека се’ уште и е подобро да турка соло, му ибега на матичарот пред нос, и и’ се посвети на работата, а брачната дружба ја замени со пријателска… И тоа женска.
Е сега, дали тоа е во склад со мудрата мисла што самата ја споделила, проценете самите.
И најпознатата македонска манекенка и модел, Катарина Ивановска годината ја почна со три споделени нешта…
Видеосеквенци од најновиот моден едиоторијал, цитат со мудра мисла и фотографија во машко друштво… Пријателско!
Веројатно вистинското, ако така може да се каже, зашто деновиве на некои македонски портали осамнаа наслови со поинакви тврдења!?
А, цитатот, што самата го споделила? Автобиографски или не, одговорот лежи во нејзиниот сопствен начин на размислување!
Македонската трендсетерка и екс ТВ водителка Мелита Ракичевиќ не издржа да доседи во Скопје. Првите денови на 2021-ва реши да ги мина на планина. И тоа не сама, туку со својата омилена „колешка“, одноасно најмилото нешто што го има – нејзината ќерка Барбара. Обете заминаа на Попова Шапка, каде уживаа во снежните убавини на прекрасната природа.
И додека ќерката скијаше или бордаше, мајката остана сама да дише чист воздух и тоа со „полни гради“… Патем, не пропушти уште еднаш да го покаже својот телесен раскош. Мелита со прекрасна глетка кон брегот, раскопчана до пупаче, со голо стомаче на снегот.
Среќна мајка – среќно дете, среќни сите што прекрасно им минуваат дните… Оние првите од 2021-ва!
Лила Филиповска исто така во првите денови од 2021-ва, замина од Скопје. Ако не може се’ што сака или каде сака, тогаш може барем нешто или негде каде што се може. А и Охрид е нешто!
До душа не како во лето, зашто во зима времето може да не ти се погоди, ама Лила и на дождот си најде како да го мине денот.
Топла чорба за појадок – може, лук – никако! Ни лук јал(а)- ни лук – мирисал(а)! Лукот – на метар од неа! Штета, а баш е здрав…
Ама здравје, се прави ни на друг начин, а Лила знае како. Во џакузи на дождот! Ем убаво, ем полезно…
Ем душа дало за лежечко селфи на тазе лакирани ножни прсти, а Бога ми и потсетување од птичја перспектива, колку кубика силикони лежат во костимот!
Фото: Принтскрин Инстаграм
