Бидејќи се снима за време на пандемијата со коронавирусот, сетот на холивудската реализација „Невозможна мисија 7“ привлекува големо внимание во јавноста, а сега новинарите ќе имаат уште една причина почесто да го посетуваат снимањето.
Имено,ѕвездата на оваа франшиза, Том Круз, е во врска со својата 20-годишна помлада колешка Хејли Атвел, која игра покрај него во овој филм.
Двојката е наводно неразделна од првиот ден на снимањето, а особено се зближиле поради необичната ситуација во која се најде целиот свет оваа година.
– Сите потешкотии околу Ковид и карантинот ги приближија уште повеќе, па сега тие се неразделни. Тие се запознаа по снимањето, а Хејли беше и во станот на Том во Лондон. Одлично се сложуваат и двајцата се пресреќни – изјави извор близок до парот за „Дејли меил“.
Атвел раскина долга врска на почетокот на 2020 година, додека Том Круз не презентираше ниту еден од своите партнери пред јавноста по разводот со Кети Холмс во 2012 година.
