Ситна, динамитна, атрактивна, експлозивна, набиена со енергија и сексапил…Фолк мињонче ко бонбонче. Така отприлика ја опишуваат македонската фолкерка Стојне Николова, која со најновата фотосесија и модната креација која ја носи ја потврди тезата дека е една од најатраклтивните и најпривлечните пејачки на фолк естрадата. А со тоа веројатно и една од најпожелните моми за мажење, со оглед на тоа што Стојне се’ уште има брачен статус – немажена.
Сексапилната струмичанка неодамна ги зовре социјалните мрежи со објава на серија најнови фотографии. Фото серијалот беше направен наменски, за потребите на настапот и учеството на фолкерката на последното издание на фолк фестивалот „Роса 2020“, кое заради коронапандемијата беше снимено без публика и ќе беше дополнително емитувано на една од домашните телевизии.
Стојне на нив променета во долго свечено здолниште во црно бела комбинација со модерен дизајн, изгледаше поубаво од кога било досега, што го потврдуваат коментарите кои ги доби од своите обожаватели и следбеници на социјалните мрежи.
Овој пат неодоливиот изглед на пејачката беше зачинет со нова, прилично силна доза на сексапил, зашто огромниот широко отворен шлиц до над колкови не само што ги истакна убавите долги нозе на фолкерката, туку и многумина збуни во проценката.
Особено мажите и тоа оние вистинските, маѓепсани од убавото тeлo на пејачката, со очи ширум отворени и падната вилица, останаа збунети и во недоумица… Па, единственото нешто што им се вртеше како прашање во нивната имагинација: „Носи ли нешто пејачката под новата модна креација?“
Зашто вака отстрана гледано, многумина сметаат фактички, дека на ваква раскошна модна креација „не одат“ гаќички?!
И додека скокотливите модни фотографии на сексапилното струмичко фолк мињонче на мажите им ги брануваа мечтите, па не можеа да ги оттргнат мислите од нејзиниот сексапил, припадничките на понежниот пол меѓу фолк фановите, уживаат во нејзиниот прекрасен моден стил.
За поздравување е и тоа што атрактивната пејачка не ретко умее на себе да носи и парчиња со потпис на македонски модни дизајнери, како што случајот и со ова свечено фестивалско здолниште од „MAGDA Station“, кои за оваа прилика Стојне ја облекоа.
А тоа што мажите „со поглед ја соблекуваат“? Тоа е веќе микс на неколку креации: Фотографија, фризура, шминка, педикир, маникир… и секако на модниот креатор(ка) кој(а) креацијата ја остварила и мајката природа, што со ваква убавина и сексапил, Стојне ја надарила!
Фото: Фејсбук и Инстаграм принтскрин
