Драмски театар по пауза од седум месеци се отвара за публиката. Првата престава е вечер, 20-ти октомври 2020 год.со претставата „Партија реми“ во која игра и годинешниот добитник на наградата за животно дело “Анче Џамбазова”, актерот Ѓокица Лукаревски.
Репертоарот на Драмски потоа продолжува со претставата „Чудесна терапија“, на 22-ри и 30-ти октомври, а на 31-ви октомври повторно е најавена изведба на претставата „Партија реми“.
Покрај задолжителното носење на маска и дезинфекција на рацете, при влез во театарот, ќе биде задолжително мерење на температура на секој посетител, ограничен влез по принцип еден по еден со раздалеченост од 1,5 до 2 метра, секој посетител ќе ја носи својата гардероба (јакна, палто) со себе затоа што гардеробата нема да биде во функција и ќе мора да седи сам на седиште со раздалеченост од најмалку 1,5 метар до следниот гледач.
Поделба на улогите за претставата
„ПАРТИЈА РЕМИ “
Автор: Доналд Ли Кобурн
Режија: Виолета Џолева
Костимографија: Лидија Георгиева
ВЕЛЕР МАРТИН, ЃОКИЦА ЛУКАРЕВСКИ,
ФОНСИЈА ДОРСИ, МАЈА ВЕЉКОВИЌ ПАНОВСКА
Инспициент: Жарко Намичев
Суфлер: Даница Илиева
