Поради пандемијата со коронавирусот, естрадните уметници подолго време се без настапи, а меѓу нив и македонската пејачка Тамара Тодевска.
Таа слободното време го користи за да ужива со своето семејство, односно сопругот Александар и децата Хана и Дарен.
Како што истакна неодамна во едно интервју, Хана и Дарен се палави и многу активни деца кои по дома прават вистинска забава и хаос.
Пејачката редовно на „Инстаграм“ објавува фотографии или видеа од децата кои се преслатки, а Хана со својата харизма, забава ќе ве освои на прва и ќе насмее.
Деновиве, во семејство на Тодевска пристигна нов член на кој најмногу му се радува Хана.
Имено, Тамара во кусите приказни на „Инстаграм“ сподели како Хана во раце го држи мачето, а пејачката побара од следбениците да дадат предлог за име.
„Кај гледаш бе ти? Загреотка си….муабети со новото маче…. Дајте идеја за име, Хана сакала Горгија“, пишува во описот.
На другата пак фотка, Хана позира заедно со новиот член на семејството и изгледа преслатко.
Веруваме, дека новото маче ќе донесе многу љубов и позитивна енергија во домот на Тамара.
