Ѕвездата на филмот „Аватар“, Стивен Ланг, дојде во Србија како продуцент и актер, со цел да го сними продолжението на култниот хорор филм „Не диши“.
Долгоочекуваниот втор дел од еден од најголемите холивудски хитови ќе биде снимен во Србија, а славниот актер и холивудски тим на продуценти пристигнаа од Њујорк за да се запознаат со локациите на снимањето и да поминат извесно време во Белград.
Во време на скоро целосна стагнација во светската филмска продукција, која нагло беше запрена од пандемијата на вирусот корона, познати холивудски продуценти ја избраа Србија како побезбедна и привлечна локација за снимање на вториот дел од хомер-ремек-делото, што светската публика го чека веќе неколку години.
Снимањето во Србија ќе трае 12 недели, а со прелиминарен буџет од осум милиони, тим од над 300 луѓе во главната продукција ќе работи на различни локации со соработка на голем број српски филмски експерти и работници.
