Миа Костова вети, а кога Миа ќе ти вети, сметај работата е завршена… Да, Миа вети, го започна и сега го продолжува својот видео серијал на социјалните мрежи, во вид на куси играни скечеви на различни животни теми, однесувања, случки, настани, личности, карактери… Ма, „нек иде живот“!
А, како што таа храбро се држеше во животот, носејќи се со чаршиските муабети кулоарските озборувања, коментарите по социјалните мрежи… за неа, така сега и вие „Држ’ те се…“ и тоа добро. Имено така, се вика споменатиот нов серијал на Инстаграм, кој Миа неодамна го најави и го започна со првата епизода од него, насловена како… „Фраер… скопски фраер“!
Не чекавме долго, еве ја и втората… Второто продолжение од приказната за скопските фаци, па логично беше по момчињата на ред да дојдат и „Скопските девојки“. Откако ви раскажа што е тоа „скопски фраер“, Миа Костова сега објасни и како се „понаша“ скопска „шмизла“. Најчесто оние „родени скопјанки“, што за секој споен викенд и празник си одат… дома! Ама и оние другите, „асли скопјанките“… А ги има баеги видови и подврсти!
„Скопски девојки… доволно го живееме Скопје и мислам дека успеавме од сите 100 примери да издвоиме барем неколку. Позитивно е видеото, секое препознавање е случајно. Ви благодарам на сите, особено на мојата Tijana Skulic за трепнието во монтажата и за тоа што успева да е се’ на светот!
И секако, благодарам што сакате и разбирате ваков хумор“ – со ваа порака го поткрепи новото видео Миа, споделувајќи го на своите профили на социјалните мрежи, а ние само ја раширивме приказната со нејзиното „супер вистинито видео“ за повеќе или помалку познатите… „Скопски девојки“.
