Принцот Хари и Меган Маркл повеќе нема да можат да ја користат титулата „кралско височество“ , а нема да добиваат ниту пари од јавните фондови, соопштуваат од Бакингемската палата.
Како што пренесува ББС, војводата и војвотката истакнале дека ќе ги вратат парите за реновирањетто на куќата која ја користија, а таа ќе остане нивен дом во Обидинетото кралство.
Тие треба да вратат околу 2,4 милиони фунти кои ги искористија за реновирање на домот.
Промените ќе стапат на сила пролетта 2020 година.
Парот исто така повеќе нема да ја застапува кралицата. Ова одлука е донесена откако Меган и Хари истакнаа дека сакаат да се повлечат од кралските должности и да бидат финансиски независни.
Кралицата Елизабета ги поддржа, а во најновото соопштение истакна дека е задоволна со нивната одлука бидејќи после неколкумесен притисок го пронајдоа вистинскиот пат за внукот.
„Хари, Меган и Арчи секогаш ќе бидат многу сакани членови на семејството. Ги препознавам предизвиците со кои се соочија изминатите две години и ја поддржувам нивната желба за понезависен живот. Сакам да им се заблагодарам за сета нивна посветена работа низ целата земја, Комонвелтот и пошироко, а посебно сум горда на тоа што Меган толку бргу стана дел од семејството. Се надевам дека со договорот кој го постигнавме им овозможува да започнат да градат мирен и среќен нов живот“,
Иако, Меган и Хари повеќе нема да ја застапуваат кралицата Елизабета, тие истакнаа дека секогаш ќе ја поддржуваат нејзината кралска титула.
