Тамара Тодевска со песната „Proud“ не претставуваше на oвагодинешното издание на „Евровизија“ каде што постигна исторкси успех за нашата земја.
Имено, со нејзиниот перформанс таа го освои првото место од жирито и седмото место од публиката, а досега ова e најголем успех на Македонија на ова европско случување.
По успехот на „Евровизија“, Тодевска настапуваше во Шпанија и Данска каде пред тамошната публика ги покажа своите вокални способности, а они кои ја слушаа ја поздравија со аплауз.
На прашањето што следува по „Евровизија“, Тодевска одговори дека следува светска доминација, па изгледа и дека добро најави.
Имено, изминатиот период Тамара е во студио каде што ја снима својата нова песна насловена „Monsters“.
Пејачката заедно со својата добро проверена екипа снима и по 3 часот наутро.
Исто така Тодевска ја објави и најавната фотографија за песната која наскоро ќе може да ја слушнат нејзините фанови.
Каролина Гочева која исто таа поседува одлични вокални способности, но е колешка и пријателка на Тамара, на својот „Инстаграм“ сподели дека едвај чека да ја слушна песната.
Што подготвува Тамара и дали тоа ќе биде ремек дело кое ќе брои милионски прегледи на Јутуб, останува да почекаме до денот кога песната ќе биде официјално објавена.
Дотогаш да се потсетиме на „Proud“.
