Децата на познатите имаат посебен публицитет. Љубопитната јавност за нив се интересира исто, па дури и повеќе од нивните славни и познати родители. Особено ако со текот на времето и годините и самите тие, како растат, исто така стануваат познати, а некои дури и ја надминуваат популарноста на родителите.
Нивниот случај не е исклучок, иако се’ уште се далеку од тоа да и ја „помрачат славата“ на нивната надалеку позната мајка. Сепак, иако уште не дошол денот кога ќе и го „украдат шоуто“, тие се во фокусот на јавноста. Ќерката со почетокот на пејачката кариера, синот по спортот и боречките вештини, но и приватноста се повеќе експонирана во јавноста, во која однеодамна доминира веста за неговата женидба со бремената вереница.
Ова е нивната фотографија од пред 20 години. Од далечната 1999 година. Ако се’ уште не успеавте да ги препознаете, кога ќе ја видите мајка им, ќе ви биде јасно за кого станува збор. Ова се Цеца и нејзините деца – Анастасија и Вељко Ражњатовиќ… Тогаш таа млада, а тие – мали!
