Финансиска помош во Србија од државата добија изведувачи кои уживаат статус на независни уметници, на барање на Независниот синдикат на поп-уметници на Србија (СЕМУС), кој од Министерството за финансии побара финансиска помош за своите членови, потврди претседателот на тој синдикат Драгиша Голубовиќ.
– Во март поднесовме барање за помош до независни уметници и независни изведувачи. Во овој момент, одобрена е помош за независни уметници и очекуваме средствата да бидат одобрени и за изведувачи. Одобрени се средства за 2.000 уметници, од кои 80 се пејачи, а меѓу другите се драмски уметници и други. Сепак, ми се чини дека само околу пејачте се крена галама – вели Голубовиќ и објаснува:
– Меѓу оние што добиле пари, нема големи имиња како Цеца, Брена, Снежана Ѓуришиќ затоа што или имаат своја фирма или се вработени во истата. Ова се само луѓе кои се независни уметници. И да бидеме јасни, никој од луѓето на списокот не побара пари, синдикатот го стори тоа во нивно име.
Драгиша посочува дека очекува помош за независни изведувачи, кои не се само музичари и пејачи, туку и танчери, диџеи, водители на програми, играчи затоа што, според него, тие се наоѓаат во уште позавидна положба од уметниците.
– Изведувачите немаат статус на уметник и се во полоша позиција, сами треба да плаќаат данок и придонеси, а немаат плата со месеци. За разлика од нив, некои градови, како што се Белград, Нови Сад, Ниш и Крагуевац, плаќаат придонеси за уметниците. Затоа голем број на изведувачи се пријавија за време на пандемијата бидејќи немаат од што да плаќаат даноци и придонеси, некои дури и позајмија, надевајќи се дека сето ова ќе трае пократко. Во претходните неколку месеци потпишав многу одјави – објаснува Голубовиќ.
Тој е убеден дека нивното барање ќе биде прифатено во целост.
– Се надеваме дека и независните изведувачи ќе добијат помош, како и дека помошта ќе им се повтори на уметниците затоа што тие навистина се наоѓаат во незавидна позиција.
На списокот на оние кои добиле 90.000 динари од државата, меѓу другите се: Гоца Божиновска, Иван Гавриловиќ, Мина Костиќ, Зорана Павиќ, Ванеса Сокчиќ, Марко Булат, Мира Шкориќ, Јована Типшин, Беки Бекиќ, Јелена Брочиќ. Помошта им беше дадена на музичари и пејачи кои се со статус на независен уметник, но не се во пензија, но се активни и се уште работат. Меѓу имињата се и Славиша Вујиќ, Радмила Мишиќ, Љjуба Лукиќ, Аца Незировиќ, Милица Крсмановиќ, Весна Димиќ …
