Пејачката Мадона и нејзиното момче, познатиот танчер Аламалик Вилијамс, решија да ја прекинат врската по четири години заедно. Иако нивната врска траеше подолго отколку што многумина предвидуваа, сепак не траеше за цел живот.
Мадона (63) и Аламалик (28) се во врска од 2018 година, а се запознаа на нејзината турнеја каде Вилијамс беше дел од танцовиот тим. Иако разликата во годините е огромна, тоа не беше причина да ја прекинат нивната љубовна романса.
Извор близок до двојката неодамна изјави дека за време на локдаунот , Мадона и Аламалик се дистанцирале и се „истрошиле“ еден со друг, бидејќи биле принудени да го поминуваат целиот ден заедно. И двајцата брзо сфатија дека ќе им биде многу тешко да ги надминат сите разлики и работи кои не им одговараат, па решија да ја прекинат врската.
Американските медиуми пишуваат дека Мадона го потврдила раскинувањето со мистериозна порака на Инстаграм, кога спомнала карма и Бог.
„Кармата вели, кога некој во животот не е добар за тебе, Бог ќе го искористи повторно за да те повреди, додека не собереш сила да го оставиш“ – напишала кралицата на поп музиката.
Фото: Принтскрин/Инстаграм/madonna/ профимедиа
