Викторија Лоба и Тајзи прашуваат – „Каде сме ние“? (ВИДЕО)
![Викторија Лоба и Тајзи прашуваат – „Каде сме ние“? (ВИДЕО)](https://arhiva.vistina.com.mk/wp-content/uploads/2018/04/Screenshot_1-15.jpg)
Пролетва се покажа како плоден период за Тајзи и Викторија Лоба. Тој неодамна ја објави песната „Мој живот, моја ствар“ отпеана на српски јазик со видео во стрип-техника со кое ќе се обиде да ја освои рпубликата во регионот, анајави и уште пет нови песни до крајот на годинава и многу настапи ширум земјата и регионот. Викторија Лоба, пак, е се’ уште актуелна е со неодамна објавената тема со етно-призвук, „Херој“ како вовед во новиот албум што треба да се појави наскоро.
![](https://arhiva.vistina.com.mk/wp-content/uploads/2018/04/Screenshot_9-13.jpg)
Токму овие двајца македонски изведувачи, вчеравечер, 23 април, 2018 год. во скопскиот хотел „Сити парк“ пред новинарите, нивните соработници, пријателите, колегите, спонзорите… ја промовираа најавената заедничка песна и видеото за неа со наслов „Каде сме ние?“
![](https://arhiva.vistina.com.mk/wp-content/uploads/2018/04/Screenshot_6-15.jpg)
Викторија Лоба, Драган Величковски – Тајзи ( изведувачкиот дует), Роберт Билбилов ( авторот и продуцент) и Даниел Јовески (режисер на видеото) е екипата што работеше на оваа заедничка песна, чија премиера се случи вчера. Станува збор за првиот дует на Лоба и Тајзи, потпишан од хитмејкерот Роберт Билбилов, а сето тоа екранизирано од докажаниот режисер и продуцент Даниел Јовески и неговото „Састејн студио“ (Sustain Studio).
![](https://arhiva.vistina.com.mk/wp-content/uploads/2018/04/31206275_10213733458323420_3538154072299274240_n.jpg)
Овој пат Билбилов направил модерна тема со психоделичен вовед која се развива во современо продуциран електро-поп, всо аранжман која ја прелева психоделијата во денс ритам со заразен рефрен и назад… Се на се’ необично, ултрамодерно спакувано парче, наменски погодно за дует, токму каков што одговара на сензибилитетот и вокалната експресија на овие две македонски поп ѕвезди.
![](https://arhiva.vistina.com.mk/wp-content/uploads/2018/04/Screenshot_2-16.jpg)
Видеото на Јовески пак, иако навидум едноставно, правено во хромаки техника во студио изработено во 4К, истото изобилува со кадри кои соодветствуваат со музиката на Билбилов и стиховите кои ги следи изборот естетската визура на режисерот.
![](https://arhiva.vistina.com.mk/wp-content/uploads/2018/04/Screenshot_3-18.jpg)
Генерално, Лоба и Тајзи имаат заедничко музичко парче што е освежување на домашната музичка сцена и несомнено истото ќе го збогати македонскиот радио етер… Особено, заради тоа што е правено по вкусот на помладите музички конзументи, кои во чекор ги следат светските трендови, а воедно се и нивна верна публика.
![](https://arhiva.vistina.com.mk/wp-content/uploads/2018/04/Screenshot_20-7.jpg)
А, како сето звучи и изгледа, кога Лоба и Тајзи прашуваат „Каде сме ние“? – проследете во продолжение:
билбилов, ВИДЕО, викторија лоба тајзи, јовески, каде сме ние, песна, промоција