Пајак „и се пикна“ во џебот: Снеже Велков настрада од… македонски производи! (ФОТО)
На македонската ТВ водителка и фитнес инструкторка Снеже Велков „и тргна“ годината. Најпрвин самата се пожали на социјалните мрежи дека празниците „ја уништија“. Како да ослабеш, кога постојано се соочуваш со денови за одмор и полна трпеза. Или што би рекле: „Лежи – јади“! А на сето тоа се надоврза и ракометот па…
„Е ај ослаби да те видам, де? Јади за Нова Година, јади за Божиќ, јади за Стара Нова, јади од нервоза, јади за победа… Напред Македонија“ – напиша синооката убавица во постот на својот Инстаграм профил.
Арно, ама тука маките на згодната инструкторка не завршија… Од многу јадење се добиваат вишок килограми, сеедно дали јадеш македонски производи или нечии туѓи увезени.
Освен што од „македонските производи“ може и да те „боли глава“…. и не само глава! Како што и се случи на убавата Снеже, да настрада токму од „македонски производ“ – пајак!
Нееее… да не сфати некој погрешно, фитнес инструкторката не ја касна пајак среде зима. Никакко! Овој и се „пикна во џебот“!
И тоа оној централниот – пајакот на Општина Центар, кој понеделнички и го собра автомобилот за непрописно паркирање на недозволено место. За возврат и испорачаа сметка од 1.500 денари. А на неа образложение дека е направен промет од… „македонски производи“! Колку да и е полесно… Ако е казна, нека е патриотска!
домашни производи, казна, пајак, снеже велков