Косата не расте поради овие работи што ги правите додека е мокра
Косата може да биде доста чувствителна, а откако ќе и направиме одредена штета, понекогаш е многу голем предизвик да ја обновиме. Фарбањето, обликувањето на косата со топли уреди, па дури и загадувањето на околината може негативно да влијае на косата.
Сепак, веројатно не ни помислувате на лошите навики што ги правите додека вашата коса е сè уште влажна.
Постојат многу лоши навики кои фризерите често ги забележуваат дека многумина од нас ги практикуваат, а кои понекогаш не сме ни свесни за тоа. Ви ги пренесуваме 5-те најчести.
Чешлање мокра коса
Косата е најчувствителна и еластична кога е мокра и тогаш е најподложна на оштетување. Најдобро би било да ја исушите косата пред да ја чешлате и да употребите спреј за полесно чешлање. Користете четка со што е можно помека игла или со чешел со флексибилни заби.
Мокра коса во пунџа
Можеме да претпоставиме дека ставањето коса во пунџа додека е мокра е премногу грубо за косата затоа што напнатоста што ја создава пунџата предизвикува нејзино кршење. Ова обично се случува кога косата е влажна бидејќи е на врвот на еластичноста.
Спиете со мокра коса
„Никогаш не оди во кревет со мокра коса!“ Веруваме дека овие зборови од нашето детство сè уште ни одекнуваат во главата секогаш кога ќе легнеме со мокра коса.
Главната причина зошто фризерите не препорачуваат спиење со мокра коса е тоа што ги зголемува шансите за кршење и развивање на бактерии. Ако косата и скалпот не се исушат доволно брзо, микробите што предизвикуваат првут може потенцијално да предизвикаат сувост и чешање на скалпот.
Ја ставате косата во погрешен пешкир
Сушењето на косата со обична памучна крпа може да ја оштети косата и да создаде испукани врвови и пукање. Наместо тоа, користете крпа од микрофибер.
Употребата на маица е многу препорачлива бидејќи го минимизира виткањето и ја апсорбира водата без грубо триење на косата низ крпа.
Ја сушите косата додека е премногу влажна
Пред да ја исушите косата со фен, погодно е таа да биде 50% помалку влажна.
Ова е подобро бидејќи вашата коса ќе биде помазна, посјајна, помалку склона кон кршење и полесна за обликување.
Дополнително, неопходно е да се постави фенот на најниска температура и притисок за да се намали оштетувањето при сушењето.
Сепак, без разлика кој метод на термички стајлинг ќе го изберете, не заборавајте секогаш да користите средство за заштита од топлина. Косата ќе ви се заблагодари на долг рок.
извор:попара.мк