Коктел за… „Победа“ (ВИДЕО)
![Коктел за… „Победа“ (ВИДЕО)](https://arhiva.vistina.com.mk/wp-content/uploads/2018/07/Screenshot_27-3.jpg)
Македонското поп-рок дуо „Коктел“ кое беше популарно во почетокот на 90-ите години одново е музички активно.
![](https://arhiva.vistina.com.mk/wp-content/uploads/2018/07/Screenshot_24-4.jpg)
Со персонални промени кои се однесуваат на пеењето, со што наместо Блаже Темелков, сега вокалните делници ги превзема Тони-Шоу, гитаристот и автор на песните Стевче Грозданов по неодамнешната химна за „Вардар“, еве го со нова песна, овој пат со патриотска содржина, посветена на Македонија, а насловена „Победа“.
![](https://arhiva.vistina.com.mk/wp-content/uploads/2018/07/Screenshot_28-4.jpg)
Зад музиката, аранжманот, и снимањето стои самиот Грозданов, додека стиховите повторно се дело на проверениот лиричар Огнен Неделковски. Мастерингот е направен во студиото „До Ре Ми“ на Златко Симионски, а продукцијата ја потпишува „Целофан продукција“ на Зоран Рудан – Цеки.
![](https://arhiva.vistina.com.mk/wp-content/uploads/2018/07/Screenshot_23-4.jpg)
Придружните вокали во темата ги пејат Емилија Гиевска и Стефан Чепишевски. Видеоспотот одново го потпишува самиот Стевче Грозданов како монтажер и режисер, додека зад камерата како снимател бил Здравко Петрушевски.
![](https://arhiva.vistina.com.mk/wp-content/uploads/2018/07/Screenshot_22-5.jpg)
Како звучи и изгледа нивниот аудиовизуелен „Коктел“ за „Победа“, проследете во продолжение:
дуо коктел, нова песна, огнен неделковски, патриотска содржина, победа, спот, стевче грозданов, тони шоу