зуица лазова – Вистина.мк

Зуица Лазова ја испеа „Земјо мила“, композиција на која ниту еден Македонец не може да остане рамнодушен (ВИДЕО)

Антонио Димитриевски — Wed, 23 Aug 2023 10:25:35 +0000

„Колку векови во темнина си била, колку темни сказни знаеш, земјо мила, колку страдања на рамена си збрала, колку жртви ти за слобода си дала…“ – ова се дел од стиховите од песната „Земјо мила“, композиција на која ниту еден Македонец не може да остане рамнодушен. Оригиналната верзија на „Земјо мила“ во далечната 1977 година на Скопскиот фестивал ја отпеа кумановецот Никола Давидовски - Коле, а нејзин комплетен автор е Јане Коџобашија. Давидовски ја пеел и во Јајце, на големите концерти на тогашната ЈНА во Белград, во Титоград, ечела и кога дошол Тито во Скопје, а сега спакувана во ново руво од маестро Николче Мицевски је пее и Зуица Лазова. Коџабашија, кој инаку во својот музички опус има поголем број родољубиви песни, зашто, како што вели и самиот, има афинитет кон нив, „Земјо мила“ ја создал додека работел како новинар во тогашното Радио Скопје и имал 35 години. Во една прилика има изјавено дека можеби на фестивалот на кој била премиерно изведена не добиле награда, но тоа што „Земјо мила“ сѐ уште живее е најголемото признание. „Чест ми е што сум дел од проектот „Македонијо во срце те носиме“, зашто Македонија е во срцето на секој Македонец. Песната „Земјо мила“ е преубав евергрин кој неправедно е помалку експониран, а ова е убава можност во ново руво да ја запознаат и засакаат и помладите генерации. Со песна македонскиот народ опстојувал со векови, па така ќе биде и понатаму зашто нашиот фолклор е наша лична карта и идентитет“, вели Зуица. Видеото за „Земјо мила“ - инаку мошне емотивно и со кадри во кои се застапени и децата белаци, веќе ви е сигурно добро познато е со потписот на Скендеровски продукција, која стои зад целиот проект „Македонијо во срце те носиме“. Дел од проектот се 12 македонски родољубиви песни отпеани од исто толку изведувачи, и од светот на забавната и од светот на народната музика. Она што остана уште да го чуе публиката е песната отпеана од ар ен би двоецот ДНК. Уживајте во изведбата на Зуица Лазова и наскоро очекувајте детали за стартот на концертниот караван кој под истото име „Македонијо во срце те носиме“ ќе гостува во неколку македонски градови - Да ја обоиме Македонија со најубавите звуци и да го зачуваме највредното – музичкиот аманет кој ни го оставиле генерациите пред нас.

Ова е синот македонската брачна фолк двојка Наум Петрески и Зуица Лазова: Стефан е „плукнат“ татко му? (ФОТО)

Антонио Димитриевски — Wed, 25 May 2022 08:53:24 +0000

Животот на познатите, особено личностите од естрадата отсекогаш бил во фокусот на вниманието на јавноста. Познатата естрадна фолк двојка, пејачката Зуица Лазова и пејачот Наум Петрески, по многуте животни и брачни премрежја што своевремено ги имаа, како плод на нивната љубов ги добија ќерката Македонка и синот Стефан. Македонка очигледно ги наследила гените од родителите и е студент на Факултетот за музичка уметност, каде студира соло пеење, додека Стефан е уште во основно училиште. Во една прилика, Зуица откри дека и нивниот син Стефан тргнал по нивните стапки и дека веќе свири на гитара, но дека уште ниту таа ниту Наум не знаат дали ќе ја избере музиката како идна професија или таа ќе остане само негово хобии можност за дополнителна заработка. Познатата брачна фолк двојка со семејството присуствуваше на неодамна одржаната јубилејната 25-та „Златна Бубамара на популарноста“, каде Наум ја доби наградата за „Трајни вредности“, а Зуица и јавно му ја честиташе посакувајќи му уште вакви признанија. Од фотографиите убаво се гледа дека Стефан повеќе не е мало детенце, туку пораснал во вистинско момче кое се' повеќе наликува на својот татко наум. Дури и фризурата му е слична на онаа која во последно време ја носи фолк пејачот. Дали го наследил и гласот, слухот и талентот за музика на родителите, останува допрва да видиме. Инаку, ова е втор брак на Наум Петрески, кој од првиот ја има ќерката Анастасија која исто така со текот на годините стана позната фолк пејачка, но и се омажи. Таа се реализираше и како мајка во 2019 година и со својот сопруг Владимир ја имаат ќеркичката Андреа која сега наполни три години. Во меѓувреме Анастасија гордо го покажа и трудничкиот стомак, наговестувајќуи дека и по втор пат ќе стане мајка, а Наум Петрески одново дедо, како што се шушка, овој пат на внук! Фото: Фејсбук и Инстаграм принтскрин/Zuica Lazova/Naum Petreski/anastasija.petreska

Зуица Лазова ова не го прави така често – длабоко деколте отворено на деликатно место (фото)

Слободанка Илиева — Tue, 24 Sep 2019 07:27:24 +0000

Понатата македонска фолк пејачка, професорка по хармоника и ТВ водителка, Зуица Лазова, важи за дама која најчесто негува одмерен дамски и елегантен изглед, а со тоа е една од ретките наши фолкерки кои не играат на картата на провокација, барем досега. Зуица долги години е на естрадата, а времињата се променија, конкуренцијата е силна, а нагласениот сексапил на сцената стана задолжителен. Зуица најчесто ја гледаме на фолк фестивалите, каде секогаш има беспрекорна дизајнерска комбинација, односно елегантна визуелна модна слика која речиси секогаш е нејзиниот сценски избор. Дури и кога се појавуваше во улога на водителка, таа избираше дамски фустани кои повеќе се романтични и елегантни. На изненадување, Зуица реши да направи отстапка од сопствените правила, па реши и таа малку да го нагласи сексапилот. На еден настап таа се појави со длабоко деколте кое ги нагласи градите, а моделот откри повеќе од вообичаено. Изгледа Зуица сфати дека модните правила на сцената се сменија, па и таа мора да биде во чекор со колешките. На Наум пак, во случајов не му паѓа на ум да погледне!

(ВИДЕО) Велигденско издание на ТВ шоуто „Улица Македонија“ со Наум и Зуица

Слободанка Илиева — Thu, 05 Apr 2018 11:20:40 +0000

Во пресрет на големиот христијански празник Велигден, следи празничното издание на ТВ шоуто „Улица Македонија“, со многу музика, заедно со прекрасните сопружници, големите македонски естрадни фолк ѕвезди Наум Петрески и Зуица Лазова заедно со оркестарот „Чардаш“. За детството, младоста, брачниот живот, семејството, домаќинлукот, кафеаната, за камионџијата Јануш, пријателите, песните, колегите, естрадата... Се' што не сте знаеле до сега за нив, слушнете го и гледајте во празничното издамние на ТВ шоуто „Улица Македонија“ со Бојана Скендеровски! Не пропуштајте во сабота во 12:55 на ТВ 24! https://www.youtube.com/watch?v=peLuH_xunto&feature=share

(ФОТО) Зуица Лазова се поздрави со стариот имиџ: Сега е како нова жена – би ја познале?

Слободанка Илиева — Fri, 01 Dec 2017 08:14:12 +0000

Македонската пејачка,ТВ водителка и професорка по музика, Зуица Лазова, вчеравечер настапи на фолк фестивалот „Роса“, а по тој повод реши да направи драстична промена на својот изглед. Зуица добро знае дека сцената секогаш бара нешто ново и интересно, особено во фолк водите, но таа речиси никогаш не го менува тимот на соработници на кои безрезервно и верува како за гардеробата, така и за фиирурата и шминката.

Иако не е од оние што се плашат од промени, Зуица не толку често практикува драстични промени на себе како овој пат. Па така, за настапот на фестивалот, одлучи на својата фризерка да и даде одврзани раце за да ја скрати косата, а притоа од русокоси да премине во бринети.

Фотографиите од новиот изглед не пропупти да ги објави на социјалните мрежи и да ги пофали заслужните за тоа. Како ви се допаѓа новата Зуица?