жртви – Вистина.мк

Спомените ги остави зад себе: Александра Пријовиќ денес е вистинска ѕвезда, но не било секогаш така (фото)

Слаѓана Атанасова — Wed, 30 Nov 2022 13:07:46 +0000

Додека од семејството имала само поддршка, на пејачката не и било секогаш лесно со нејзините врсници. Пејачката Александра Пријовиќ (27) денес е едно од најголемите имиња на српската музичка сцена, има само хитови и има можност да носи облека од најпрестижните светски модни куќи. Сепак, не било секогаш така - не крие дека пораснала скромно и дека семејството често морало да се откаже за да и помогне да го оствари сонот да стане пејачка и вистинска ѕвезда. Малку е познато дека Александра е родена во Сомбор во 1995 година и дека пораснала во хрватскиот град Бели Манастир. Нејзините родители се разделиле кога Александра имала само три години, но имале одлични односи, па пејачката пораснала во тесно семејство полно со љубов, во кое имало и баба и дедо. Меѓутоа, додека во семејниот дом добивала само љубов и поддршка, нејзините врсници не ја сфатиле нејзината желба да стане пејачка, па поради нив често се чувствувала лошо, изјави еднаш мајката на Александра, Борка. Денес, пак, сите оние кои лошо се однесуваа кон пејачката имаат поинаков став. - Имаше многу малтретирање кога беа деца, бидејќи сакаше да го прави тоа што го прави.Се пролеаа многу солзи, имаше жртви.Сега сите оние кои некогаш рекле нешто грдо против неа би сакале да се сликаат со неа, да се напијат пијачка.Можев да одам од куќа до куќа поради тие расправии.Сите сега се пораснати, оние деца кои правеа некакви проблеми, подбивања - објасни Борка во една прилика. Пејачката, сепак, не сака да се навраќа на грди спомени и повеќе сака да зборува за добрите работи кои ја поврзуваат со растењето во Бели Манастир. - Бевме деца и не сакам да се навраќам на негативните работи.Сакам да се враќам во мојот Бел манастир каде сите ми велат „со среќа“ – таа денес е горда. Мајката на Александра, Борка Михајловиќ, исто така е пејачка, а Ѕвездата на Гранд во една прилика раскажа колку нејзината мајка и, воопшто, семејството се жртвувале за нејзиниот успех. - Многу сум горда на мајка ми.Таа се откажа од работата за мене кога се натпреварував, бидејќи снимањето беше за викенди, кога таа работеше.Мораше да ја напушти работата и сè што имаа таа, баба и и дедо и инвестираа за да бидам тука, дури и до последниот динар.Се случи два-три пати да немаме пари да купиме фустан за мојот настап, бидејќи две години снимање не се малку, но моето семејство беше тука да помогне.Таа се бореше за мене - истакна Александра пред извесно време во емисијата Премиер. Фото: Принтскрин/Инстаграм/А.Пријовиќ/Зорана Јефтиќ

Весна Бејби Петрушевска со емотивна реакција за хоророт на Милена Радуловиќ: „Нема компромис за предатори, педофилот нема професија!“

Антонио Димитриевски — Wed, 20 Jan 2021 07:19:52 +0000

Деновиве регионот го потресе скандалот кој изби во Србија, откако неколку девојки, меѓу кои и малолетнички, пријавиле дека биле силувани или сексуално малтретирани од Мирослав Мика Алексиќ – режисер и сопственик на угледно училиште за глума во Белград. Една од нив е и младата актерка Милена Радуловиќ (26). По многуте реакции на социјалните мрежи, се огласи и нашата позната актерка Весна „Бејби“ Петрушевска која и самата има училиште за глума и работи со деца, а пред неколку години се соочи со слична животна драма, откако во јавноста го сподели хоророт низ кој минала нејзината ќерка Мина.

Весна со објавата на својот Фејсбук и Инстаграм-профил застана во заштита на младата српска актерка, жестоко го обвини предаторот и повика за овие работи дека треба гласно да се зборува и кај нас, наместо да им се дава простор и посветува медиумско внимание на тривијални настани и личности. „Милена има 26 години, глумица е (патем одлична ) со својата изјава дека била сексуално злоставувана од својот учител по глума е повеќе од храбар чекор. Доста со глупавите прашања: Зошто сега? Само жртвата има права да одмолчи! Само жртвата има право да одлучи кога ќе сака да каже! Приказната е монструозна и со длабоки и немерливи последици. На крајот, Милена е извонредно општествено одговорна личност. Нема компромис за предатори, дали тој бил учител по глума (што ја прави оваа околност многу страшна затоа што децата сонуваат и учат на актерска игра) или било која друга професија. Педофилот нема професија“, напиша Петрушевска. „Изопаченоста и нивната потреба да се задоволат сексуално е посилна од макар малата помисла на нивните жртви кои во голем процент завршуваат со самоубиства. Тоа се бројките! Во животот на жртвата се преплетуваат несигурност, недоверба, секогаш се сомничави дали се доволно добри, преземаат улога на виновни (знаејќи дека не се)… ниту една жртва на педофил не е виновна, тој само ја искористува својата предност. Браво за @mileena_radulovic и за овие работи треба гласно да се зборува и кај нас. Не пукнавте со наслови (читај интервјуа) за полусветови! #stoppedofilia“ - напиша Петрушевска.

Дино Мерлин со новиот спот предизвика гадење, гнев и бес дека ги „исмејува“ српските чувства кон паднатите жртви: „Колку треба да си болен за да добиеш ваква инспирација?“ (ФОТО+ВИДЕО)

Антонио Димитриевски — Thu, 12 Nov 2020 12:07:27 +0000

Новиот спот на Дино Мерлин, кој веќе наголемо се врти во регионот, предизвика бес, гнев, гадење и одвратност кај српската публика, бидејќи сараевскиот кантавтор за екранизација на песната „Ние“ („Ми“) наводно користел мотиви што потсетуваат на споменикот посветен на масакрот врз Србите во Втората светска војна. Споменикот во спомен на ѕверското страдање на недолжното население се наоѓа во Стари Брод кај Вишеград, каде во 1942 година усташите брутално убиле 6.000 српски цивили. Кадрите во видеото на Дино Мерлин како стои опкружен во водата од која излегуваат човечки раце, неодоливо потсетува на скулптурите на жртвите од надојдената Дрина, започна да кружи на социјалните мрежи со коментари од оние кои се згрозени од овие сцени, кои како што се вели,го навредуваат споменот на невините жртви, главно мајки, кои со децата во раце биле турнати во смрт. „Колку треба да бидеш болен штом ваквите скулптури на луѓе кои умираат можат да послужат како инспирација. Бев шокиран кога го видов видеото“ - е само еден од мноштвото коментари, по што следеше одговорот на друг корисник на социјалните мрежи: „Ужас! Да дозволите некој стар перверзник вака да ги исмева жртвите и да помине без никакви последици, и при тоа секој пат да ја полни „Арена“ во Белград?!“ - возвратил тој. „Свесен за неговите претходни музички перформанси, да ги споредува Србите, на пример со кучиња, ми дава основано сомнение да сметам дека ова нема никаква врска со случајност“ - се наведува во коментарот. Инаку, Дино Мерлин го снимал видеото во Порто Монтенегро и песната стана хит за само неколку дена. Останува да видиме дали нешто ќе се случи по овие реакции. https://www.youtube.com/watch?v=xsWT8DAmMEY Извор: Република.рс

„СМАТ“ потсетија и им посветија песна на децата жртви на политиката – „Во мојот град“ (ВИДЕО)

Антонио Димитриевски — Thu, 22 Nov 2018 13:23:16 +0000

Македонската метал-кор група „Смат“ (SMUT) го промовираше својот нов видео-спот за песната „Во мојот град“, кој е објавен на „Јутјуб“ каналот.

Владимир Митревски - Ѓуле ја потпишува режијата на видеото „Во мојот град“ кој е воедно и прв видео-запис од новиот албум на „Смат“ насловен: „Тие се насекаде“. Овој албум e петто студиско издание во досегашната, повеќе од 20-годишна кариера на бендот кој е основоположник на таканаречениот метал-кор стил и и важат за една од најценетите групи во овој дел од Европа.

Песната, како што велат, е посветена на луѓето кои сакаат да прикриваат убиства и ги користат тие убиства за своите маркетинг кампањи, а во нив невини жртви се децата.

„Запомнете ги Мартин, Тамара и децата од Смилковско езеро“ - порачуваат „Smut“.

Во видеото како специјална гостинка се појавува и македонската актерка Виолета Шапковска, а како е сето тоа спакувано проследете во продолжение. https://www.youtube.com/watch?v=Py0EkXpmszk