зоран илиев – Вистина.мк

Македонскиот пејач и сопругата ја направија првата прошетка во јавност со Бисера (фото)

Христина Ѓоргиевска — Tue, 18 Sep 2018 06:58:17 +0000

Македонскиот пејач може да се пофали дека годинава му тргна убаво, со исполнувања на приватен план. Зоран Илиев на почетокот на годината се сврши со неговата избраничка Анѓелка, а нивната љубов ја крунисеа со брак во јули. Набразо по бракот, Зоран и Анѓелка станаа родители на нивното дете, односно ќерката Бисера. Зоран по добивањето на ќерката славеше со своите роднини и пријатели, а сега секој момент го користи за да ужива со ќеркичката.

Пејачот досега не ја покажа Бисера во јавност, се до вчера кога првпат се прошетаа заедно со сопругата. Илиев во кратките приказни на Инстаграм сподели фотографија од него и својата сопруга како ја шетаат Бисера.

Веруваме дека новата улога на родител на Зоран му донела многу радости, но и многу одговорности.

Се роди Бисера: Македонскиот пејач стана татко за првпат (фото)

Христина Ѓоргиевска — Mon, 03 Sep 2018 06:40:43 +0000

Македонскиот пејач кој е познат по двете победи на Макфест, еднаш со песната „Ангели и демони“, вторпат со дуетот со Анабела Атијас, на почетокот на годината се сврши со својата партнерка, сега сопруга Анѓелика. Зоран Илиев и Анѓелка на 11 јули ја крунисаа љубовата со брак, а сега беа благословени од Бога да станат и родители.

Илиев и Анѓелка станаа родители на ќерка, а за име на ќеркичката го одбраа Бисера. Убава вест пејачот ја сподели на социјалните мрежи.

На својот Фејсбук, Зоран напиша:

Пејачот се пофали и на неговите следбеници и на Инстаграм, па во кратките приказни ја сподели веста дека е пресреќен татко.

Веруваме дека тазе родителите и се радуваат на првите денови на нивната ќерка. Честитки! Фото: Фејсбук

Ќе стане татко: Сопругата на Зоран Илиев го покажа трудничкото стомаче! (фото)

Христина Ѓоргиевска — Fri, 20 Jul 2018 07:54:54 +0000

Македонскиот поп пејач кој е познат по двете победи на Макфест, првата со песната „Ангели и демони“, а вторпат со дуетската песна со Анабела Атијас „Од утре до вечер“, ќе стане татко. На почетокот на годината, поп пејачот се сврши со својата сакана, а на 11 јули ја крунисаа љубовта со брак. За свадбата тој објави фотографија на социјалните мрежи и напиша „Господин и госпоѓа Илиеви“. А сега пејачот на својот Инстаграм профил обајви фотографија на која се гледа трудничкото стомаче на сопругата.

Зоран и Анѓелка за првпат ќе станат родители, а еве како изгледа идната мама. фото:принтскрин/инстаграм

(ФОТО) Македонскиот поп-пејач стави крај на ергенскиот живот – неговата свршеница е вистинска убавица со сини очи!

Слободанка Илиева — Wed, 09 May 2018 12:27:06 +0000

Штипјанецот кој е познат по своите победи на фестивалот „Макфест“, Зоран Илиев, реши да го заклучи ергенскиот живот, да стави прстен на раката на својата сакана и наскоро да планира свадба. Имено, тој на социјалните мрежи откри дека ја побарал за сопруга својата сакана, Анѓелка, па како што е ред објавија фотографија од свршеничкиот прстен на нејзината рака.

Чинот на запросувањето се случил во крушевскиот манастир Св. Преображение.

(ФОТО) Ќе се чудите од глетката: Македонскиот пејач враќајќи се од настап на автопат посведочи на неверојатна појава на небото!

Слободанка Илиева — Wed, 27 Dec 2017 09:14:50 +0000

Победникот на годинешното 32-ро издание на фестивалот „Макфест“, штипјанецот Зоран Илиев, на социјалните мрежи го опиша своето несекојдневно искуство на кое посведочил враќајќи се од настап во Битола. Имено, на патот кон Штип, со својот колега забележале неверојатна бела светлина на небото, за која и самите немаат објаснување.

По завршувањето на вечерашниот настап во Битола ( Клуб Расчекор ) на пат кон Штип , поточна локација Дреново , заедно со мојот колега забележавме нешто чудно .... Не знам како да го наречам , можеби е збир на некој чуден чад од околината ...или можеби “неко меџу нама није наш “ Во секој случај интересно!, напиша Зоран во описот на фотографијата каде се гледа белата сенка во мракот.

Коментарите за приложеното се редеа до недоглед, а пред се повеќето беа со духовита нота, но една од неговите следбенички напиша дека и таа ја забележала појавата која исчезнала по изгревањето на сонцето. Што ли фотографираше Зоран, веројатно ќе остане како нерешена мистерија.

Зоран Илиев и Анабела Атијас со „Од утро до вечер“ – победничката песна на „Макфест 2017“

Антонио Димитриевски — Wed, 18 Oct 2017 12:43:56 +0000

Како што е веќе познато, штипјанецот Зоран Илиев и популарната спрска пејачка Анабела Атијас победија на годинешното издание на фестивалот на забавни мелодии „Макфест 2017“,кој традиционално се одржа во Домот на културата „Ацо Шопов“ на 5, 6 и 7 октомври во Штип.

Нивниот дует насловен „Од утро до вечер“, освен што беше победник и во првата полуфинална вечер, собра најголем број гласови од публиката и во финалето, што им донесе награда од 5.000 евра во денарска противвредност, а за време на победничкиот настап Илиев рече дека дел од парите ќе ги донира во хуманитарни цели. Инаку, ова е втора победа за штипјанецот, кој претходно триумфираше на фестивалот во 2011 година со темата „Ангели и демони“, а за Анабела ова беше првпат да запее на македонски. Победничката композиција инаку е авторско дело на Стојанче Аврамов, кој се потпишува на музиката и текстот, а аранжманот го направи Зоран Алексиќ. За сите оние што не го проследија „Макфест 2017“, еве уште едно потсетување на победничката песна, овој пат во нејзината оригинална – студиска верзија.