зонде – Вистина.мк

Македонската „Гранд ѕвезда“ заблеска разголена: Андријана Петрушовска покажа во какво издание е најпосакувана, ама и откри за што сонува? (ФОТО)

Антонио Димитриевски — Sat, 10 Jun 2023 07:23:39 +0000

Откако најпрвин „блесна“ во македонското музичко талент шоу „Заблескај“, атрактивната македонска пејачка им мамеше воздишки на гледачите уште додека ја гледаа во натпреварот на „Ѕвездите на Гранд“. Стројна, бујна, со раскошни атрибути, Андријана Петрушовска и ова лето порани да ја отвори бикини сезоната... До душа не дома, зашто кај нас времето повеќе личи на есен, ама затоа таа беше дел од екипата познати фаци кои неодамна одлетаа на турското крабрежје во сончевата Анталија каде уживаа темнејќи го тенот. Пејачката пред напорната сезона која летово ја очекува и таму не пропушти да го истакне сиот свој телесен раскош со кој младата убавица располага, па се покажа во опуштено и заводливо издание, онака како што Андријана најдобро умее. Не е помалку провокативна и кога не е на сцена, разбирливо, она што на неа е најистакнато и најзабележително ставено во фокусот да биде и најзебележително. Долгите нозе, бујните гради и нејзината заоблена секси задница и овој пат го красеа телесниот раскош на „расцутената “ убавица! По враќањето дома со наполнети батерии, подготвена и орна за нови предизвици, Андријана им се врати на настапите. Огледалото отсекогаш на дамите им било најверниот пријател за споделување на самодовербата, ама кај атрактивните и згодни убавици во споделувањето на сексапилот му се придружува и фотообјективот. Не дека и претходно не сме ја виделе во разголени изданија, но пејачката овој пат решила да ги израдува своите следбеници со уште една скокотлива топлес поза... До душа направена по принципот: Ништо не се гледа експлицитно, ама не е битно, возбудата уште на прв поглед се насетува, зашто телесниот раскош на расната пејачка тоа го ветува! Фотографијата на правена од уметничкиот фотограф и режисер Зоран Стојановски - Зонде, Андријана ја споделила на своите Инстаграм приказни заедно со мудрите мисли преточени во поетика како дополнителна егзотика... Колку се' да не се сведе само на чиста еротика. „Ослободете се од границите на вашата облека, ослободете ги ограничувањата на вашиот ум. Бидете невоздржани и слободоумни како ветрот што танцува низ вселената“. И Андријана ги ослободила... Па пејачката не само што и овој пат заблеска разголена, туку и покажала во какво издание е најпосакувана... А кој(а) вака не сака? Патем, Андријана споделила уште едно „стори клипче“ кое за оној кој знае да чита „меѓу редуви“ многу кажува... Дали е тоа она нешто за кое пејачката сонува и го посакува...? Сеедно сега или во блиска иднина? Ако е така, „принцот“ нека се јави зад сцената на првата следна „свирка“ на Андријана Петрушовска! Пејачката секогаш е подготвена... За незаборавен настап!

View this post on Instagram

A post shared by Andrijana Petrusovska (@andrijanapetrushovska)

Фото: Инстаграм принтскрин/andrijanapetrushovska

Ламбе Алабакоски го направи првиот чекор од своето естрадно враќање со – „На чекор од брегот“ (ВИДЕО)

Антонио Димитриевски — Tue, 12 Jul 2022 12:48:12 +0000

По осум години пауза Ламбе Алабакоски, поп-пејачот кој минатата година со семејството се врати од САД во Македонија, денес на пладне, објави новата песна. Ламбе на Инстаграм напиша дека излегува „На чекор од брегот“, и кажа дека изманитиов период бил тежок за него. „Мили мои, со многу љубов и ентузијазам работевме изминатиот тежок период на новиот проект „На чекор од брегот”. Нова песна и ново видео! Останете добро и очекувајте наскоро, 12/07/2022, 12:00 напладне“ - напиша Ламбе во објавата како најава на новиот проект. Песната е снимена е кај Димитар Андоновски, а музиката ја компонирал Александар Тарабунов - Тара кој заедно со колегата Димитар Андоновски го потпишуваат и аранжманот на песната. Текстот е на Зоран Стојановски - Зонде, познатиот уметнички фотограф и режисер кој го режирал и видеото за песната. Во неа покрај самиот Ламбе се појавува и Тара како артист кој ја свири акустичната гитара, која оригинално во темата ја отсвирил Александар Таушанов, додека трумпет делниците ги свири Сенад Усеин. Тој исто така е дел од видеото во кое уште свои улоги имаат танчарите Дора Китановиќ и Илија Кардакоски. Инаку музички темата делува мошне зрело и напревена е во латино стил, правец кој во последно време Александар Тарабунов како автор и изведувач и самиот го ползува и негува. „Оваа песна се направи во еден здив од сите, и така ќе ја пеат сите, верувам“ - изјави кусо Ламбе кој своето враќање на сцената го одбележа со, за едни инцидентот, за други „патриотски чин на покажување национална гордост и пркос“ со палењето на вратата на бугарскиот културен клуб „Ванчо Михајлов“ во Битола, за што се чека судската разврска. Во меѓувреме, премиерно проследете ја „На чекор од брегот“, новата повратничка песна на Ламбе Алабакоски:

Кога Мина Блажев отворено ќе ти признае – „Не можам без тебе“ (АУДИО)

Антонио Димитриевски — Thu, 31 Oct 2019 14:29:07 +0000

Јавноста младата тинејџерка Мина Блажев ја запозна како македонска претставничка на „Детскиот Евросонг“ во 2017 година, кога со песната „Dancing Through Life“ не претставуваше во Тбилиси - Грузија. Претходно симпатичната и шармантна Мина, која е внука на Владимир Блажев, алиас Панчо од ДНК, а на јавноста и стана позната по своите забележителни настапи на регионалното музичко талент шоу „Ѕвездичките на Пинк“ каде ги собра аплаузите и ги доби сите пофалби од жирито. По детскиот Евросонг во Грузија, Мина лани, на почетокот на летото во 2018 година ја издаде својата прва самостојна песна „Веќе нема“ зад која авторски стоеше Роберт Билбилов, а беше визуелизирана и со симпатично летно видео кое го изработи Александар Ристовски - Принц. Несомнено талентираната тинејџерка со ова го најави својот пробив на домашната естрада, а годинава ja продолжи соработката со истиот автор - Р. Билбиров, најпрвин со англиската тема „Confusion“ во септември годинава, а веднаш потоа и појавувајќи се одлична песна на последниот „Макфест 2019“. „Не можам без тебе“ е современа, ар-ен-би/поп тема, која во себе содржи модерни звуци, перфектно испеглана продукција и аранжманско пакување какво што и прилега на стилот, вокалот и возраста на една вака млада пејачка. Иако не чепна од наградите, песната зад чии стихови стои Робин Зимбаков, го наоѓа својот пат во радиоетерот особено кај помладата публика на интернет каналот Јутјуб. Песната ја следи визуелизација во вид на Арт Ворк колаж видео составено од фотографии со сегменти од настапот на Мина на макфестовската сцена, кој го изработил уметничкиот фотограф и режисер Зоран Стојановски - Зонде. Како сето тоа изгледа и како звучеше макфестовската „Не можам без тебе“ на Мина Блажев, потсетете се и проследете во продолжение. https://www.youtube.com/watch?v=dH3wRuKKz2g

Лина Пејовска ја преработи „Крив си сам“ (АУДИО)

Антонио Димитриевски — Fri, 13 Sep 2019 10:43:12 +0000

Во 2016 година на своја 14-та година, малечката и талентирана ѕвездичка од Македонија, Лина Пејовска, со својот специфичен глас и талент го освои жирито на музичкото шоу „Пинк ѕвездички“. Минатата 2018 година таа го освои и жирито во регионалното музичко шоу во Хрватска, „Ѕвезди – летен хит“. Лани Лина исто така беше актуелна и со песните на Дарко Димитров „Топло-ладно“ („Одлучи се“ - српска верзија) и макфестовската балада „Нема“. Младата и атрактивна пејачка деновиве реши да се појави со нова песна, која всушност и не е така нова, зашто се работи за преработката на старата тема од 2010 година на некогашна македонска пејачка Снежана Џеповска, насловена „Крив си сам“. Автор на музиката и аранжманот на песната е уште еден стар, проверен мајстор на музичкиот занает, композиторот и пејач Роберт Билбилов, додека стиховите ги напишал Раде Врчаковски - Врчак. За кавер верзијата на „Крив си сам“ на Лина Пејовска, уметничкиот фотограф и режисер Зоран Стојановски - Зонде кој ја правел и нејзината последна фотосесија, направил арт ворк видео, а младата и атрактивна пејачка маестрално ја донела својата изведба на старата тема на Билбилов. Како звучи кога „Крив си сам“ ја пее Лина Пејовска, слушнете во продолжение:

ТАРА добро знае што е тоа – „Маска од насмевка“ (ВИДЕО)

Антонио Димитриевски — Thu, 20 Jun 2019 12:33:06 +0000

Со најтоплото годишно време некако најдобро во пакет одат морето, песокот, плажата, згодните девојки, забавите или летната романтика... и секако, песната!

Токму во тој стил Александар Тарабунов, се претстави со својата нова песна „Маска од насмевка“ која уште на прво слушање ветува дека има потенцијал да стане летен хит.

Тара песната ја најави уште пред еден месец, кога откри и дека автор на музиката е самиот тој, а стиховите се на Робин Зимбаков, додека сето тоа го аранжираше и продуцираше постојаниот соработник на пејачот, Роберт Билбилов.

Ниту еден хит не би бил целосен без соодветна визуализација, а за тоа се погрижил уметничкиот фотограф и режисер Зоран Зонде Стојановски, екранизирајќија ја песната со кадри од преубавото црногорско крајбрежје и делови од стариот град во Будва.

„Маска од насмевка“ доаѓа како своевидно логично продолжение на минатогодишниот макфестовски хит „Би те одбрал само тебе“, какои преработките на старите теми на Билбилов во латино стил, отпеани во дует заедно со младата Барбара Поповиќ, што навестува дека најверојатно би требало наскоро и да резултира со комплетен материјал за албум од Тара.

Во меѓувреме уживајте во звуците и кадрите од „Маска од насмевка“.

„Proud“ заврши на филмскиот моден оскар: Модниот фотограф и режисер Зоран Зонде Стојановски номиниран во 4 категории на „IFFAS“ – меѓународните модни филмски награди (ВИДЕО)

Антонио Димитриевски — Thu, 06 Jun 2019 08:21:03 +0000

Македонскиот моден фотографи режисер Зоран Зонде Стојановски, познат по своите модни филмски мини едиторијали со познати македонки, кои содржат еротки компоненти годинава е номиниран за еден виид „моден филмски оскар“.

Имено, тој со неговиот мини моден филм „Out of Sync“ во кој провејува уметничката нота проткаена со блага доза на еротија, а како музичка тема е искористена нашата евровизиска тема „Proud“ на Тамара, е номиниран во 4 категории на годинешниве меѓународните модни филмски награди „IFFAS“: Најдобра камера, најдобра музичка тема, најдобра мода и најдобра музичка продукција. Во кусото модно видео двата лика ги толкуваат Сара Лазареска и Дора Китановиќ.

„Out of Sync“ е краток моден филм во кој е претставено како повеќето од нас не секогаш дејствуваат според нашите свесни мисли и како нашите несвесни сили го потикнуваат нашето однесување. Вклучувајќи ги нашите навики кои доаѓаат од животот вклучен на автопилот, кој ги исклучува нашите (ре)акции од она што навистина го сакаме. Ако не можете да го видите во вашата реалност, никој не може да ве спречи да го гледате во вашиот ум. И ако може да го видите вашиот ум, најверојатно, ќе го видите во реалноста. Преку уметнички и модерен начин, попрскан со љубов и убавина, би сакал да ја испратам оваа порака и да ги инспирирам другите“ - вели авторот.

View this post on Instagram

Nomination for best music... #proud

A post shared by Robert Bilbilov (@justrbproduction) on Jun 4, 2019 at 4:32am PDT

Роберт Билбилов направи ремикс на хитот на Тамара – „Довидување таго“ (ВИДЕО)

Антонио Димитриевски — Wed, 10 Apr 2019 10:25:51 +0000

Минатогодишниот хит на нашата актуелна евровизиска претставничка Тамара Тодевска, темата „Довидување таго“ сега си доби и ремикс-издание за кое се погрижи самиот автор на музиката – хитмејкерот Роберт Билбилов и неговата Јustrbproduction.

Како и повеќето песни на Тамара, така и „Довидување таго“ е една од највртените на македонските радија, создадена како резултат од соработката и со Игор Џамбазов, чиј потпис стои на стиховите, а сега ја имаме во малку поразиграна варијанта дополнета со видеото изработено од уметничкиот фотограф и режисер Зоран Зонде Стојановски, кое е снимено во Калифорнија.

Ремиксот на овој хит од Билбилов доаѓа по рефрешираните верзии на неговите постари хитови „Избриши ги ти солзите“ и „Сега јас сум на ред“, изведени во латино стил од Александар Тарабунов и Барбара Поповиќ.

Како што е познато, Роберт е дел од авторскиот тим и на евровизиската „Proud“, со која Тамара следниот месец ќе ги брани боите на нашата земја во Тел Авив - Израел.

И додека чекаме да нè почести со нова песна, дотогаш можете да уживате во ремиксот на „Довидување таго“ и видеото за неа во продолжение. https://www.youtube.com/watch?time_continue=200&v=3AO_WpybIIw

Александар Тарабунов смисли како да и признае – „Луд сум по тебе“ (ВИДЕО)

Антонио Димитриевски — Wed, 04 Apr 2018 12:42:22 +0000

Александар Тарабунов одучи да го екранизира својот минатогодишен хит „Луд сум по тебе“ кој го сними со својот долгогодишен соработник – хитмејкерот Роберт Билбилов кој е автор на музиката и аранжманот, и секако продуцент на песната.

Снимањето беш закажано за 22 март во МОБ, а имајќи го предвид заразниот ритам на песната и атмосферата од скопските игранки во 50-ите која требаше да се долови, за забавата беа потребни повеќе луѓе, па пејачот побара помош преку социјалните мрежи.

Сепак, покрај бројните статисти во видеото се појавуваат и некои познати ликови од естрадниот, музичкиот, спортскиот, уметничкиот живот како самиот Роберт Билбилов на пример кој свири пијано во видеото, потоа кошаркарката и бодибилдерка Едина Муса, Мила балеринКата Ниновска... и секако самиот пејач, кој според костимот и маската се чини дека се обидел да го долови татко му Ванчо Тарабунов на млади години.

Имено, повозрасните знаат дека фолк легендата Ванчо Тарабунов во младоста бил еден од оние фраери кој ги забавувале скопјани на познатите скопски игранки и матинеа во 50-ите и почетокот на 60-ите години, а токму неговиот лик како и целата таа атмосфера Тарабунов - јуниор заедно со режисерот на видеото и уметнички фотограф Зоран Стојановски - Зонде, се обиделе да ја пресликаат во спотот за „Луд сум по тебе“!

Како сето тоа изгледа погледнете во продолжение, а воедно и уште еднаш потсетете се на последниот хит на Александар Тарабунов, кој добива поинаков лик и форма со самата визуелизација. https://www.youtube.com/watch?v=EWiwcvUW9WM