знаме – Вистина.мк

На турнејата низ Австралија: Теа Таировиќ наметната со македонско знаме со сонцето од Кутлеш вака ја пееше „Лихнида кајче веслаше“ (ВИДЕО)

Антонио Димитриевски — Mon, 13 Nov 2023 12:15:50 +0000

Полека се ближи долгоочекуваната вечер, настанот за кој најмногу се зборува овој период, за концертот кој предновогодишно ќе го размрда Скопје. На 16-ти декември во салата „Јане Сандански” балканската ѕвезда Теа Таировиќ ќе приреди шоу со кое ќе ги помести сите граници. Организаторите со задоволство истакнуваат дека поголем дел од влезниците се веќе распродадени, а Теа со нетрпение чека да запее пред публиката која посебно ја обожува, па може и по некоја македонска песна. Нејзината љубов кон Македонија уште еднаш ја потврди со своите настапи на турнеата во Австралија каде од срце ја испеа „Лихнида кајче веслаше“, а за концертот во Скопје подготвува уште повпечатлив репертоар проследен со уникатен сценски настап кој ќе ве остави без здив, карактеристичен за српската дива.

Со кревањето на фестивалското знаме започна „Макфест“

Слободанка Илиева — Fri, 20 Oct 2023 13:24:56 +0000

Со познатите песни, кои се македонски и балкански евергрини претпладнево се крена фестивалското знаме, започна фестивалот „Макфест“. Градоначалникот на Општина Штип, Иван Јорданов, Пајак и Лара (кои според публиката е насјлушаната песна „Бела“ во текот на годината), официјално го кренаа знамето на Макфест, кај хотелот „Оаза“ во Штип. Вечерва и утревечер во салата на Центарот за култура „Ацо Шопов“ во Штип ќе се испеат вкупно 26 забавни песни, од кои публиката вечерва ќе слушне 13, а пет од нив ќе влезат во втората фестивалска вечер. Александар Арсовски, организатор на „Макфест“ од Општина Штип вели дека вечерва во ревијалниот дел ќе настапат „Силви бенд“ и Лидија Кочовска. -На втората фестивалска вечер ќе имааме вкупно 18 композиции. Петте песни од првата фестивалска вечер ќе бидат избрани по пат на гласање од страна на публика во салата и од струлното жири кое ќе брои седум членови, вели Арсовски. Уметничкиот директор на Фестивалот на забавни мелодии „Макфест“, Роберт Саздов вели дека годинава има одлични песни, а на сцената имаат и млади изведувачи, но и искусни кои веќе настапувале на фестивалот, а нивните песни се и хитови. -Имаме музика од сите жанрови, ќе биде одлично. Тоа ви го ветувам, ќе бидете сите пријатно изненадени. Навистина, јас и Јован Јованов ја направивме селекцијата, ги контактиравме пејачите и оваа година очекувам дека ќе го надминеме минатогодишното издание. Има една изрека „Следи го својот сон, а не конкуренцијата“. Така што, ние имаме одредена визија, вели Саздов. Песната „Бела“ во изведба на Пајак и Лара е најслушана во текот на годината, од кои само на еден канал имаат 27 милиони прегледи. Пајак и Лара на денешната прес-конференција истакнаа дека се горди што имаат хит и тоа на балканско ниво. -Навистина ни е огромна честа што ќе ја примиме наградата за најслушана песна. „Бела“ е песна којашто навистина стана хит во Македонија и пошироко на Балканот. Благодарни сме што цела Македонија ни беше поддршка, дека македонскиот јазик се слуша и надвор. Тоа е многу добро што со една песна ја проширивме нашата музика, велат Лара и Пајак. Градоначалникот на Општина Штип, Иван Јорданов истакна дека годинава Фестивалот на забавни мелодии „Макфест“ чини околу шест милиони денари. Средствата се од буџетот на Општина Штип, но помагаат и општествено одговорни компании. -Втора година по ред и покрај тоа што не добиваме поддршка, како локална самоуправа од Министерството за култура, не дозволуваме овој фестивал да згасне, туку напротив, се трудиме да создадеме нови вредности, вели Јорданов. Фестивалот на забавни мелодии „Макфест“ почнува вечерва во 20:15 часот, директен пренос ќе има на МТВ, а водители оваа година се шармантните и забавни Маријана Стојановска и Димитар Атанасовски.

Обвинителство се огласи по скандалот: „Нема индиции дека Андреа имала намера да го исмее знамето“

Антонио Димитриевски — Mon, 09 May 2022 11:30:40 +0000

Основното јавно обвинителство до овој момент нема отворено предмет за настанот кој ја разбранува македонската јавност, а кој се однесува на евровизиската претставничка Андреа Коевска која го фрли државното знаме на подот при фотографирањето синоќа во Торино, Италија. „До овој момент нема индиции дека во настанот имало намера државното знаме да се изложи на подбив и исмејување“, велат од Обвинителството за „Слободен печат“. Потсетуваме, евровизиската претставничка е цел на лавина критики откако вчера го фрли хартиеното мало знаме за време на фотосесија. Иако се работи за непромислен потег, повеќе експерти проценија дека сигурно тоа не го направила намерно или со умисла да ја понижи Македонија.

Андреа се извини за непромислениот гест и скандалозното однесување со фрлањето на македонското знаме на земја (ВИДЕО)

Антонио Димитриевски — Mon, 09 May 2022 06:38:38 +0000

Македонската претставничка на Евровизија, Андреа Коевска преку видео порака се извини што го фрли македонското знаме за време на фотографирањето во Торино. Таа објаснува дека тоа било ненамерно и дека не сакала никого да навреди. Фотографите наводно побарале од нашата претставничка да ја фотографираат без знамето. Македонската делегација била далеку од сцената и немајќи каде, кому да го подаде, таа го фрлила знмето на подот. Јавниот сервис пак откако и самиот ја повика да се извини, ја разгледува можноста и за повлекување на нашата претставничка на Евровизија. Андреа во видео порака веднаш се извини за гестот и објасни дека тоа се случило ненамерно, без намера никого да навреди. Ова е нејзиното извинување:

Јавниот сервис со осуда за скандалозното однесување на нашата евровизиска претставничка: МРТ ја повлекува Андреа од Евровизија?

Антонио Димитриевски — Mon, 09 May 2022 06:30:06 +0000

Јавниот сервис на ниту еден начин не стои зад ваквото скандалозно однесување на нашата евровизиска претставничка, која со тој гест покажа непочитување кон националното обележје, што е казниво со закон... Македонската Радио Телевизија најостро го осудува потегот на нашата претставничка на „Песна за Евровизија 2022“, Андреа Коевска којашто за време на фотографирањето во Торино го фрли на земја државното знаме. Јавниот сервис на ниту еден начин не стои зад ваквото скандалозно однесување на нашата евровизиска претставничка, која со тој гест покажа непочитување кон националното обележје, што е казниво со закон. МРТ очекува од Андреа да им се извини на граѓаните за ваквото однесување. Јавниот сервис ја разгледува можноста за нејзино повлекување од Евровизија, иако ќе се води сметка да не се предизвика поголема штета по МРТ. Против одговорните во македонската делегација ќе бидат преземени сите законски можности за најстрого санкционирање за овој скандал.

Зошто ниту едно национално знаме нема виолетова боја?

Слободанка Илиева — Wed, 19 Aug 2020 12:40:59 +0000

Виолетовата боја била премногу скапа до 1800-тите. Како резултат на тоа, често била поврзувана со моќ, власт и богатство. Дури и кралицата Елизабета I им забранила на сите да ја носат оваа боја, освен на блиските членови од семејството. Оваа боја била исклучително ценета, бидејќи била многу ретка. Оригиналната виолетова боја била добиена од мали морски полжави кои можат да се најдат само во областа на денешниот Либан. Не само што било тешко да се добие бојата, но биле потребни околу 10,000 морски полжави за да се направи еден грам виолетова боја. Затоа само богатите и кралските семејства можеле да си дозволат работи во виолетова боја. Освен ова, виолетовата боја претставувала духовност, па луѓето ги сметале за богови сите антички владетели што ја носеле. Според некои пресметки, 350 г виолетова боја чинеле купови злато. Оваа боја станала достапна околу 1856 година кога 18-годишниот хемичар Вилијам Хенри Перкин случајно направил синтетичка виолетова боја, додека се обидувал да направил лек против маларија. Од тој момент, започнало масовното производство на виолетова боја, па поради таа причина денес може да се пронајде само на некои знамиња создадени во 19-от век. Сепак, само две национални знамиња ја имаат виолетовата боја на нив. Станува збор за знамињата на Доминиканската Република и Никарагва. Како и да е, можеби ќе ја забележите и на некои знамиња чиишто држави го промениле знамето во последните години. извор:кафепауза.мк

Додека Заев го брише и од шахтите, Македонците среде Грција го развејаа знамето со шеснаесеткракото сонце од Кутлеш (ВИДЕО)

Антонио Димитриевски — Tue, 03 Sep 2019 11:35:15 +0000

Додека актулната власт во Македонија ја обезличува македонската нација стругајќи го шеснаесеткракото сонце од Кутлеш дури и од канализациските шахти среде Скопје, Македонците во Грција го покажаа својот патриотозам. На фестивалот насловен како “Керасиотика” кој се одржувал три дена во селото Керасиа во Пела минатата недела, а бил организиран од Културната асоцијација “Аристотелис”, се веело македонскот знаме со сонцето од Кутлеш и се пееле македонски песни и играле македонски ора. Oд “Прототема” велат дека ова е еден од настаните со кој жителите од овие краишта сакаат да покажат дека се Македонци во Северна Грција, кои се угнетени од властите на оваа земја. Погледнете во видеото подолу како се виело оро, пееле македонски песни и гордо веело аловото знаме со шеснаесеткракото сонце од Кутлеш среде Грција, патриотски чин кој грчките медиуми го окарактеризирале како националистички. https://www.youtube.com/watch?v=N8rW7plxeIk

Вака се навива за својата земја: Карлеуша се разголе, па го обои телото во боите на Србија и распали по Дуа Липа (ФОТО+ВИДЕО)

Антонио Димитриевски — Tue, 26 Jun 2018 08:54:40 +0000

Српската поп-фолк дива Јелена Карлеуша на себесвојствен и необичен начин, преку социјалните мрежи ја поддржа фудбалската репрезентација на Србија, во чии редови на СП во Русија игра и нејзиниот сопруг, дефанзивецот Душко Тошиќ.

Карлеуша се разголе, па своето тело го обои во боите на знамето на Србија!

Така разголена и обоена таа зема вистинско знаме в раце, па направи неколку еротско-патриотски фотографии и видео, кои ги постираше на својот Инстаграм профил.

A post shared by JELENA KARLEUŠA (@karleusastar) on Jun 22, 2018 at 2:13am PDT

Патем, Карлеуша и одговори на албанската пејачка Дуа Липа која на својот Инстаграм профил пак, постираше фото од непристојната и провоцирачка прослава на Албанците Џака и Шаќири кои играат за Швајцарија, кои ги постигнаа двата гола во победата над Србија со 2:1.

Имено, Карлеуша и реплицираше на „колешката“ со стаус на Твитер: „Оваа Дуа Липа изгледа е сериозна будала!?“