златко јовановски – Вистина.мк

Симона Поповска со силна прака против семејното насилство – дека секој има свој пат и право да го изоди, во макфестовската – „Бакни ме за крај“ (ВИДЕО)

Антонио Димитриевски — Tue, 24 Oct 2023 06:26:51 +0000

„Бакни ме за крај“ е насловот на композицијата што Симона Поповска ја отпеа викендов на Макфест 2023. Песната е комплетно авторско дело на Горјан Стојановски, а за неа Симона веќе сними и видеозапис, кој го работеше со Крсте Шупев. За нејзиниот изглед во видеото, но и на фестивалската сцена на Макфест беше задолжен стариот и проверен соработник Бобан Тодоровски (шминка и фризура), додека уникатната креација со која се појави на сцената во Штип и која всушност ја претстави како Феникс ја изработи Златко Јовановски – ЈЗЈ. „Статистички секоја четврта жена во светот е жртва на родово базирано психолошко насилство од страна на партнерот, а токму преку фениксот кој беше инспирација и за креацијата што ја носев на Макфест сакав да ја испратам пораката што се појавува и на крајот од видеото – дека секој има свој пат и право да го изоди. Секој треба и може да го разбуди фениксот во себе, кој всушност ја симболизира трансформацијата и обновувањето“, вели Симона, која по музичката пауза заради мајчинството и семејството реши да се фокусира на создавањето нова музика и да им се врати на живите настапи. „Доста одморав време е за настапи, по Макфест каде имав побрза, да речам клупска песна, веќе се подготвувам за нова, ако сѐ оди како што треба за отприлика два месеци ќе промовирам нешто ново“, вели Симона, која цврсто гази по својот избран пат во кој освен за семејството и пеењето место има и за медицината и работата на која ѝ е максимално посветена. Во продолжение погледнете го видеото за макфестовската тема на Симона, „Бакни ме за крај:

„Продолжи да поместуваш граници и освојуваш врвови“: Дизајнерот Златко Јовановски со повод собра грст честитки (фото)

Слаѓана Атанасова — Tue, 15 Aug 2023 06:50:54 +0000

За тетовскиот ексцентричен дизајнер Златко Јовановски слушаме се почесто, а неговата актуелност со авангардните креации кои ги создава, постојано расте. Македонскиот моден дизајнер досега креирал за многу познати и не толку актуелни имиња од светот на шоу бизнисот. Тој е се поблизу да прерасне во познато име во светот на модата, а самиот себе си се нарекува кралот на светкавото. Златко сега го слави неговиот 28 - ми роденден , а по тој повод од познатите и пријателите доби прекрасни честитки. - Продолжи да поместуваш граници и освојуваш врвови - му посака водителката Снеже Велков. А, потоа се појави и фографија на Инстаграм профилот од емисијата „Нешто конкретно“ каде со голем стикер пишуваше „Среќен Роденден“. Македонката пејачка Кристина Димитри му го честиташе неговиот посебен ден облечена во негова креација на Макфест минатата година. Но, откри и дека го подготвува нејзиниот следен аутфит. Среќен роденден! Фото: Принтскрин/Инстаграм

За неговото име надалеку се слуша: Тетовскиот ексцентричен дизајнер Златко Јовановски ја облече ќерката на Весна Змијанац, а негова креација стигна и до париската модна недела (фото)

Слободанка Илиева — Fri, 10 Mar 2023 09:10:10 +0000

За македонскиот моден дизајнер Златко Јовановски и неговиот бренд ЈЗЈ слушаме се почесто. Го пишуваат по портали, го канат гостин во емисии, а неговата актуелност покрај авангардните креации кои ги создава, постојано расте. Златко досега стигнал да креира за многу познати и не толку актуелни имиња од светот на шоу бизнисот.

View this post on Instagram

A post shared by Couturier (@jzj_zlatko_)

Периодов најмногу за него слушавме во „Ѕвездите на Гранд“ кога ја облекуваше битолчанката Марија Груевска за чиј сценски изглед сѐ уште се зборува.

View this post on Instagram

A post shared by Couturier (@jzj_zlatko_)

Златко цели надалеку, а иако успеал своите креации да ги донесе и да бидат видени на важни модни настани и личности, тој своевремено изјави дека сака неговите креации да прошетаат и на париската модена недела. Тоа деновиве и му се случи делумно, можеби не на писта, но пред насобраните фоторепортери во Париз, и меѓу публиката, да.

View this post on Instagram

A post shared by Couturier (@jzj_zlatko_)

Имено, на овој голем моден настан каде е комплетниот фокус на модната фела, популарниот модел од Дубаи, Раниа Пугхолм, носеше фустан креиран од Златко. Снимките се најдоа на неговиот Инстаграм профил каде секако мораше да покаже дека негова креација стигнала дотаму. Малку по малку, тој е се поблизу да стане познато име во светот на модата, иако некои кај нас сакаат да го наречат дизајнер на кичот. Сепак, на Јовановски тоа воопшто не му пречи, па самиот се нарекува како кралот на светкавото.

View this post on Instagram

A post shared by Couturier (@jzj_zlatko_)

Наодамна, во негова креација на МАC наградите во Србија се појави и ќерката на Весна Змијанаџ, пејачката Николја Јовановиќ . фото:Инстаграм/Принтскрин/Златко Јовановски

Златко Јовановски: „Додека децата ме исмејуваа, мајка ми ме убеди дека ми љубоморат, оти сум роден да бидам ѕвезда“ (ВИДЕО)

Антонио Димитриевски — Fri, 08 Apr 2022 06:26:25 +0000

Модниот дизајнер Златко Јовановски, познат и како ЈЗЈ, го исполни детскиот сон да креира за српската ѕвезда Јелена Карлеуша. Неговите дизајни таа ги носеше на насловната страница на списанието „Хелоу“. Сепак, вели Златко, настрана Јелена, негов сон е своите креации да ги претстави во Дубаи.

„Јас знам дека по Лондон и Кина, еден ден ќе имам ревии во Париз и Милано, не се сомневам во тоа, но сега целта ми е да се пробијам во Дубаи. Кога видов каква е модата таму, како сè блеска и е раскошно, во мој стил, знам дека морам да го најдам моето место таму“, рече Златко за „Репортер“. Разговаравме во Тетово, каде што се наоѓа едно од неговите две модни ателјеа. Другото е во Скопје, каде што одамна живее. Иако е навикнат на животот во Скопје, Тетово не го дава за ништо на светот. Башка, вели тој, таму го прави најубавиот шопинг за облека, оти може да се ценка. „Абе ние во Тетово и јајцата на кантар ги мериме“, раскажува Златко за тетовскиот табиет. „Јас знам дека ќе успеам каде и да одам, зашто сум шлакнат и будала, а само таквите успеаваат. Отсекогаш знаев дека ќе имам светска кариера. Како дете се облекував поразлично од врсниците и тие ме исмеваа и ме навредуваа, ама мене мајка ми ме воспитуваше да верувам во себе. Ми велеше: Златко, тие ти љубоморат, ти си роден за ѕвезда“, искрен е Златко, кого го нарекуваат и најконтроверзниот македонски дизајнер. Ја запознавме и мајка му Благица. Таа ни откри дека нејзиниот син отсекогаш ја сакал модата, и дека таа е неговата најголема поддршка. Златко има две сестри, едната е во Тетово, другата во Милано, па цел живот го минал со жени и вкусовите која што да облече. „Кога Моника се мажеше, Златко за мене го дизајнираше фустанот, а неа венчаница. Ми велеше: 'Ако не ослабеш 5 килограми, нема фустан да ти направам“ - открива мајката на ЈЗЈ. И ако од дете ѝ ги уништувал чаршафите по дома кога му требал материјал за шиење денес е врвен дизајнер кој ја облече и Ава Макс. За светските ѕвезди со кои Јовановски соработувал, која американска пејачка сака да седи во прв ред ако има ревија во Лос Анџелес, колку пари троши на облека, како од ќебето на баба си направи капут... Гледајте го видеото.

Цеца со години важи за дама со стил, а сега овој познат Македонец и дизајнираше креација: „Многу е кул и професионална“

Христина Ѓоргиевска — Tue, 14 Sep 2021 07:54:33 +0000

Регионалната музичка ѕвезда Цеца Ражнатовиќ отсекогаш важела за некој кој е одлично стилизиран, па каде и да се појави собира позитвни коментари, како и добри оценки од модните критичари, дизајнери. Без разлика дали е облечена во елегантни тоалети, комбинезон, краток фустан, тренерки....фолк пејачката најчесто добива комплименти за изгледот. Таа неодамна имаше концерт во српскиот главен град – Белград. На овој настап Ражнатовиќ се појави во креација од монистри, срма и рачно везени апликации -со потпис на македонскиот бренд “JZJ by Zlatko Jovanovski – Couturier”. Тој на својот „Инстаграм“ сподели и неколку фотографии на кои покажа како изгледа креацијата која ја направил за српската фолк дива. „ До соработка со балканската дива Цеца дојде поодамна кога нејзината стилистка ме контактираше за да дизајнирам нешто специјално за неа. Јас прашав во кој правец да дизајнирам, и ми кажаа дека Цеца ги видела моите креации, и се допаѓа се што правам и она би сакала нешто по моја имагинација“, вели Златко за независен.мк Тој вели дека со 70% готова креација заминал на проба во Белград, а потоа кога ги дифинирале деталите ја довршил креацијата и ја испратил до пејачката. „На пробата владееше многу пријатна атмосфера и одлична соработка. Морам да додадам дека Цеца иако е едно огромно име на Балканот, е многу кул и бескрајно професионална.После тоа, креацијата ја финиширавме тука во моето ателје, и и ја пративме за Белград“, вели дизајнерот. За потсетување, Јовановски беше задоложен и за оригналните, различните модни креации на Марија Груевска во последната сезона на регионалното музичко шоу „Ѕвездите на Гранд“. фото: инстаграм/златко јовановски

Често добиваше негативни коментари за нејзиниот изглед, а сега овој Македонец ја „скоцка“ Вики Миљковиќ за финалето на музичкото шоу (фото)

Христина Ѓоргиевска — Thu, 01 Jul 2021 06:46:35 +0000

Во саботата заврши уште една сезона на регионалното музичко шоу „Ѕвездите на Гранд“. И оваа сезона имаше двајца македонски учесници, односно Марија Груевска која заврши на шесто место и Мите Стоилков кој заврши на четврто место. За вистинско изненадување како на публиката, така и на жирито, во оваа сезона македонската кандидатка Марија Груевска уште од првото појавување на сцената привлече внимание со нејзината модна комбинација. На нејзиниот стајлинг посебно реагираше поп дивата Јелена Карлеуша која не остана рамнодушна и Груевска ја нарече македонска Лејди Гага, а за нејзините костими истакна дека се висока мода во „Ѕвездите на Гранд“. Ова е нешто ниведено во „ЅГ“: Марија Груевска го распамети жирито – „Никогаш во животот немам видено ваква висока мода“ – Вистина.мк (vistina.com.mk) Имено, како што истакна младата битолчанка целиот концепт го смислил нејзиниот татко кој е свештеник, а костимите се креација на македонскиот дизајнер Златко Јовановски или познат како „ЈZJ“. Од емисија во емисија, Марија изгледаше поразлично и оригнално, а секојпат имаше нов осмислен настап. И Мите Стоилков кој беше под менторство на Вики Миљковиќ во последните неколку круга се препушти на дизајнерот, па кога се појави на сцената изгледаше потполно поразлично, модерно, а Карлеуша истакна дека од грдо пајче се формирал во вистински фраер. Изгледа на членовите на жирито, им се допаднаа модните креации на Златко, па се одлучија да го ангажираат македонскиот дизајнер. Имено, во финалето на музичкото шоу, Вики Миљковиќ се појави во црвен краток фустан кој токму е креација на македонскиот дизајнер „ЈЗЈ“. Тој се пофали на својот Инстаграм профил дека соработувал со фолк ѕвездата, а изгледа пејачката е задоволна од крајниот резултат. Инаку, често во „Ѕвездите на Гранд“, Вики добиваше разни коментари за нејзиниот стајлинг и беше негативно критикувана. Дали токму соработката со пејачката ќе биде почеток, Златко да започне соработка со останатите естрадни уметници од српската музичка сцена останува да видиме.

Сораја и Марија Груевска -„на иста адреса“: И српската старлета и македонската пејачка ги (с)облекува ист човек! (ФОТО)

Антонио Димитриевски — Tue, 23 Jan 2018 08:40:13 +0000

Неодамнешното гостување на Сораја Вучелиќ во „А-Ми-Џи“ шоуто на Огњен Амиџиќ предизвика шок, полемики, вчудовидување и лавина од коментари кога српската старлета се појави во креација во која едната града и беше сосема гола, а брадавицата покриена само со залепена апликација.

Веднаш потоа брзо проструи информацијата дека автор на креацијата е Македонец, извесен Златко Јовановски кој е македонски моден креатор во подем!

Атрактивна по изглед, ексцентрична во облекувањето и екстравагантна, со елементи на еротски фетиш во сценскиот настап на последниот „Макфест 2017“, остана запаметена и младата пејачка, Марија Груевска која веднаш го доби прекарот македонска „Лејди Гага“!

Од претходно позната на македонската јавност по учеството во шоуто со неславен крај „На иста адреса“, по појавата на Сораја во „А-Ми-Џи“ со гола града, македонската пејачка и српската стралета дефинитивно се „на иста адреса“... Барем кога е (с)облекувањето во прашање. И едната и другата ги (с)облекува ист човек - споменатиот македонски моден дизајнер Златко Јовановски.

Она (с) во „облекува“ сфатете го условно... Зашто и обете облечени во неговите „ексцентрично-екстравагантни кутур креации“ повеќе се голи отколку облечени.

Сораја и брутално, а нашата Марија... со разголени нозе, бедра, гол грб... но, сепак далеку попристојно од српската старлета!

Како и да е „високата мода“ е „на иста адреса“... Само што, нивото е различно!

Македонецот Златко е „виновникот“ за безобразниот стајлиг на Сораја со голата града надвор!

Слободанка Илиева — Thu, 23 Nov 2017 11:13:01 +0000

Голата града на Сораја иако не беше нешто досега невидено, предизвика доста реакции во јавноста и медиумите откако таа се појави така во шоуто „Ами Џи“, кај Огњен Амиџиќ. Пред три дена Сораја го прослави својот роденден во една српска дискотека, а по тој повод повторно се појави во нејзин стил, со провокативен проѕирен фустан од тантела, дело на младиот македонски дизајнер Златко Јовановски.

Очигледно Сораја го препозна својот сензибилитет кај Златко кој пак веројатно ја најде својата муза за која твори со посебно внимение.