„Живот без стил“: Сергеј Варошлија со жестоки модни критики за Елена Стефановска (видео)

Христина Ѓоргиевска — Wed, 24 Oct 2018 06:57:48 +0000

Во модното издание „Мода“ со Сергеј Варошлија имаме прилика да слушаме разни модни пофалби и критики и за личностите од македонската јавна сцена. Овојпат на мета се најде и водителката на „Живот со стил“, Елена Стефановска, за која модниот критичар не се штедеше и даде жестоки модни критики. Тој коментираше неколку нејзини фотографии.

„Елена, живот без стил. Зошто е без стил?Затоа што „лута“ и се бара самата себеси. Кај неа имаме некоја промена, таа се труди да го минимализира својот изглед и да го доведе до некоја линија на вкусност. Меѓутоа, косата нека биде помазна, нема потреба да се шири главата и да изгледа како „alien“, вели Сергеј. За фотографијата на која Стефановска е покрај автомобил, модниот критичар имаше жестоки критики.

„Овде што е работата, ќе ја рекламирам колата? Па, ако треба вака да ми продадат кола, никогаш нема да купам, дури и гратис ако ми ја дадат бидејќи ќе мислам дека ќе ми го дадат тоа тигресто корсетче, зошто ќе мислам дека ми ја дадат таа сукњичка и тие ужасни чизмички. Вака кола не се рекламира, на таков пат, во ваков стајлинг, не. Ова поминуваше кон крајот на 90тите години“, вели Варошлија.

„Еве го моментот стрлета да будем, еве го моментот да се покажам себеси. Немам јас проблем што Елена сака да биде атрактивна и слатка. Тука имаме тешка модна катастрофа. Тоа фустанче со такви сандали, тоа е најтешка модна катастрофа. Фустанот е многу лош, деколтето ужасно и радиоактивните чевли се ужасни. Ќе беше подобро да се појавеше во некои фини сандали отколку вака седната како „певајка пред работа“, искрено искоментира модниот критичар за фотографијата на која водителката е седна во некое кафуле. Тој исткна дека водителката треба да ги избегнува животинските принтови, бидејќи не одат со неа. Колку и да се модерни, на некои не одговараат.

Дефинитивно на Варошлија не и допадна и модната комабинација на фотографијата на која Стрефановска позира со куфер. „Овде ќе оди на пат за Европа, ќе те вратат од Европа бидејќи си облечена во кеса за ѓубре. Ова изгледа лошо, како улична мода од некое друго време, ова не е трендовски“, вели Сергеј.

Дали Елена ги видела коментарите и дали ќе ги послуша советите не знаеме, но останува да видиме кој е следниот што ќе се најде во емисијата „Мода“ и дали ќе добие позитивни или негативни коментари. https://www.youtube.com/watch?v=qnEK-cK9HLw фото: принтскрин

живот без стил – Вистина.мк

„Живот без стил“: Сергеј Варошлија со жестоки модни критики за Елена Стефановска (видео)