Дали сте подготвени да живеете заедно со партнерот: Одлуката зависи од овие 3 работи

Христина Ѓоргиевска — Wed, 09 Mar 2022 13:30:04 +0000

За некои теми, како што се финансиите и распределбата на одговорностите, партнерите треба детално да разговараат пред овој важен чекор. Пред да се преселите со партнерот, важно е да се разговара за практичните и емоционалните аспекти на заедничкото живеење, нагласуваат брачните терапевти. Нивната препорака е пред овој важен чекор детално да се разјаснат одредени теми, како што се финансиите, чувствата и распределбата на обврските. Како што велат, првото нешто што треба да го земете во предвид е доследноста во однесувањето – едноставно треба да знаете што и во која ситуација можете да очекувате од партнерот. Доследноста се однесува на склоноста на луѓето денес да се однесуваат на начин што одговара на некои минати одлуки или однесувања. Овој индикатор е од витално значење, бидејќи без него едноставно не можете да му верувате на партнерот, а тоа е предуслов за заеднички живот. Соодветно на тоа, ова се три работи што треба да ги проверите пред да почнете да го делите вашиот животен простор.

Поделба на одговорности

Ако добро ви поминаа разговорите за распределбата на обврските и финансиите, тогаш сте подготвени за заеднички живот. Дискусиите на овие теми се одличен начин да се оцени и својата и способноста на вашиот партнер да се договорите и да правите компромиси.

Доволно долго сте заедно

Пред да се вселите, терапевтите препорачуваат да поминете значајно време заедно, со цел точно да ја процените доследноста во однесувањето на вашиот партнер.

Се чувствувате удобно кога го делите просторот дури и кога ќе дојде до расправија

Експертите истакнуваат дека меѓу партнерите треба да има високо ниво на опуштеност, дури и кога има несогласувања. Затоа што ако живеете со саканата личност, ќе мора да го делите просторот дури и кога сте вознемирени, изнервирани или не се согласувате. извор: попара.мк

Зошто треба да живеете заедно пред да стапите во брак?

Христина Ѓоргиевска — Thu, 12 Aug 2021 12:21:26 +0000

Иако сте со години во врска, ќе го запознаете вистинското лице на партнерот откако ќе почнете да живеете заедно. Некои навики, особини и потреби се откриваат само во заедничкиот живот. Затоа, паровите коишто живеат додека се во врска имаат поголема шанса да функционираат поубаво откако ќе стапат во брак. Според американскиот Национален центар за истражување на семејства и бракови, 66% од американските брачни парови живеат заедно пред да го кажат судбоносното „да“. Oва се неколку причини кои укажуваат на тоа дека заедничкиот живот пред брак е корисен за вашиот однос:

Финансии

Ако сте заедно, но и двајцата ги плаќате посебно вашите сметки, тогаш зошто не ги поделите за да заштедите пари? На тој начин ќе видите како вашиот партнер планира и раководи со финансиите.

Се зголемува интимноста

Интимноста е уште една причина зошто луѓето размислуваат за заеднички живот пред брак. Луѓето сакаат да минуваат квалитетно време со партнерот и да се запознаат уште подобро.

Нема да се плашите од брак

Влегувањето во брак е сериозен чекор за кој треба многу труд и љубов. Овој чин е стресен, па затоа е најдобро да почнете да живеете заедно пред брак.

Може да биде добро за вашето здравје

Ако живеете сами ќе се чувствувате осамено, а тоа е лошо за вашето здравје. Затоа, ако не сте подготвени за посериозен чекор, но сакате подобро да го запознаете партнерот и да живеете заедно, размислете да се преселите кај него. извор: Кајгаан

живеете – Вистина.мк