жири – Вистина.мк

Андријана Петрушовска како божица во шестиот круг од „Ѕвездите на Гранд“: Возбудливо издание на македонското девојче од кое секој сака да ѕирне што крие наметката (фото)

Слободанка Илиева — Fri, 01 Mar 2024 10:44:53 +0000

Атрактивна, харизматична, егзотична, а пред се’ талентирана, дарена од Бога со моќен глас кој не остава рамнодушни за да посакаат да ја слушаат повеќе, па дури и Саша Поповиќ кој и оваа година ја повика да се натпреварува повторно. Младата 24 годишна скопјанка Андријана Петрушовска втора сезона по ред го плени регионот од сцената на регионалното музичко шоу „Ѕвездите на Гранд“. Минатата година беше финалистка и за влакно не допре до триумф, но оваа сезона како што тргнале нештата досега, Андријана е на добар пат овој пат да успее. Секое нејзино појавување се очекува да биде, и е вистинско вокално доживување, а богами и визуелно. Атрактивната Македонка е празник за уши и очи, а секое следно издание таа умее секогаш да биде на висина на задачата. Жирито воопшто не се мисли и не ги штеди дланките да стисне тастер и да и даде глас, па и сега таа стигна до шестиот круг кој гледачите допрва ќе имаат можност да го гледаат на телевизија. Она што Петрушовска ќе го пее овој пат и каков е нејзиниот музички избор и на менторот Мили, засега е непознато, но она што се знае е дека Андријана ќе изгледа како божица – македонска божица!

View this post on Instagram

A post shared by Andrijana Petrusovska (@andrijanapetrushovska)

На нејзиниот Инстаграм профил таа го најави следното претставување на големата сцена на „Гранд“, а наедно најави и нови почетоци кога сценскиот стајлинг е во прашање. -Задоволството и самодовербата уште посилни заедно со Елена Лука и тимот на професионалци со кои започнуваме една нова и успешна приказна! Рефлексијата е очигледно блескава, кога си опкружен со професионалци!- нашиша таа во описот најавувајќи ја соработката со најголемата македонска модна куќа која безрезервно им дава поддршка на младите музички уметници и голем дел од познатите Македонки во шоубизнисот. А кога оние што најдобро си ја знаат работата, ќе земат се' во свои раце кога модата и инспирацијата е во прашање, а моделот е и повеќе од совршен и инспиративен, резултатот е токму таа блескавост на сцена. Изборот падна на дводелна впечатливо црвена комбинација која ја истакна нејзината витка манекенска става, а е сочинета од свилено макси здолниште и топ со долги ракави украсен со златни детали под градите. Минималистички, но ултра впечатливо, но и со возбудлива нота од богатата и раскошна црвена наметка која веројатно ќе открие што се крие под неа од втората песна. Круната на главата како детаљ беше совршеното надополнување дека Македонија има кралица на сцената на „Ѕвездите на Гранд“ со која ќе се гордее. Она што веќе го видовме визуелно како најава преку слика, останува да слушнеме и како ќе се спои со моќниот вокал кој не се сомнемаме и без резерва да прогнозираме дека ќе ја однесе понатаму како и досега. фото: Instagram printscreen/ andrijanapetrushovska

Откако ја замени Бекута во „Ѕвездите на Гранд“, Кеба откри: „Предлогот на сите беше да…“ (видео)

Слаѓана Атанасова — Tue, 20 Feb 2024 12:52:02 +0000

По долга пауза продолжи снимањето на Ѕвездите на Гранд, а на изненадување на многумина, покрај Сања Кужет, која беше сменета, привремено беше сменета и Ана Бекута поради обврски. На нејзиното место неколку емисии ќе седи нејзиниот колега Драган Којиќ Кеба, кој ги откри деталите. Кеба за медиумите откри дали е подготвен да ги оценува кандидатите и колку долго ќе биде дел од жирито. - Се разбира, зошто не би бил подготвен? Тоа не е долга приказна. Мојата драга колешка и пријателка Ана Бекута нема да биде тука некое време. Некако ние двајца сме компатибилни за многу музички прашања и теми. Така, предлогот на сите беше да ја заменам некое време, тука сум и толку – рече тој. Кеба откри дали има фаворит меѓу кандидатите и истакна дека навистина се труди да им пренесе знаење онолку колку што е потребно. - Има, но не би сакал никого да издвојам, бидејќи како што сакам да кажам „Кога се изведува пенал, односно кога се игра натпревар, тоа е најважниот момент“, но на пробите бев навистина пријатно изненаден. Го снимив со мојот телефон да го слушам и за тоа кратко време мислам дека успеав да им ги пренесам емоциите и знаењето во добра мера, колку што е потребно - рече тој и додаде: - Сите се млади, од осумнаесет до дваесет и пет години. Го знам тој период бидејќи и јас тогаш се натпреварував во Лозница. Додуша, сето тоа беше помалку од ова, но однесувањето е главно исто на сцената. Тоа е истата нервоза, истото трепкање, истите желби. Сигурен сум дека додека да бидам таму, ќе им помогнам. Во секој случај, како колега, низ сеќавањето на тоа време кое многу добро го познавам. Преку знаење има само две работи, енергија и знаење што можам да ги пренесам затоа што учив и од постари, поискусни луѓе и сл. фото: printskrin/Youtube

Македонска доминација во „Ѕвездите на Гранд“: Мики и Андријана покажаа дека победата повторно може да биде наша (видео)

Слободанка Илиева — Mon, 12 Feb 2024 11:47:00 +0000

Жирито на „Ѕвездите на Гранд“ не ретко знае да каже дека Македонија е најплодната почва на музички таленти, па дури и дека им е чудно да сретнат Mакедонец кој не знае да пее. Оваа сезона на шоуто како и останатите претходни имаме кандидати со импресивни настапи кои секогаш оставаат силен впечаток, го освојуваат жирито, а и регионалната публика.

View this post on Instagram

A post shared by Andrijana Petrusovska (@andrijanapetrushovska)

Во измината и најнова емисија на сцената настапуваа тројца македонски кандидати: Мелиса Зијадиќ, Мики Секуловски и Андријана Петрушовска. Комплетна доминација на сцена направија најпрвин Мики со освоени шест гласови за директен пласман, а по него при крајот на шоуто пееше и Андријана. Атрактивната црнокоса исто така имаше инпресивен настап со изведбата на „Црно и бело“ од Калиопи каде уште еднаш покажа дека за неа вокално нема преголем залак, па повторно се пласираше директно во следниот круг. Мелиса за разлика од нив оваа емисија немаше наклонетост од жирито, а особено доби модна критика дека направила лош избор, за неа не и беа позитивни коментарите ниту околу комплетната изведба.

View this post on Instagram

A post shared by MELI (@melisazijadic)

Мики Велики, како што го нарекуваат уште еднаш ја затресе сцената со својот моќен вокал, рокерскиот став и избор на песни со кои постјано докажува дека најмногу му лежат.

View this post on Instagram

A post shared by Miki Sekulovski (@mikisekulovski)

Андријана пак, како минатогодишна финалистка, очекувано добива ласкави коментари и тоа дека таа е комплетен пакет на сцена каде што се чувствува самоуверено и искусно.

View this post on Instagram

A post shared by Podrška Takmičarima (@podrska_takmicarima)

Македонија од претходните сезони имаше двајца победници, Ристе Ристески и Славица Ангелова, па ако судиме од излагањата на жирито, а и од оние на публиката на социјалните мрежи, Мики и Андријана се новите победници без да се оди во понатамошните кругови до финале. Со нивните настапи секогаш изгледа како да е финале, а македонската публика може да биде горда на своите претставници кои гризаат најјако. Настапот на Мики можете да го погледнете од видеото на 1:53, додека на Андријата од 2:14 минути. фото:Instagram printscreen/ podrska_takmicarima andandrijanapetrushovska/ You Tube printscreen/ /Zvezde Granda/ mikisekulovski

Андријана Петрушовска го скара жирито на „Гранд“: За едни врескаше како да се кара додека пее, беше надвор од интонација и фалшираше, за други блескаше и беше никогаш подобра“

Антонио Димитриевски — Wed, 24 Jan 2024 08:36:28 +0000

Македонската учесничка во “Ѕвездите на Гранд“, атрактивната Андријана Петрушовска со својот настап во последното издание ги скара членовите на жирито на најпознатото регионално музичко шоу. Имено, по нејзиниот настап изби жестока полемика, каде најмногу во клинч влегоа нејзиниот минатогодишен ментор Ѓорѓе Давид и овој сегашниот, Александар Милиќ Мили. Андријана инаку се најде во дуел со Вања Јовановиќ која доаѓа од тимот на Снежана Ѓуришиќ, а конечниот резултат гласеше 4:3 за нашата кандидатка. Но нејзиниот настап не помина без кавга и радикално поделени мислења меѓу членовите на жирито. Така на пример, Марија Шерифовиќ овој пат не беше воодушевена со изборот на песните на атрактивната Македонка, а нејзиниот настап го оцени како просечен, истакнувајќи дека во претходниот круг била далеку подобра: „Песната 'Море од пелин' е мојата омилена баладна, но ти викаше. Ниту ја доживеав ниту почувствував, ништо не се случи. Викаш како да се караш, правиш чуда.И втората песна не ти легна, имаше фалшеви.Тоа се причините зошто не гласав вечерва“ - изјави Марија за Андријана, а Цеца Ражнатовиќ го сподели со неа своето мислење. „Беше надвор од интонација, но од друга страна ми блескаше“ - додаде таа. Ана Бекута пак, ја пофали Андријана: „Се гледа колку ја познаваш оваа работа. Те слушав на една прослава, пееше се', од Силвана до Нирвана. Браво Андријана! Мојот глас секогаш ќе го имаш“ - и порача Бекута. Вики Миљковиќ откако го преиспита своето мислење и го спореди со она на колегите, само кусо порача: „Мене Андријана ми беше никогаш подобра. Ти имаш став, појава си“ - и рече Вики! Последниот збор го имаа менторите, кои за малку што не се фатија за врат, откако Мили тврдеше дека дури под негова закрила Андријана пропеала онака како што треба! На тоа жестоко реагираше Ѓорѓе Давид, кој демантирајќи го колегата, тврдејќи дека Петрушовска токму најдобрите настапи ги имала кога била кај него во тимот, потсетувајќи ги сите на нејзиниот настап во полуфиналето, кога ги пееше песните на Марија Шерифовиќ и Јелена Карлеуша, кога како што рече, со својот стајлинг и интерпретација тогаш ги надминала сите. “Тоа беше врвот на врвовите и не верувам дека некој ќе го достигне со неа“ - рече Ѓорѓе, по што Мили се најде повикан.Страстите во студиото се разбрануваа, но „клинчот“ го спречи Шерифовиќ:„Саша прекини ги овие глупости“ - му рече Марија на крајот. Настапот на Андрија погледнете го на 59.00 минута од видеото...

Вака изгледа сопругата на Ѓорѓе Давид: Имаат ќерка, живеат на различни адреси а таа е 18 години помлада од него (фото)

Слаѓана Атанасова — Mon, 22 Jan 2024 07:36:19 +0000

Пејачот и член на жирито во „Ѕвездите на Гранда“, Ѓорѓе Давид се најде во центарот на медиумското внимание поради сообраќајната несреќа што ја имаше вчера во Македонија, во која загина едно лице. Семејството на познатиот пејач, кое го сочинуваат неговата сопруга и ќерката, веројатно се многу загрижени за него со оглед на тоа дека му е забрането да ја напушта Македонија. Ѓорѓе Давид сѐ уште е во Македонија, а според неофицијални информации ќе остане тука до завршување на целата истрага. На Ѓорѓе Давид му бил направен алкотест и било утврдено дека не бил под дејство на алкохол. - Бев сам во автомобилот. Ми земаа урина, крв да видат дали имам супстанци, алкохол. Се разбира, немав, веднаш го открија тоа. После тоа ме однесоа кај јавен обвинител кој посочи дека немам никаква вина во овој случај. Виновникот наводно е девојката која возела и која наводно била во автомобилот со нејзината мајка која настрада - кажал Ѓорѓе и додал дека засега престојува во Македонија за да ја почитува процедурата во вакви случаи. - Морам да бидам тука. Ме чека уште една изјава, а како што ми рекоа од обвинителството, нема да бидам во притвор бидејќи не сум виновен - истакна Ѓорѓе и додаде дека сѐ уште не може да си дојде на себе. Инаку, Ѓорѓе Давид е постојан член на жирито на популарниот натпревар „Ѕвездите на Гранд“, пејачот претходно изјави дека станал татко дури на 50 години и дека се кае поради тоа.

View this post on Instagram

A post shared by Djordje David Nikolic (@djordje_david)

Пејачот претходно за „Блиц“ изјави дека тој и неговата сопруга Ана живеат на две адреси. - Не живеам со семејството, во еден стан сум, а во друг Ана е со детето. Кај нас се е во ред, жена ми ја сакам најмногу на светот, но поради одредени животни околности моментално сме разделени, додека не го решам станбеното прашање - открил во интервју Ѓорѓе Давид. Инаку, Ана е 18 години помлада од Давид. А неодамна откри дека на роденденот на својата избраничка објавил два албума. Фото: printskrin/instgaram/djordje_david

Македонскот дуел предизвика раздор во „Ѕвездите на Гранд“: Андријана Петрушовска и Мелиса Зијадиќ го ставија жирито на тешки маки (видео)

Слободанка Илиева — Mon, 18 Dec 2023 10:11:55 +0000

На жирито од „Ѕвездите на Гранд“ им е добропознато дека кога на сцената ќе застанат напретварувачи од Македнија, тогаш важи правилото дека никој нема да остане рамнодушен. За познатите судии важи тоа дека Македонците се најталентираната нација за пеење и дека кај нас „нема“ некој што не е од Бога надарен за пеење. Во најновата емисија на популарното шоу во дуел се најдоа две Македонки, скопјанката Андријана Петрушовска и Мелиса Зијадиќ од прилепско Лажани. Овој спој очекувано не беше нималку лесен за оценка, особено затоа што Андријана е веќе проверено импресивен кандидат од претходната сезона кога беше во финале, а помладата Мелиса исто така одлична надежна ѕвезда која допрва ќе се истакнува. Одлука за тоа која е подобра, сепак мораше да има. Претходното претставување, Петрушовска заврши во бараж, што беше апсурд со оглед на тоа дека минатата сезона била финалист, а сега се тоа поради изборот на песните со кои се претстави. Овој пат нештата завршија поинаку, а Андријана се пласираше директно во следникот круг со освоени пет гласа, додека Мелиса иако минатиот пат беше една од најпофалените, сега заврши во бараж со три гласа. Жирито со поделени и различни мислења. Марија Шерифовиќ предложи на Ѓорѓе Давид да му се одземе правото на глас бидејќи секогаш е наклонет на Македонците. -На Ѓорѓе одземете му го правото, не мора да гласа во оваа емисија, предложи таа. Шерифовиќ сметаше и дека Вики не мора да коментира, но таа не остана без збор и оценка за двете. -Петрушовска, многу добро изгледаш, модерна си, добро пееш, а ова дете освен што е слатка, пее како ангел, кажа Вики. Беше тензично и напнато се’ до самиот крај, бидејќи ова беше важен круг кога шоуто преминува во друга фаза. Имено, секој од учесниците кои поминаа во бараж, меѓу кои и Мелиса, мораа да добијат свој ментор, а исто и останатите. Па така, ментор на Андријана од следните емисии ќе биде Александар Милиќ- Мили, додека Цеца Ражнатовиќ ќа и помага и ќе ја подучува Мелиса Зијадиќ. Како изгледаше ова погледнете од целосната емисија во продолжение на 2:03 фото: Instagram printscreen/ andrijanapetrushovska/ melisazijadic/ You Tube видео: Zvezde Granda

Велешанецот Мики Секуловски со моќната интерпретација ја оддува сцената на „Ѕвездите на Гранд“: „Како тебе не бил ниеден досега“ (видео)

Слободанка Илиева — Mon, 20 Nov 2023 09:06:36 +0000

Оваа тековна сезона на регионалното музичко шоу „Ѕвездите на Гранд“, Македонија повторно има потенцијален кандидат за победа на кој уште сега му се наклонети членовите на жирито. Станува збор за велешанецот Мики Секуловски(36) кој уште еднаш со својот моќен вокал предизвика ураган на сцената. Мики го импресионираше жирито со изведбите на „После сите овие години“ на „Бело дугме“ и „Алфа Ромео ГТА“ на Дадо Топиќ. Секуловски веќе искусен на сцена од шоуа за таленти каде настапувал неколкупати, овој пат уште поискусен, посигурен и посамоуверен. Жирито очекувано воодушевено од она што имаше прилика да го види и слушне, а особено Ѓорѓе Давид, кој иако не е ментор на Мики, беше највозбуден. Откако ги освои сите шест гласови, следеа и ласкавите коментари, паднаа и прегратки и бакнежи. Ѓорѓе Давид отиде на сцена и го прегрна Мики, а не ја заобиколи ниту Цеца како негова менторка, па ја бакна. -И сега ќе ме „пресечете“ затоа што треба да излезам да бакнам Македонец. Никој никогаш не се осмели да ја пее од Топиќ оваа песна што ја избра. Ти благодарам за тоа, навистина уживав - рече Ѓоле, а Саша Поповиќ му даде сугестија: - Да сум јас на твое место, ќе дојдам да ја бакнам Цеца како негов ментор - рекол Поповиќ, а Ѓоле притрча и ја бакна Цеца. - Па што е, пееше човекот, а не јас? – праша Цеца и објасни: - Рече дека добив бисер, а јас велам кошница со бисери. - Одам да го гушнам мојот кандидат - рече Цеца и излезе на бината. Марија Шерифовиќ пак, можеби го даде она најласкавото за Мики. Имено, таа направи споредба меѓу досегашните рокери учесници на „Гранд“, а Секуловски го издвои како најдобар досега. - Овде имаше неколку рокенрол изведувачи кои оставија трага. Исак, Ханад, Јосифовски. Вие сте убедливо најдобри кога станува збор за музика, беше видувањето на Марија која важи за еден од најстрогите, но и најреалните членови на жирито. Се’ на се’ Мики Секуловски ја оддува сцената и жирито на „Гранд“, така што од неговите следни изведби ќе се очекува истото, ако не и повеќе. Во продолжение од видеото на 1:50 погледнете како изгледаше целото тоа: фото:Јутјуб принтскрин/Ѕвездите на Гранд

Таа сега е единствен женски кандидат во „Ѕвездите на Гранд“ од Македонија, а претходно беше близу до победа: Реакциите на жирито за настапот на Андријана Петрушовска поделени, а оценките сосема неочекувани (видео)

Слободанка Илиева — Mon, 13 Nov 2023 08:12:42 +0000

Минатата сезона од талент шоуто „Ѕвездите на Гранд“, атрактивната и талентирана 24 годиншна кандидатка од Скопје, Андријана Петрушовска стигна до финале. Тогаш под менторство на Ѓорѓе Давид Андријана најчесто избираше поп-рок песни и важеше за една од најдобрите натпреварувачи, па така се испостави до самиот крај кога победата и изгега за влакно. Оваа нова и тековна сезона Андријана се реши повторно да се проба, ако ништо друго барем за реклама и константна актуелност на ТВ екраните од најгледачиот музички формат. Па така, сега во сосема поинакво светсло, од стајлинг и музички избор, Петрушовска застана да пее пред жирито на Гранд и тоа во дуел со Шејла Зониќ (29) Од Тузла која беше воодушевувачко музичко откритие на вечерта. Иако беше вокално феноменална, Андријана за разлика од минатата сезона кога ги собираше сите 6-ки, сега во силната конкуренција освои само еден глас. Таа сега беше во тимот на Цеца Ражнатовиќ и се претстави со песните: „Златен ден“ и „ Иванова Корита“. Саша Поповиќ истакна дека ова е интересен и пред се квалитетен дуел, бидејќи и двete кандидатkи буквално „го срушија“ студиото. Сепак, со оглед на оценките, мислењето на жирито во однос на македонската кандидатска беше поделен. Прва се огласи Ана Бкута која и порача дека требало попаметно да одбира песни. Мили пак и кажа дека се подобрила од минатата сеозна што ја изнервира Вики Миљковиќ, која тврди дека Петрушовска минатата сезона била во финалето и дека е маестрален кандидат, а ваквите коментари се излишни за некој што бил во финале. Повторното појавување на Андријана предизвика полемика меѓу членовите на жирито, а Саша Поповиќ реши да открие зошто направил преседан во нејзиниот случај. - Таа е единствената избрана кандидатка која беше во финалето, а се уште е во конкуренција. Тоа го направивме во последен момент, откако еден кандидат отпадна. Ова беше преседан. Имаме многу девојки од Србија, Црна Гора и Босна, но само таа од Македонија - објасни тој, по што Бекута додаде дека Петрушовска е одлична кандидатка, но дека вечерва имала сериозен противник. По долгата дискусија која траеше подолго од пеењето, Андријана Петрушовска со еден глас замина во бараж, но таму ќе беше апсурд ако отпаднеше, а разбирливо се случи она што требаше – одлука да ја гледаме повторно. фото: Grand.nova.rs/Grand Online printskrin

Мелиса од прилепско Лажани го остави без здив жирито во „Ѕвездите на Гранд“: „Блазе мајка што те родила!“ (видео)

Слободанка Илиева — Wed, 01 Nov 2023 10:04:51 +0000

Во изминатите сезони на регионалното музичко шоу „Ѕвездите на Гранд“ секогаш имало македонски кандидати кои воодушевувале, стигнале до финале, па имаме дури и двајца победници – Ристе и Славица. На жирито од „Гранд“ им е јавно дека Македонија е плодна со таленти, но секој следен е изненадување на кое гледаат со импресии. Уште еден таков случај е 18 годишната Мелиса Зијадиќ од прилепското село Лажани. Мината сабота жирито се воодушевуваше на велешанецот Мики Секуловски, а на последната емисија тоа беше пример и со талентираната Мелиса. Како што откри Саша Поповиќ, Мелиса била единствената натпреварувачка која оваа година ја поминала аудицијата во Скопје. Откако го скрши мразот во „Ѕвездите на Гранд“, талентираната Македонка застана пред камерите на „Гранд“ и откри како се чувствува по првото појавување на големата сцена. -Искрено сте збунети кога првпат стапнувате на оваа сцена, но потоа лесно се вклопувате во се’. Мене ми беше убаво и се надевам дека така беше и со останатите кандидати – изјавила Мелиса, а потоа открила во чиј тим сакала да биде. - Сите во жирито ги сакам и почитувам, сите се добри, но Цеца ја претпочитам како ментор. Многу ја сакам нејзината песна и мислам дека ние две добро би си одговарале. Малкумина знаат дека Зијадиќ е од селото Лажани, од каде потекнуваат двете музички легенди Јашар и Ипче Ахмедовски. - Јашар е единствен, па се надевам дека еден ден ќе имам таква кариера. Го запознав и ме слушна како пеам, многу ме пофали. И голем поздрав за него - гордо признала за „Гранд“, а потоа открила дека голема поддршка во нејзината одлука да стане дел од најгледаното музичко натпреварување во регионот, освен семејството, и биле школските другари. - Одам на училиште, другарите знаат дека сум во „Ѕвезде Гранда“ и имам голема поддршка од нив! Оваа сабота Снежана Ѓуришиќ остана без зборови кога го слушна настапот на талентираната Мелиса. - Само ќе и кажам на Мелиса благослов на мајката која те роди, ти си најубавото нешто што сум го слушнала оваа сезона што се однесува до моите уши. Девојката број два беше добра, но ова е едноставно нешто што ме фасцинираше и би била виновна доколку останеше со Ѓорѓе - истакна Снежана, а на комплиментите се приклучи и Марија Шерифовиќ. - Имаше многу млади девојки кои пеат народни песни откако јас седам овде, но оваа девојка е многу веројатно една од најдобрите што ги пее. Стилски за твоја возраст, тоа го правиш многу добро, но еден совет - не се чувствуваш добро во тој костим и тие штикли и се покажува, не ставај се во ќор-сокак, биди своја, ја советуваше Марија, а веруваме дека во тековната сезона ќе гледаме уште многу настапи на Мелиса. Нејзининото претставуње од најновата саботна емисија можете да го погледнете од видеото на 1:56:43 фото: јутјуб принтскрин Ѕвездите на Гранд/ Инстаграм Мелиса Зијадиќ

За македонската јавност подзаборавен, а во „Ѕвездите на Гранд“ пејачиште за кој „паѓаат во несвест“: Жирито под силни импресии од велешанецот Мики Секуловски (видео)

Слободанка Илиева — Tue, 24 Oct 2023 07:34:49 +0000

Во изминатите сезони на регионалното музичко шоу „Ѕвездите на Гранд“ секогаш имало македонски кандидати кои воодушевувале, стигнале до финале, па имаме дури и двајца победници – Ристе и Славица. На жирито од „Гранд“ им е јавно дека Македонија е плодна со таленти, но секој следен е изненадување на кое гледаат со импресии. Уште еден таков случај е 36 годишниот велешанец Мики Секуловски кој изминатата саботна емисија настапи во дуел со Перица Вељковиќ (19) од Белград и со својот извонреден талент покажа дека рокенролот може да го победи фолкот и на популарната Гранд сцена и ги воодушеви сите. Мики првин се претстави со „Сонце за три светови“, од Џафер, а потоа и со легендарниот хит „Не зови мама доктора“ од „Прљаво Казалиште“ и освои шест гласови, додека 19-годишниот Перица доби само еден глас и немаше шанси во дуелот со него. Мики со својата неверојатна енергија ги освои сите и заврши во тимот на Светлана Цеца Ражнатовиќ кој Саша Поповиќ ја праша дали би сакала да го менува овој свој кандидат со некој од тимот на Александар Милиќ Мили, по што пејачката како од пушка му одговори: „Ни мртва“, му кажа Цеца на Саша и ги насмеа сите во студиото, не криејќи го задоволството што Мики е во нејзиниот тим. „Добро дојде во тимот. Големо задоволство ми е, пееш прекрасно“, му порача, а Саша потоа ги откри своите импресии од Мики. „Кога бев на аудиција во Скопје, Мики беше далеку најдобар кандидат. Беше и Ѓорге таму да го потврди тоа. Нема потреба да криеш колку години имаш, имаш сосем доволно години колку требаш да имаш за овој натпревар. Со 36 години заслужи да се најдеш на оваа сцена“, му порача Поповиќ, а потоа неговиот настап го коментираше и пејачката Марија Шерифовиќ. „Пееш фантастично, го држиш вниманието, знаеш како да е однесуваш, сé ти верувам. Се надевам дека и приватно си кул колку што мислам дека си додека ова ни го изведуваше, Постојат некои млади пејачи кои страшно пеат, ни фрлаат магија, а на крајот ќе излезе дека се вистински г*мна“, истакна Шерифовиќ. Исто така и останатите членови на жирито имаа ласкави коментари за Секуловски, а Ѓорѓе Давид се надоврза дека Александар Јовановски има силна конкуренција. „Така се пее во Македонија“, заклучи Ѓорѓе, а Саша го праша натпреварувачот каде бил досега, на што Мики одговори: „Се занимавав со музика, но изминатите пет-шест години не. Бев во Белгија, работев како келнер“, одговори тој. За потсетување, Мими Секуловски беше еден од најдобрите учесници во македонскиот Идол, а потоа издаде неколку песни и спотови, а наспатуваше и по клубови. Очигледно тогаш нештата не се случуваа во вистинско време, а се надеваме дека сега е вистинското за да се поклопат коцките како што веќе тргнало. Само напред Мики! фото: Grand Online printscreen