женски – Вистина.мк

Нема да верувате што е новиот женски предизвик на социјалните мрежи: Хартијата, навистина трпи се’… (ФОТО)

Антонио Димитриевски — Wed, 29 Apr 2020 09:11:44 +0000

Во карантинот, очигледно најзодевно им е сепак на жените. Тоа го потврдува и најновиот предизвик, што е уште пошокантен од оној со перниците. Имено, после перници и ќебиња, жените излегоа со идеја да се сликаат во „фустани“ изработени од хартиени кеси. Идејата е иста како и минатиот пат, дамите „да се облечат“ или барем делумно да го покријат телото со она што го имаат по дома. А, хартиени или пластични кеси, има најмногу. Кесите се од многу благодарен материјал бидејќи од нив е лесно да се направи каков и да било кус или долг фустан, со спојување на две или повеќе кеси. Постојат различни идеи, па некои припаднички на понежниот пол ги користат рачките како ленти, додека некои само ги завиткале хартиените кеси околу себе. Зашто, хартијата навистина трпи се' ! Реакциите се многу различни, од оние инспиративнини, до целосно разочарувачки, но како што се очекуваше, мажите го „поплочуваат патот“ со комплименти... какви тие и да се!

Очекувате бебе? Погледнете ги овие популарни латински женски имиња со силно значење!

Слободанка Илиева — Thu, 05 Sep 2019 12:00:02 +0000

Одбирањето име за дете е голем предизвик и одговорност за родителите. Потребно е да им се допаѓа и на мајката и на таткото, но и на детето кога ќе порасне. Во екот на модерни имиња, понекогаш добро е да побараме инспирација и во корењата. Токму затоа и ги споделуваме овие латински имиња со вас чие длабоко значење може целосно да ве освои. 1. Адријана Доволно е само еднаш гласно да го изговорите ова име за да чуете колку убаво звучи, Женската варијанта од латинското име Адриан значи некој што доаѓа од Адрија. Ако сакате слатки прекари, тука ќе имате многу избор. 2. Клаудија Ова име доаѓа од зборот „клаудус“ што во превод значело хром. Голем број римски фамилии го користеле името Клаудиус кое било извадок од ова. 3. Стела Стела доаѓа од истоимениот латински збор што во превод значи ѕвезда. Прекрасно име за вашето мало ѕвездиче. 4. Луција Ова име доаѓа од латинскиот збор „лукс“ што во превод значи светло или сјај. Луција е прекрасно и безвремено име за девојче. 5. Валерија Потеклото на ова име доаѓа од латинскиот збор „валерианус“ што во превод значи силна, моќна и здрава жена. 6. Оливија Ова име е инспирирано од латинскиот збор „оливариус“ или „оливерус“ што во превод значи маслиново. Тоа е симбол за надеж, па некогаш се преведува и како „онаа што носи надеж“. 7. Вера Иако името звучи малку словенско, тоа доаѓа од латинскиот збор „веритас“ што во превод значи вистина. Прекрасен избор за мало девојче. 8. Лара Лара доѓа од латинските зборови „лар“ и „ларис“ што бил називот за римските домашни богови – заштитници на куќата. Со други зборови, значењето на Лара е заштитничка. извор:кафепауза.мк

Женски сексуални соништа и нивното значење

Љупчо Најчевски — Wed, 18 Jul 2018 07:39:14 +0000

Дали ви се случило да се разбудите со насмевка на лицето, задоволни од синоќешното сексуално искуство, но неколку секунди по отворањето на очите да сфатите дека тоа било само сон? О, не! Само кога ќе помислите на нештата кои сте ги правеле, ви се зацрвенуваат образите. А, кога кон нив ќе го додадете и фактот што другата личност била вашиот пријател/ вашиот шеф/дечкото на ваша пријателка/згодната инструкторка по фитнес, ви доаѓа да си го скриете лицето од срам. Не се засрамувајте, не паничете, не драматизирајте. Нема ништо лошо во тоа да имате секс со личност која не е ваш партнер, но само додека тоа е во светот на соништата. Всушност, сексуалните соништа не ги одразуваат вашите реални сексуални побуди, но можат да ви соопштат важни информации за вас и вашиот карактер, кои можеби свесно не би ги откриле. Првото прашање кое ви паѓа на ум по една таква возбудлива ноќ веројатно е: „Што значи мојот сон?“. Дали тој навестува дека имате чувства кон личноста која ја сонувавте, или ја претскажува вашата иднина, или пак, вади на површина некоја ваша скриена сексуална фантазија? Сексуалните соништа ги рефлектираат вашите желби, амбиции, грижи, стравови, па дури и чувствата кои ги потиснувате во себе и со кои се плашите да се соочите во реалноста. Секоја личност со која сте имале секс во соништата ви испраќа различна порака.

Секс со бившиот

Поранешните партнери се многу популарни актери во женските соништа. Бившиот може да ја добие главната улога во вашите соништа и да предизвика сомнеж дали навистина сте го преболеле или дали можеби треба да му дадете втора шанса или... Стоп! Застанете тука, затоа што насоката во која се движите е погрешна. Вратете се назад и наместо да мислите на бившиот, фокусирајте се на чувствата од сонот. Независно дали првото нешто кое ви доаѓа на памет е страста, возбудата или одличната комуникација, сфатете го тоа важна порака. Бившиот е тука, на вратата на вашите соништа, за да ве потсети што ви недостига во реалноста. Го сонувавте бившиот од средно или од факултет? Тој ја симболизира слободата што сте ја имале пред да стапите во брак, пред да се вработите и да имате стотици обврски секој ден. Имавте секс со поранешното „лошо“ момче? Тоа значи дека ви недостига авантура и спонтаност во вашиот љубовен живот. Најчесто овие соништа се појавуваат кога вашата моментална врска ќе стане рутинска или за време на сушен период. Сметајте го сексот со бившиот за предупредување дека врската ви е во опасност и дека треба да направите нешто за да ја спасите од монотонијата.

Секс со шефот

Упс, незгодно нели? Да се забавувате со шефот цела вечер може само да ве натера да земете слободен ден за да не го гледате неговото лице, но тоа нема да ви помогне. Можеби шефот ве привлекува и во реалноста, но може и да ви е одбивен, тоа не е важно. Сонот во кој имате секс со шефот значи дека копнеете да имате поголема контрола над нештата кои се случуваат во вашиот живот. Сакате да станете поавторитетни и сте свесни дека поседувате лидерски способности, но не ги покажувате доволно.

Секс со колега/пријател

Како да се појавите на работа пред колегата со кого синоќа го делевте истиот кревет? Како да го погледнете вашиот пријател в очи, кога претходната вечер ве бакнуваше по целото тело? Наместо да кревате паники и да бегате како избезумени од него, размислете која црта од неговиот карактер најмногу ви се допаѓа. Запрашајте се со што тој се издвојува од другите. Можеби вашиот колега е миленик на шефот, има неверојатни ораторски вештини или едноставно е преамбициозен и целосно посветен на кариерата. Можеби вашиот пријател е екстравертен и дружељубив или никогаш не дозволува озборувањата да допрат до него. Штом таа личност шета низ вашите соништа, значи сака да ви испрати порака дека кај него постои нешто за кое му се восхитувате, а за кое можеби и му сте по малку љубоморни.

Секс со жена

Сигурно пиењето на утринското кафе ќе ви помине со мислите „Дали сум хомо(би)сексуалка?“ Не грижете се, вашата сексуална ориентација не е засегната. Сексот со претставничка на понежниот пол насон значи дека созревате и дека станувате потолерантни кон другите, кои се различни од вас. Но, не само кон нив. Овој сон е исто така знак дека започнувате да се чувствувате подобро во своето тело и да ги прифаќате вашите женски облини онакви какви што се. Најчесто се јавува кај бремените жени, бидејќи нема ништо поженствено од бременоста. Но, сонот во кој имате хомосексуална улога понекогаш во себе крие и предупредување дека на вашата врска ѝ недостига нежност и разнообразие.

Секс со славна личност

Има ли поубаво чувство од тоа да ја поминете ноќта со личност по која копнее секоја девојка на светот? Без разлика дали синоќа сте биле интимни со Бред Пит или со Рајан Гослинг, сметајте го тоа како добар знак. Сексот со позната личност ви посочува дека поседувате скриен талент, кој вашата потсвест го препознала и ви испраќа сигнали дека постои во вас. Но, ако сонувате секс со Џорџ Клуни, не значи дека сте родена актерка. Може да станува збор за талент со кој вие потсвесно ја поврзувате личноста која ја сонувате како дипломатски способности, добар стил на изразување, хуманост, скромност, љубезност итн. Сексот насон со позната личност може да упатува на фактот дека не сте го добиле заслуженото признание. Понекогаш истиот открива и дека сте амбициозна личност која копнее по успех или повисок статус во општеството.

Секс пред туѓи погледи

Уживате во страсните допири и бакнежи на партнерот од соништата, но набрзо сфаќате дека не сте сами и дека нечии погледи љубопитно ве набљудуваат. Секс пред публика – може да биде застрашувачки, но и неочекувано возбудлив. Можно е веднаш да скокнете и откако ќе сфатите што сте сонувале, да не можете да го спречите црвенеењето на образите. Ви доаѓа да се сокриете под јорган? Ако сексот пред публика предизвикал да се чувствувате непријатно и засрамено во сонот, размислете дали во последно време чувствувате дека очите на јавноста се насочени кон вашата врска. Дали ве плаши тоа каков впечаток остава вашиот партнер кај вашите најблиски, или пак, дека луѓето околу вас ве озборуваат? Вашиот сон е знак дека сте загрижени за тоа што мислат другите за вас. Доколку туѓите погледи во сонот не придонеле да се чувствувате непријатно и дури и ве возбудувале, тоа значи дека се гордеете со својот живот (особено љубовниот) и дека не ви е срам да се пофалите пред цел свет. Овој сон може и да значи дека имате силна потреба да се отворите и да ги искажете своите чувства, мисли и амбиции.

Секс со момчето/сопругот на ваша пријателка

Можеби веднаш ви доаѓа да го грабнете телефонот и да ѝ се јавите на вашата пријателка за да ѝ се извините, но не грижете се. Таа не го знае вашиот сон, а и сонот не го носи значењето кое прво ви доаѓа на ум. Сонот во кој имате сексуални односи со љубениот на вашата пријателка значи дека тој поседува карактеристика на која вие ѝ се воодушевувате. Независно дали тоа е неговата скромност, интелигенција или фактот дека е вистински џентлмен, вие потсвесно копнеете по неа и тајно посакувате и вашиот сакан да ја поседува истата. Размислете подобро и ќе видите од каде потекнува овој сексуален сон. Дали вашиот сон дојде откако вашата пријателка ви раскажуваше за романтичното изненадување што ѝ го приредил нејзиниот партнер или откако сте го виделе него како ја слуша со огромно внимание и посветеност?

Секс со мистериозна личност, чие лице не се гледа

Сонувавте страсна средба со мистериозен маж, но преокупирани со возбудата не успеавте да го видите неговото лице? Или пак, неговиот лик беше скриен под маска? Наредното утро можеби ќе се запрашате дали тоа е всушност „принцот“ кој набрзо ќе се појави во вашиот живот. Но, одговорот најверојатно е НЕ. Мистериозниот љубовник не е вашиот иден сопруг, ниту љубовта на вашиот живот. Иако не можете да го видите неговото лице, тој е тука за да ви соопшти нешто важно. Сексот со човек со скриено лице е порака дека длабоко во вас постои неоткриен талент, вештина или позитивна карактеристика на која не ѝ посветувате доволно внимание, а која може многу да ви помогне. Потсвеста ве насочува кон неа, па посветете си повеќе време за да се спознаете себеси. Сонот исто така може да значи дека сте ја откриле таа ваша дарба, но се срамите да ја покажете во јавноста.

Секс меѓу вашиот партнер и друга

Не трчајте веднаш да проверите дали саканиот навистина ве изневерува. Сонот во кој партнерот се возбудува од друга всушност се однесува на вас. Размислете! Дали во последно време сте се чувствувале несигурни во себе? Дали сте помислиле дека ја губите својата привлечност и способноста да го излудите вашиот сакан? Овој сон ги рефлектира тие ваши стравови и ви сигнализира дека треба да поработите на својата самодоверба. Запомнете, соништата се само соништа и се апсолутно нормална појава. Се смета дека околу 8% од соништата се сексуални и дека сексот еднакво често присуствува во соништата и на мажите и на жените.

„The chicks“: Музиката и нотите ги избравме како азбука и јазик преку кој се изразуваме

Христина Ѓоргиевска — Mon, 28 May 2018 07:43:54 +0000

Трите девојки од Велес, „The Chicks“ пред две години запливаа во музичките води и ја освоија публиката со својот талент и музика, а денес нивната агенда е полна со настапи, а пак од публиката добиваат премногу поддршка. Наталија Мејанџиева, Сандра Јорданова и Моника Ѓорѓиева своите музички способности ги сплотуваат заедно во еден музички бенд - „Тhe Chicks“.

Тие за Вистина.мк велат дека идејата за формирање на бенд била на Сандра која сакала да направи нов бенд и тоа женски. А овој предлог прифатен и од страна на Наталија и Моника, па така трите девојки го формираат „The chicks“. - Идејата беше на Сандра, а беше лесно и со возбуда прифатена од нас. Ние претходно имавме искуства со други бендови кои беа од мешан тип. Но, осетивме дека на македонската музичка сцена недостасува тој облик на енергија. Затоа сакавме да експериментираме малку и да создадеме нешто што ќе ја пополни празнината и ќе создаде едно ново искуство и доживување и за нас и за публиката „The chicks“ велат дека воопшто немале трема кога се започнале да работат како бенд, а фидебекот од публиката е одличен. - Од самиот почеток испаднавме со голем ентузијазам и елан. Целта ни е баш ширење на позитивна енергија, љубов и сплотување меѓу луѓето. Музиката и нотите ги избравме како азбука и јазик преку кој се изразуваме, јазик кој секој може да го разбере. Буквално од првиот настап тоа го осети публиката, со која ние отворено комуницираме. Нема нешто на овој свет што ќе ви го замени чуството на радост што публиката го враќа назад како фидбек, пее , се забавува до последната песна. Тоа е почит, која во знак на благодарност природно протекува во процесот на размена на добра енергија на нашите настапи. Поддршката е огромна од слушателите, фамилиите,пријателите, сограѓаните и генерално од нашата публика. Особена поддршка добиваме од нашите сограѓани , буквално од сите возрасти, националности, професии и религии. Споделувањето на нашите видеа, одзивот на настапите, интересот за нашите интервјуа, фотографиии и буквално се што излегува од нас на социјалните мрежи, ни е сигурен знак дека се движиме во добра насока, која влијае позитивно како и за музичката сцена во Македонија , така и за подобрување на клубскиот социјален живот.

Тие сметаат дека во денешно време кога конкуренцијата е силна и секој сака да биде пејач, под ова сонце има место за сите, само треба да работите на себе. - За секој има место под сонцето. Тоа е навистина стара, но евергрин мисла :) За сите има се, но патот сами си го креираме и трасираме. Од лично искуство би кажале дека од самиот наш почеток, веќе две години сме заедно, а настапи имаме колку што има неработни денови . Поентата е да работиш на себе, да се подобруваш и да сакаш да го пренесеш она што го знаеш и имаш како талент. Фокусот да ти е на тоа што ќе дадеш, а не на тоа што ќе добиеш. Тоа е формулата за успех. „Тhe chicks“ со песната на „Боите на љубовта“ се појавија на „Макфест“, каде што беа прогласени за најдобри дебитанти. - Кога ни понудија да настапиме на Макфест ни дадоа можност да избираме дали ќе настапиме со наша песна или ни понудија соработка со веќе етаблирани композитори. Нас идејата да создадеме наша песна и да дојде до израз нашата креативност ни беше попримамлива и го видовме тоа како интересен предизивик. Претходно имавме веќе осмислено мелодиска линија сосема случајно во еден момент на инспирација седејќи во една викендица со друштво. Моника ја зема гитарата и почна да свири , Сандра почна да пее, Наталија ја доработи и така се создаде музиката на песната. Дино Зуќиќ, млад, просперитетен и креативен композитор го изработи аранжманот на песната. А, Стефан Марковски веќе познатиот поет го напиша текстот на песната. Сценскиот настап и изглед исто го осмисливме ние трите. Видеото во позадината на видео бимот го изработи Влатко Рикалоски. Макфест беше навистина едно ново и преубаво искуство за нас на кое добивме награда за најдобри дебитанти за 2017та година.

Тие главно настапуваат со кавери на познати светски песни. - Да, ние свириме засега кавери од македонски и странски изведувачи, вклучувајќи и латино. Инспиративни ликови имаме многу. Почнувајќи од Joss Stone која обожава боса да си гази на сцена и да си пие чајче. Тоа е таа слобода на израз и уникатност што ја гледаме во неа. Ликови како David Bowie кои не инспирираaт на креативност и творештво,ликови како Тоше Проески кои се инспирација за човечност, добрина, хуманост и многу други.

Во моментот ја изработуваат нивната втора авторска песна со која ќе го одредат правецот во кој ќе се движи нивната музика. - Во моментов ја изработуваме нашата втора авторска песна и воедно го бараме правецот кој би не дефинирал трите. Но , да ви откриеме дека се движиме накај разигран ритам, песна со модулации, захтевни ноти и бистри ниски тонови , чија вибрација поттикнува чувство на исполнетост по секое слушање. Се надеваме дека ќе ви се допаднат вистинските The Chicks.

За Вистина.мк велат дека ја почитуваат и ценат македонската музика, па често пејат и кавери од наши квалитетни изведувачи - На македонската сцена има изведувачи кои се навистина квалитетни. Ние сакаме да ја поттикнеме публиката да слушат македонска музика и често пати изведуваме повеќе македонски песни отколку странски. Свириме и пееме песни од многу наши идоли на македонската сцена меѓу кои Калиопи , Каролина Гочева,Тамара Тодевска итн.Каролина Гочева би ја издвоиле како одличен вокал. Зад себе има оставено повеќе песни, а во исто време е уникатна по своите проекти со албумите "Македонско девојче". Покрај пеењето, Моника, Сандра и Наталија имаат и примерни професии, а секогаш имаат и време за музиката и за спорт. - Да, сите покрај музиката се занимаваме и со нашите примарни професии. Моника е докторка, Сандра работи адвокатура, а Наталија е економист. Покрај тоа наоѓаме време секоја индивидуално за спортување, одиме на часеви по пеење кај Професор Горан Диновски, не ги изоставуваме и нашите пријатели и фамилии. Така да слободно време немаме многу. Но, ентузијазмот и желбата да се надоградуваме во се она што го правиме ни дава мотивација да постојано работиме на себе и растеме.

„The chicks“ моментално работат на видео записот за песната „Доживотно“ на Елена Ристеска, а потоа ќе објават и нивна авторска песна на која работат со одличен тим. Така е , видео записот за песната „Доживотно“ е речиси при крајот и премиерно ќе се прикаже во текот на неделава. Преработка токму на таа песна беше идеја на еден наш пријател Дино Зукиќ, во чие студио(Dino’s Home Studio) ја снимивме и песната за Макфест. Многу сме среќни бидејќи заедно со него направивме едно интересно каверче во три гласа кое ќе имате прилика да го чуете. Ја изработивме “Доживотно”, бидејќи песната е полна со емоции и поаѓајќи од нашите искуства многу се поврзавме со неа :).

Наскоро по неа, ќе испадне наша авторска песна на која работиме со одличен тим, а исто така планираме и видео запис. Па следи албум, фестивали, настапи, соработки, еден интересен џез проект... и толку откриваме за сега. Би сакале да споменеме, Голема благодарност до целиот тим што работи и соработува со нас. Од нашите пријатели кои не возат и ни се огромна поддршка на нашите настапи, нашиот драг пријател и фотограф Нино Николов, кој ни ги прави до сега сите фраерски фотосесии, Благодарност до професионалноста на Данчо Стефков - Tulip Pro и DMX master - професионално осветлување со кои соработуваме за нашите спотови.

Се замислуваат во тројка, со поранешниот – ова се најчестите женски секс фантазии

Горан Силјановски — Fri, 04 May 2018 10:57:41 +0000

Фантазијата е моќна сексуална алатка која предизвикува голема возбуда и страст. Фројд направил грешка кога тврдел дека само сексуално незадоволените луѓе фантазираат за секс. Денешните истражувања покажале дека луѓето кои имаат богата еротска фантазија, имаат и покачено либидо и чувствуваат поголемо задоволство за време на интимните контакти. Сексуалните фантазии се апсолутно нормални и присутни и во машкиот и во женскиот ум. Тие може да се однесуваат на некое искуство од минатото или едноставно да се само тајни фантазии кои никогаш не се случиле, а некои не ни посакуваме да се остварат. Многу почесто слушаме за машките фантазии и за тоа што мажите посакуваат во кревет. Женските сексуални фантазии сè уште како да остануваат во категоријата табу. И покрај тоа, постојат релевантни докази дека колку и да се различни жените една од друга, голем дел од нивните фантазии се повторуваат. Еве мал дел од мистичниот свет на женските сексуални фантазии:

Совршениот љубовник

Една од најчестите фантазии е секс со привлечен и страстен маж кој знае како да направи да се чувствувате специјални, знае како да ве допре без да му давате инструкции и може да ве задоволи како никој друг. Во фантазиите тоа може да биде вашиот партнер, непознат странец, пријател, колега или селебрити личност.

Секси странец. Повеќето жени ја обожаваат идејата да се запознаат со мистериозен секси странец со кого ќе имаат луда интензивна сексуална авантура, а по која никогаш повеќе нема да го видат.Зошто е примамливо? Жените често се воздржуваат за време на сексуалните односи, а кога се со некој што не го познаваат и кого никогаш повеќе нема да го сретнат, можат целосно да се опуштат и да ја покажат својата дива страна без да се плашат дека ќе бидат осудувани и без да чувствуваат грижа на совеста.
Вашиот партнер. Многу жени фантазираат за своите партнери, но бидејќи станува збор за тајна фантазија, тие фантазираат за нешто поинакво од она што го доживуваат во реалноста. Ако нивниот партнер е секогаш внимателен и нежен, си замислуваат див секс со него и обратно.Зошто е примамливо? Затоа што одлично го познавате вашиот партнер и можете детално да си го претставите секој момент, а освен тоа оваа фантазија не носи чувство на вина – сепак вие фантазирате за вашиот партнер.
Колега, пријател, бивши. Фантазирањето за привлечниот бивши, колега, пријател, па дури и за партнерот на најдобрата пријателка, е сосема нормално. Често сте во контакт со оваа личност, а може и да присуствува во вашите палави соништа.Зошто е примамливо? Одговорот е сосема едноставен – забранетото овошје секогаш е послатко.
Селебрити заводник. Ако не е Бред Пит, може да биде Џорџ Клуни, ако не е Клуни, може тоа да е Вилијам Леви или Џони Деп... Сигурно сте го виделе на екран како заведува, па сте посакале вие да сте на местото на неговата колешка актерка.Зошто е примамливо? Тој е светски секс симбол кој со еден поглед може да направи да сакате да се соблечете. Причината зошто е примамливо е очигледна.

Страсно трио

Сексот во тројка не е само популарна машка фантазија. И жените посакуваат уште една личност во спалната, барем во своите фантазии.

Тројка со двајца мажи. Како што мажите би сакале да го добиваат целото внимание од две жени, така и жените би сакале да бидат цел на допирите на двајца мажи кои ги обожаваат и посакуваат. Во оваа фантазија најчесто мажите се хетеросексуални и се заинтересирани само за жената и за нејзиното задоволување.
Тројка со маж и жена. Да, најчестата машка фантазија е и женска. Но, додека во машките фантазии двете жени подеднакво учествуваат во сексуалната игра предводена од мажот, во женските фантазии мажот е попасивен учесник (набљудувач) и/или не ѝ обрнува многу внимание на другата жена, за да се избегне чувството на љубомора.

Зошто е примамливо? Стандардниот секс вклучува две лица. Фантазиите вообичаено вклучуваат нешто што е надвор од нормите, надвор од она што е прифатено за општеството, па сексот во тројка е токму тоа. Дополнително, денес често се зборува за сексот во тројка како нешто возбудливо и интересно, па многумина решаваат дури и да го искусат. Но, запомнете дека реалноста е далеку поинаква од фантазиите. Оние кои не се големи авантуристи и експериментатори решаваат да ја зачуваат „тројката“ во своите мисли.

Доминација

Сексот во којшто едниот партнер е доминантен е во фантазиите на секоја жена.

Машка доминација. Жените сакаат мажествени мажи во чија прегратка можат да се изгубат. Скоро секоја жена си има помислено на таканареченото безбедно силување.
Женска доминација. Колку и да посакуваат силни мажи кои доминираат во спалната, жените понекогаш посакуваат тие да ја преземат контролата и нивниот партнер да ги исполнува сите нивни желби.

Зошто е примамливо? Доминантноста и потчинетоста создаваат страст и поголема возбуда. Кога жените се доминантни, обземени се со чувството на моќ и власт, а кога се потчинети, уживаат во сценариото да бидат скоро беспомошни во рацете на силен маж.

Секс со друга жена

Ретки се жените кои никогаш не си помислиле како би било да бакнат други нежни женски усни, па и да си разменат еротски допири со претставничка на понежниот пол. Зошто е примамливо? И жените ѝ се воодушевуваат на убавината на женското тело. Освен тоа, жените знаат како сакаат да бидат допрени, па се примамени од фактот што сексот со жена е како секс со нежен совршен љубовник. Љубопитноста е важен фактор за ваквите фантазии.

Палави, забавни, сензуални и често неочекувани, сексуалните фантазии неретко ги преземаат нашите мисли, потсвеста или соништата. Иако некои жени ги оставаат еротските сценарија токму во фантазијата, други се обидуваат да ги инкорпорираат во својот сексуален живот. Сепак, причината поради која фантазиите се толку возбудливи и примамливи е што повеќето од нив никогаш нема да бидат реализирани.

Осум најчести женски грижи поврзани со сексот

Горан Силјановски — Tue, 01 May 2018 08:55:47 +0000

Сексот носи големо задоволство, но понекогаш е проследен и со вознемиреност поради одредени стравови кои ги раѓа разголувањето и самата интимност. Да бидеме реални, и мажите и жените имаат свои стравови во однос на сексот. Мажите повеќе се загрижуваат за нивната изведба, за големината на половиот орган, за тоа дали ќе успеат да одржат ерекција, а се плашат и од предвремена ејакулација. Женските грижи во спалната може да ја намалат сексуалната возбуда и уживањето Женските стравови се малку поразлични. Но, без оглед дали се загрижуваме од тоа како изгледа нашето тело, дали се привлечни нашите интимни делови, или пак, дали го задоволуваме нашиот партнер, ние жените си создаваме во главата пречки кои само нè оддалечуваат од врвното задоволство. Еве што најчесто ги загрижува жените во однос на сексот:

„Дали мирисам пријатно таму долу?“ Често се случува наместо жената безгрижно да ужива додека добива орален секс од својот партнер, да се тревожи заради миризбата на своите интимни делови. Факт е дека секое тело има своја миризба, што е сосема нормално. Во таа миризба има и феромони кои не само што не ги одбиваат, туку ги привлекуваат мажите. Женската вагина навистина може да има непријатна миризба при појава на инфекција или сексуално пренослива болест. Но, сè додека сте здрави и одржувате добра лична хигиена, не треба да се плашите дека вашиот партнер ќе чувствува одбивност додека ве задоволува орално. Всушност, мажите се возбудуваат кога го прават тоа, па предајте им се на пријатните чувства и уживајте.

„Што ако ми се случи да испуштам гасови?“ Многу жени се плашат дека во моментите на целосна опуштеност може да им се случи засрамувачко испуштање на гасови. Да, можеби таквата случка не би поминала без зацрвенување на вашите образи, но тоа не треба да ви биде причина за загриженост. Просечниот човек испушта гасови 14 пати дневно, а се смета дека и на мажите и на жените подеднакво им се случува тоа. Па, нема простор за грижи. Ако се најдете во таква ситуација, пријдете ѝ на „случката“ со хумор. Насмејте се заедно со вашиот партнер и продолжете. Истото важи и за вагиналното испуштање на гасови.

„Изгледам дебело во овие гаќички и дали се гледаат мојот целулит и стриите на оваа светлина?“ Совршено извајаните женски тела со беспрекорна кожа кои секојдневно ги гледаме на интернет, телевизиските реклами и списанијата создаваат нереална слика за женската убавина. Иако сите сме свесни дека фотографиите од тие модели се дигитално обработени, сепак потсвесно си поставуваме високи стандарди за изгледот, кои тешко се постигнуваат. Секоја жена, а и голем број од мажите, имаат таканаречени „дебели денови“, кога се чувствуваат малку пополничко и непријатно во својата кожа. Но, кога влегувате во спалната, потребно е да ги оставите таквите негативни мисли зад врата ако сакате максимално да уживате. Вашиот партнер нема да го забележи целулитот или стриите ако самоуверено го заведувате и ако тој гледа дека уживате во тоа. Кога за време на секс во главата ќе ви долета мисла за тоа како изгледате и дали партнерот ве смета за привлечна, веднаш избркајте ја и препуштете му се на моментот. Изгледајте и чувствувајте се убаво кога сте голи »

„Не можам да доживеам оргазам - да одглумам (повторно)?“ Многу се ретки среќничките кои можат да се пофалат дека доживуваат оргазам за време на секој сексуален однос. Мнозинството жени не можат да стигнат во врвната точка само со вагинална пенетрација. Преоптоварувањето со вашиот оргазам повеќе ќе ви одмогне, отколку што ќе ви помогне. А, глумењето оргазаме најлоша варијанта, бидејќи вашиот партнер ќе смета дека прави сè правилно и нема да се труди да експериментира за да ви достави поголемо задоволство. Релаксирајте се и заборавете на оргазмот. Уживајте и фокусирајте се на пријатните чувства.

„Што ако останам бремена?“ Голем број жени барем еднаш во животот се нашле во ситуација да се плашат од непосакувана бременост. Некои поради тоа што не користеле заштита, други од страв да не пукне кондомот, трети поради страв од неефективност на контрацептивните таблети. Доколку не планирате да забремените, секогаш користете кондом за да ги искорените стравовите. Заборавете го методот на повлекување непосредно пред ејакулација (coitus interruptus). По секој сексуален однос проверувајте дали кондомот е здрав. Многу се ретки случаите кога кондомот пука при секс, но ако ви се случи тоа, информирајте се за ургентната контрацепција со таблети „ден потоа“. Ако користите контрацептивни таблети, погрижете се да ги пиете редовно.

„Што ако префатам некоја сексуално пренослива болест?“ Секоја разумна личност го има овој страв кога за првпат стапува во сексуален однос со нов партнер. Жените особено се паничарки на оваа тема, и со право, затоа што се поизложени и посклони кон префаќање на СПБ. На пример, се смета дека има двојно поголема веројатност една жена да биде заразена со ХИВ од маж, отколку обратно. Стравот добива и поголеми размери затоа што луѓето сè уште не разговараат отворено на оваа тема. Малкумина се оние кои ќе се осмелат да позборуваат со нов партнер на тема сексуално преносливи болести пред да се впуштат во сексуални односи. Моногамната врска ќе ве ослободи од овој страв. А, за да го минимизирате ваквиот страв кога имате сексуални односи со нов партнер, останете цврсти во своето барање да користите кондом како заштита, дури и ако примате контрацептивни таблети. Не заборавајте дека таблетите штитат од несакана бременост, но не од несакани полови болести.

„Зошто не сум доволно навлажнета?“ Можно е да се случи страсните бакнежи и еротската предигра да ја возбудат жената, но и покрај тоа нејзината вагина да остане сува. Во таков момент во нејзината главата сигурно ќе се вртат прашањата: „Зошто? Нешто не е во ред со мене?“. Вистината е дека понекогаш хормоните си поигруваат со женското тело и влажноста се намалува. Често им се случува на жените кои се во менопауза или кои дојат да не се доволно влажни. Но, и во други периоди од животот на претставничките на понежниот пол се појавуваат „сушни“ денови. Решението на овој проблем е едноставно – лубрикант базиран на вода.

„Дали имам привлечна и нормална вагина?“ Мажите се грижат за големината на пенисот, а жените за изгледот на вагината. Не сте единствени ако си помислувате дека вашите срамни усни се поголеми или потемни отколку што е нормално, или пак, дека се нееднакви. Дека изгледот на вагината ги загрижува жените потврдуваат статистиките кои говорат дека вагинопластиката станува сè попопуларна во светски рамки, т.е. сè поголем е бројот на жени кои легнуваат под нож за подмладување, разубавување или избелување на вагината. Вагината може да има различна форма и големина, што е сосема нормално и не треба да ве загрижува. Одржувајте ја интимната област чиста и уредна и сакајте го своето тело.

Ваквите и слични грижи само ви ја намалуваат желбата за секс, ве прават повоздржани и ви го скратуваат задоволството. Ослободете се од нив за да можете релаксирано да уживате во прегратките на вашиот сакан.

Најчестите женски сексуални фантазии

Горан Силјановски — Mon, 23 Apr 2018 08:41:10 +0000

Совршениот љубовник Една од најчестите фантазии е секс со привлечен и страстен маж кој знае како да направи да се чувствувате специјални, знае како да ве допре без да му давате инструкции и може да ве задоволи како никој друг. Во фантазиите тоа може да биде вашиот партнер, непознат странец, пријател, колега или селебрити личност.

Секси странец. Повеќето жени ја обожаваат идејата да се запознаат со мистериозен секси странец со кого ќе имаат луда интензивна сексуална авантура, а по која никогаш повеќе нема да го видат. Зошто е примамливо? Жените често се воздржуваат за време на сексуалните односи, а кога се со некој што не го познаваат и кого никогаш повеќе нема да го сретнат, можат целосно да се опуштат и да ја покажат својата дива страна без да се плашат дека ќе бидат осудувани и без да чувствуваат грижа на совеста.
Вашиот партнер. Многу жени фантазираат за своите партнери, но бидејќи станува збор за тајна фантазија, тие фантазираат за нешто поинакво од она што го доживуваат во реалноста. Ако нивниот партнер е секогаш внимателен и нежен, си замислуваат див секс со него и обратно.Зошто е примамливо? Затоа што одлично го познавате вашиот партнер и можете детално да си го претставите секој момент, а освен тоа оваа фантазија не носи чувство на вина – сепак вие фантазирате за вашиот партнер.
Колега, пријател, бивши. Фантазирањето за привлечниот бивши, колега, пријател, па дури и за партнерот на најдобрата пријателка, е сосема нормално. Често сте во контакт со оваа личност, а може и да присуствува во вашите палави соништа.Зошто е примамливо? Одговорот е сосема едноставен – забранетото овошје секогаш е послатко.
Селебрити заводник. Ако не е Бред Пит, може да биде Џорџ Клуни, ако не е Клуни, може тоа да е Вилијам Леви или Џони Деп... Сигурно сте го виделе на екран како заведува, па сте посакале вие да сте на местото на неговата колешка актерка.Зошто е примамливо? Тој е светски секс симбол кој со еден поглед може да направи да сакате да се соблечете. Причината зошто е примамливо е очигледна.

Страсно трио Сексот во тројка не е само популарна машка фантазија. И жените посакуваат уште една личност во спалната, барем во своите фантазии.

Тројка со двајца мажи. Како што мажите би сакале да го добиваат целото внимание од две жени, така и жените би сакале да бидат цел на допирите на двајца мажи кои ги обожаваат и посакуваат. Во оваа фантазија најчесто мажите се хетеросексуални и се заинтересирани само за жената и за нејзиното задоволување.
Тројка со маж и жена. Да, најчестата машка фантазија е и женска. Но, додека во машките фантазии двете жени подеднакво учествуваат во сексуалната игра предводена од мажот, во женските фантазии мажот е попасивен учесник (набљудувач) и/или не ѝ обрнува многу внимание на другата жена, за да се избегне чувството на љубомора.

Доминација Сексот во којшто едниот партнер е доминантен е во фантазиите на секоја жена.

Машка доминација. Жените сакаат мажествени мажи во чија прегратка можат да се изгубат. Скоро секоја жена си има помислено на таканареченото безбедно силување.
Женска доминација. Колку и да посакуваат силни мажи кои доминираат во спалната, жените понекогаш посакуваат тие да ја преземат контролата и нивниот партнер да ги исполнува сите нивни желби.

Секс со друга жена Ретки се жените кои никогаш не си помислиле како би било да бакнат други нежни женски усни, па и да си разменат еротски допири со претставничка на понежниот пол. Зошто е примамливо? И жените ѝ се воодушевуваат на убавината на женското тело. Освен тоа, жените знаат како сакаат да бидат допрени, па се примамени од фактот што сексот со жена е како секс со нежен совршен љубовник. Љубопитноста е важен фактор за ваквите фантазии.