жељко бебек – Вистина.мк

Жељко Бебек доживеа незгода – пејачот падна пред публиката на концертот (видео)

Слаѓана Атанасова — Tue, 28 Nov 2023 10:57:48 +0000

Познатиот пејач и поранешен фронтмен на групата „Бијело дугме“, Жељко Бебек доживеа непријатност на неодамна одржаниот концерт по повод 50 години кариера. Тој настапувал во Виена, кога доживеал незгода, поради што паднал среде бина. Додека носел мегафон во рака и се приближувал кон публиката, Бебек наеднаш колабирал. Кога се обидел да стане, повторно изгубил рамнотежа и паднал, а видеото од несреќата ги преплави социјалните мрежи. На крајот, пејачот некако дошол до клавијатуристот и се држел за него, бидејќи очигледно имал проблем да остане на нозе. По ова многу обожаватели се исплашиле за состојбата на пејачот.

Željko Bebek pada po bini pic.twitter.com/HQNwZNOVuu
— Rade Fantastični (@RFantasticni) November 27, 2023

И додека едни тврдат дека Жељко „испил половина кафеана“, како што пее во една од неговите песни, други се расправале и го бранеле во коментарите, тврдејќи дека е јасно дека се сопнал, а други коментирале дека „можеби има проблем „.. Фото: Принтскрин/Twitter/Instagram/zeljkobebek

Поранешна Југославија го знае како Жељко Бебек, но тоа не е неговото вистинско име: Ова е вистинското име на пејачот (фото)

Слаѓана Атанасова — Thu, 27 Oct 2022 06:34:52 +0000

Жељко Бебек, легендарниот пејач на југословенската рок-сцена и поранешен член на групата „Бијело дугме“, низ регионот е познат по ова име и презиме, но во неговата лична карта е нешто поразлично. Имено, тој еднаш го откри своето вистинско име, но и додаде дека никој не го нарекува така. Јас всушност сум Желимир, но никој никогаш не ме нарекува така – започна пејачот, а потоа откри дека сите се изненадуваат кога во документите ќе го видат неговото вистинско име: Тоа го пишува во документите и кога луѓето го читаат во документите, велат - 'Мислев дека си Жељко' - изјавил Бебек, а потоа открил и дека не е точно дека е роден во Бугојно. - Неверојатно е што толку многу се зборуваше. Тоа е веројатно затоа што некој одамна напишал на Википедија дека сум роден во Бугојно. Точно е дека имав пошироко семејство во Бугојно. Како дете често поминував таму, па тогаш некои бугојнци кои влијаеле на Википедија го пишуваа тоа мислејќи дека сум роден во Бугојно. Всушност, моето потекло е од Херцеговина, од Вељак, а роден сум во Сараево – истакнал пејачот. Фото:Принтскрин/Ата Имаџес

Ова е 32-години помладата сопруга на легендарниот пејач на „Бијело Дугме“, Жељко Бебек: Таа му е трета – среќа или ќе биде… „Ружица беше, сега веќе не си?“ (ФОТО)

Антонио Димитриевски — Thu, 17 Dec 2020 11:48:49 +0000

Некогашниот пејач на легендарната рок група „Бијело дугме“, Жељко Бебек деновиве го слави својот 75-ти роденден. Тој беше првиот пејач на најголемиот и најпопуларен екс ЈУ бенд, а некои велат и најголемата рок група на сите времиња во регионот, која официјално ја напушти во 1984 година и продолжи со соло кариера. Освен успехот во шоубизнисот, животот на пејачот го обележаа и љубовните турбуленции. Имено, Бебек има два неуспешни брака зад себе, а во моментов ужива во третиот со својата сопруга Ружица, која е дури 32 години помлада од него. Тие се заедно од 2002 година, а Бебек рече дека се заљубил во сегашната жена уште на прв поглед. „Отсекогаш мислев дека немам време или дека нема да можам да најдам вистинска убов. Дотогаш, мајка ми ми беше жена на прво место. Потоа ја запознав Ружица и можам да кажам дека тоа беше љубов на прв поглед. Веднаш можев да и вратам со „Те сакам“. Само кога ќе ја пронајдете вистинската љубов, тогаш разбирате што тој збор всушност значи. Го чувствуватесо целото свое битие. Покрај неа, научив дека има нешто што е над мојата кариера“ - ќе додаде Бебек, кому таа му е трета - среќа... Или ќе биде како во баладата на „Дугме“: „Ружица беше, сега веќе не си?“ „Нема да си дозволи таков луксуз сега, уште за малку...“ - велат злобниците асоцирајќи на возраста на пејачот, кој за среќа, иако длабоко навлезен во осмата деценија од животот, очигледно се' уште е во извонредна форма и кондиција. Фото: Инстаграм принтскрин/zeljkobebek

Амира, Рундек и Бебек настапат во Хераклеа: Само 600 посетители и задолжително заштитни маски

Антонио Димитриевски — Tue, 28 Jul 2020 08:47:47 +0000

Амира Медуњанин, Дарко Рундек и Жељко Бебек со ексклузивни концерти во август ќе настапат во Хераклеја – Битола. Привилегија за само 600 посетители по вечер! Авалон Продукција се потруди да ги исполни желбите и на битолчани да имаат барем неколку културни настани ова лето. Така, публиката ќе може да ги види следните артисти во следните денови и редослед: Амира Медуњанин: 08-ми август. Дарко Рундек: 14-ти август. Жељко Бебек: 22-ри август. Во продажба ќе бидат пуштени само 600 влезници од концерт, и тоа веднаш од утре преку продажната мрежа на Авалон низ Македонија. Носењето на заштитни маски е задолжително за сите посетители и без нив нема да биде дозволен влез на концерт.

Погледнете како изгледа 32 години помлада сопруга на Жељко Бебек која се крие од јавноста!

Христина Ѓоргиевска — Tue, 05 Jun 2018 10:42:44 +0000

Пејачот Жељко Бебек многу ретко се појавува во јавноста со својата сопруга бидејќи таа не сака да се експонира. Меѓутоа, синоќа на едно случување направи исклучок. Ружица од Жељко е помлада 32 години, имаат две деца, а оваа година ќе прослават 16 години брак. А своевремено јавноста зборуваше и за нивната фотографија после секс, која се појави на социјалните мрежи во времето кога беше тоа во тренд.

Жељко и неговата сопруга синоќа се појавија на еден настан, а еве како изгледаше поубава половина на пејчот.

фото:Милан Илиќ

Загина Жељко Бебек е веста која го шокираше регионот… За среќа, информацијата е лажна! (ФОТО)

Антонио Димитриевски — Thu, 02 Nov 2017 14:12:27 +0000

На Фејсбук одненадеж се прошири веста дека легендарниот музичар и некогашен пејач на „Бијело Дугме“, Жељко Бебек, загинал во сообраќајна несреќа на автопатот во близина на Хамбург. За среќа, набргу се покажа дека ова е само уште една лажна вест, која по кој знае кој пат „погреба“ уште еден познат и популарен естраден уметник.

Веста за загинувањето на Бебек го шокираше регионот, па набргу самиот пејач се појави и ги негираше овие гнасни лаги: „Прочитав и јас дека сум мртов, но за среќа тука сум жив и здрав. Во саботата имав феноменален концерт во близината на Чаковец и не ми фали ниту влакно на главата. Јас и мојот тим се обидуваме да го исконтактираме медиумот кој објави ова, за да не продолжи да ја дезинформира јавноста. Но сега за сега немаме успех, бидејќи тоа е некој непознат или лажен портал и едноставно не може да се дојде до нив. Јас не знам од каде таа информација, ниту пак на кого воопшто му одат ваквите вести во полза“ - изјавил Бебек и истакнал дека по ширењето на лажните гласини стотици луѓе се јавувале да проверат дали е жив, бидејќи тие не можешле да веруваат во она што го прочитале или слушнале.

Инаку на порталот пишувало дека „инцидентот се случил кога пејачот заспал на воланот, по што дошло до верижен судир во кој покрај Бебек, загинал и неговиот менаџер“. Ова не е првпат да се измислат лажни приказни за смртта на познати уметници од естрадата. Пред Жељко Бебек на таа, нималку пријатна листа исто така се најдоа и Аца Лукас, Драган Стојковиќ Босанац, Шабан Шаулиќ...