здраво млади – Вистина.мк

13. издание на Фестивалот „Здраво млади“ на 23 септември во МКЦ

Антонио Димитриевски — Sat, 23 Sep 2023 06:23:13 +0000

На 23 септември (сабота) со почеток во 20 часот па се до раните утрински часови следниот ден, ќе се одржи 13 јубилејно издание на фестивалот на нова музика ЗДРАВО МЛАДИ кој повторно го носи свежиот звук на светската музика во Скопје. На 5 бини во Младинскиот културен центар ќе настапат повеќе од 20 артисти од 11 земји од Европа. Како и секоја година, програмата на фестивалот цели кон жанровска разновидност, нови и надежни артисти како и веќе етаблирани музичари во својата музичка кариера. Надоаѓачките артисти се срцевината на фестивалот, Во салата 25 Мај во МКЦ, популарно познта како Денсинг сала како централниот настан ќе го отвори настапот на рускиот џез панк состав Оми, по кој следи фолк сензацијата Џутко и Плодови Земље од Хрватска, потоа домашниот состав Мај Тиар со нов состав и најава за новиот албум, хрватската психоделична банда Немања за на крај вечерта на оваа бина се затвори со долгоочекуваниот настап на хрватскиот анти рапер Војко В и Доуп Куќата. Киното Фросина е наменето за млади надоаѓачки артисти кои имаат на кои дел од нив настапот на ЗДРАВО МЛАДИ им е посебен предизвик во нивните свежи кариери. На оваа бина, ќе се проследат настапите на новата звезда на српската поп музика Жива, португалката маѓионичарка на уку лелето Рита Брага, домашниот џез фолк состав Калата и францускиот рапер Јоланде Башинг. Клубот МКЦ е резервиран за електронските артисти на фестивалот. Овде, публиката ќе има прилика да го чуе легендарниот рокенрол изведувач Иан Свенониус и неговиот последен проект Ескапизам, францускиот електронски артист чиј настап долго се очекува YMNK, кралевите на кумбијата Маускович Денс Бенд, италијанците Планет Опал и звездите на вечерта, британците PVA, кои за многу кратко време ќе се искачат многу високо на светските топ листи. Џебното кино во МКЦ е резервирано за промоција на литературно музичкиот колектив Слово Култ со настап на 3 електронски артисти, ЏејДи Зази, Елизабета Костадиновска и Маргарет Аноун. На платото пред МКЦ пак, со свој диџеј сет ќе не загреваат во текот на целата фестивалска вечер – резидент диџејот на Здраво Млади, диџеј Фиц заедно со поддршка од локалните диџеј уметници Ајнур Касо и Ертунч Сали. Младински културен центар ветува уште едно спектакуларно издание на фестивалот, кој оваа година е финансиран од страна на Министерството за култура и Град Скопје, како и настапите на артистите кои се дел од програмата Лајвјуроп. Билетите може да се набават на билетарницата на МКЦ или на олајн линкот за продажба на билети на МКЦ.

Јубилејното 10-то издание на “Здраво млади” ќе се одржи на 27-ми август во паркот на МКЦ

Антонио Димитриевски — Mon, 06 Jul 2020 06:04:25 +0000

Јубилејното издание на фестивалот “Здраво млади” е закажано за на 27-ми август во паркот на Младинскиот културен центар (МКЦ) во Скопје. “Поминавме 9 лета заедно слушајќи ги најактуелните имиња на прогресивната музичката сцена, а за ова десетто издание на “Здраво млади” досега ги најавивме: данските легенди на инди-рок сцената – “Efterklang”, свежата психоделија од Истанбул – “Lalalar”, неверојатните “Viagra Boys” од Шведска, британското пост-панк трио – “Shopping” и домашните “Funk Shui”, велат организаторите на фестивалот. “Здраво млади” ќе биде реализиран со строго почитување на Протоколот за организација на настани, кој беше усвоен на 73. Седница на Владата на Р. Македонија.Билетите се веќе достапни на билетарницата во МКЦ и online преку bileti.mkc.mk.

„Здраво млади“ во МКЦ парк

Антонио Димитриевски — Thu, 29 Aug 2019 12:23:27 +0000

На 31 август на „Здраво млади“ во МКЦ ќе настапат: Nipplepeople, Operators, Svemirko, Mueran Humanos, Rib, Fujiya & Miyagi, Stojche, Vivian Koch, Conforce, Alex Acid, ZeeBomb, Matej Foltz, Dillon и Зденко Петровски со неговата прва самостојна изложба на фотографии насловена „МКЦ документ“. Запaметете, 31 август (сабота) - #ЗДРАВОМЛАДИ9 на локација – МКЦ парк. Билетите се продаваат само на билетарница во МКЦ и online преку bileti.mkc.mk > https://bileti.mkc.mk/index.php?id=433

„Здраво Млади“ годинава со околу 5000 посетители

Слободанка Илиева — Thu, 06 Sep 2018 12:19:27 +0000

– Осмото издание на фестивалот на нова музика „Здраво млади“ покажа дека Скопје има капацитет и желба и за многу повеќе. Дванаесетчасовната програма распослана на неколку сцени пред и во МКЦ, ведрата, насмеана и разиграна публика, меѓу која и голем број странски гости, дојдена во Скопје специјално за фестивалот, го потврдуваат сето тоа, наведуваат од МКЦ. Посебно значајно за годинашното издание на фестивалот е тоа што тој влезе во фестивалската биографија на глобалниот феномен „Cigarettes After Sex“. Фестивалската програма започна со најновото музичко-сценско освежување на домашната театарска сцена, рап-мјузиклот „Црнила ремикс“, во режија на Јордан Симонов, а продукција на МКЦ. Музичката програма ги претстави и домашните Палиндром, српските Репетитор, вторите гости од САД, Wooden Shјips, а на сцените внатре во МКЦ беа претставени и: Eric Copeland, музичко-визуелниот тајфун Blanck Mass, берлинското чудо Camera, надежната раперка Flohio, како и домашната „одбрана“ Don Playa, Bon Praskiza, Oggie и Druggy Drags со програма што будно траеше до раните утрински часови. Во галеријата на МКЦ беше поставена и изложбата на фотографии на германскиот автор Стефан Хекел – „Landscape Unusual“, а високата позитивна енергија на фестивалот цело време ја одржуваше нашиот најголем фан и „Здраво млади“ резидент, Ирецот DJ FITZ, соопштија од МКЦ. „Здраво млади“ оваа година се потруди да ги донесе на концертно уживање и најмладите, креирајќи посебна јуниор програма со концерт на „Пет плус бенд“. Фестивалот оваа година оствари рекордна посетенот, со околу 5.000 посетители, а како никогаш претходно доминираа млади лица, наведуваат од МКЦ. извор:cooltura.mk

„Здраво млади“ во МКЦ по 8-ми пат

Антонио Димитриевски — Thu, 30 Aug 2018 11:28:05 +0000

За осмото издание на фестивалот „Здраво млади“, организаторите најавуваат 12-часовен хепенинг со нова музика, добро друштво и добра храна. Меѓу најавените артисти се американските состави „Сигаретс афтер секс“ и „Вуден шипс“, српскиот бенд „Репетитор“, германците „Камера“, потоа „Бленк мас“ и „Флохајо“ од Англија, но и неколку македонски состави, театарска претстава и изложба на фотографии. Целосната програма и редоследот на настапите е следен: Кино Фросина 19:30 ЦРНИЛА РЕМИКС Бина надвор 20:30 ПАЛИНДРОМ 21:45 РЕПЕТИТОР 23:15 CIGARETTES AFTER SEX 00:45 WOODEN SHJIPS Бина Внатре 21:00 CAMERA 22:30 FLOHIO 00:15 BLANCK MASS 01:30 – 05:00 OGIE x PETR, DONPLAYA x BON PRASKIZA, DRUGGY Бина Плато 19:00 DJ FITZ Дансинг Сала 01:15 ERIC COPELAND

Инаку, билетите можат да се набават во претпродажба на билетарница на МКЦ и онлајн преку продажната мрежа на MkTickets. На денот на одржување на фестивалот, 1-ви септември, цената на билетите ќе биде поскапа од претпродажната.